კიმიხი ჩემი მიზანი მოედნის ცენტრში თამაშია

მიუნხენის "ბაიერნის" ახალგაზრდა მარჯვენა მცველი, იოზუა კიმიხი, სამომავლოდ ნახევარდაცვის ცენტრში გადაწევას გეგმავს.

"ეს პოზიცია ბავშვობიდან მაქვს შესწავლილი და ახალგაზრდობაში ყოველთვის ამ როლს ვასრულებდი.

ყოველთვის ვამბობდი, რომ ჩემზე რომ იყოს მოედანზე სათამაშო როლის არჩევა, ექვსიანის პოზიციას ავირჩევდი.

ჩემი მიზანი მომავალში - "ბაიერნში" სწორედ ამ პოზიციაზე ადგილის დამკვიდრებაა.

მინდა, რომ თამაშში უფრო მეტად ვიყო ჩართული. მარჯვენა მცველის ამპლუაში თამაშში 100%-თ არ ხარ ჩართული, რაც ექვსიანის პოზიციისგან რადიკალურად განსხვავებულია", - განმარტა იომ.

24 წლის გერმანელი ამპლუით ცენტრალური ნახევარმცველია, მაგრამ გერმანიის ეროვნულ ნაკრებში მარჯვენა მცველის პოზიცია დაიმკვიდრა ადგილი ძირითადში.

"ბაიერნში" კი ეს პოზიცია ფილიპ ლამის წასვლის შემდეგ დაიკავა, მაგრამ ახლა "ბუნდესნაკრებში" ასრულებს ექვსიანის როლს.

ზაფხულში მიუნხენურ კლუბს საფრანგეთის ეროვნული ნაკრების მარჯვენა მცველი, ბენჟამენ პავარი, შეუერთდება და შესაძლოა კიმიხს ამან გაუხსნას ხელ-ფეხი.