...

ანჩელოტი: "ჩვენ ჯერ კიდევ ცოცხლები ვართ!"

მიუნხენური კლუბის მთავარმა მწვრთნელმა, კარლო ანჩელოტიმ, დღევანდელი "ევროპული კლასიკო" შეაფასა, რომელიც მისმა გუნდმა შინ 1:2 წააგო.

"ბაიერნმა" იდეალური პირველი ტაიმი ჩაატარა და მადრიდის "რეალი" 1:0 დაამარცხა, მაგრამ მეორე ნახევარში ყველაფერი შეიცვალა - "სამეფო კლუბმა" სწრაფი ბურთი გაიტანა, შემდეგ მოედნიდან მარტინესი გააძევეს და საბოლოოდ მადლობელი უნდა ვიყოთ, რომ მხოლოდ 1:2 დავმარცხდით.

"პატარა დეტალები უკვე განსხვავებას ქმნის. ჩვენ პენალტი მაშინ გავაფუჭეთ, როდესაც ანგარიში 2:0 უნდა გამხდარიყო. შემდეგ მეორე ტაიმის დასაწყისში გავუშვით და მატჩის სურათი შეიცვალა.

კრიშტიანუმ დღევანდელი მატჩის ბედი გადაწყვიტა. ვფიქრობ, მას წითელ ბარათამდე კარგად ვაკონტროლებდით.

მომდევნო კვირას ძალიან რთული მისია გვაქვს, მაგრამ ჩვენ ჯერ კიდევ ცოცხლები ვართ და საკუთარი შანსების გამოყენებას ვეცდებით. "ბაიერნი" მხოლოდ საუკეთესო ფეხბურთის ჩვენებას ეცდება.

ამ საღამოს საერთოდ არ გაგვიმართლა. ზოგჯერ პენალტს გააფუჭებ, ზოგჯერ გაიტან. ეს არც პირველი და არც უკანასკნელი შემთხვევა ყოფილა. თუმცა ჩვენ საკუთარი თამაში პირველი ტაიმის მიხედვით უნდა ავაგოთ. შანსები ჯერ კიდევ არსებობს, ჩვენ ჯერ ცოცხლები ვართ!

ვიდალი პირველი არჩევანი იყო, რადგან მას შესაფერისი მენტალიტეტი აქვს. ასეთი რაღაცეები ფეხბურთში ხდება.

ვფიქრობ, რომ ჰუმელსსა და ლევანდოვსკის მეორე თამაშისთვის გამოსაჯანმრთელებლად დრო აქვთ. მარტინესს არ ვადანაშაულებ. "რეალი" ძალიან სახიფათო კონტრშეტევაზე მოდიოდა და მან უბრალოდ ტაქტიკური ჯარიმა აიღო. ის ჩვენთვის ძალიან მნიშვნელოვანი მოთამაშეა.", - განაცხადა 57 წლის იტალიელმა.

საპასუხო მატჩი ექვს დღეში, 18 აპრილს, გაიმართება და "ბაიერნს" მადრიდში მინიმუმ ორი ბურთი აქვს გასატანი.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
კარლო ანჩელოტი ჩემპიონთა ლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა