...

პრევიუ: აინტრახტი - ბაიერნი

სანაკრებო პაუზა დასრულდა და ხვალიდან საქმეში მიუნხენის "ბაიერნი" ჩაებმება. კარლო ანჩელოტის გუნდმა დაისვენა, წარუმატებელი თამაშები დაივიწყა და ახლა ფრანკფურტს ეწვევა, რათა ქომაგების განწყობა გააუმჯობესოს.

აინტრახტი - ბაიერნი

ჩემპიონატი: გერმანიის ბუნდესლიგა, VII ტური
თარიღი: 17:30 საათი, 15 ოქტომბერი
სტადიონი: "კომერცბანკ-არენა", ფრანკფურტი
მთავარი მსაჯი: ბასტიან დანკერტი
პირდაპირი ტრანსლიაცია: Eurosport2 (North-East); Матч! Футбол 3

გუნდების წინასამატჩო მდგომარეობა
ფრანკფურტის "აინტრახტმა" ახალი სეზონი საკმაოდ კარგად დაიწყო და საწყის ექვს ტურში ათი ქულის დაგროვება მოახერხა. თუმცა, ლევერკუზენის "ბაიერისა" და "ინგოლშტადტის" დამარცხების შემდეგ, "არწივებმა" ბოლო ორი თამაში ვერ მოიგეს. ჯერ საკუთარ მოედანზე ბერლინის "ჰერტასთან" ნამდვილი სპექტაკლი დადგეს - 3:3, გასულ უქმეებზე კი სტუმრად "ფრაიბურგთან" დამარცხდნენ. სანაკრებო პაუზის დროს კი "აინტრახტმა" ამხანაგური თამაშის ჩატარებას მოასწრო, მაგრამ სტუმრად "ზანდჰაუზენთან" 1:3 წააგო. ფრანკფურტელები საკმაოდ ლაღ, შემტევ და საინტერესო ფეხბურთს თამაშობენ. "არწივების" შემტევი ტრიო: მარკო ფაბიანი, ჰარის სეფეროვიჩი და ალექსანდრ მაიერი საკმაოდ კარგად კომბინირებენ და მშვენიერ ფორმაში არიან. ნიკო კოვაჩი, სავარაუდოდ, ხუთმცველიან ტაქტიკას დაუბრუნდება და ძირითადში 24 წლის მექსიკელი მცველი, მაიკლს ექტორი, ითამაშებს. "აინტრახტს" კვლავ რამდენიმე მოთამაშე აკლია: მარკო რუსი, ანდერსონ ბამბა, ვარელა, ბლუმი, მედოიევიჩი და მარკ შტენდერა. ხორვატმა სპეციალისტმა საკმაოდ კარგი სამუშაო შეასრულა და მშვენიერი გუნდი შეკრა. "აინტრახტმა" ძლიერი სტარტი აიღო და ეცდება, რომ "ბაიერნსაც" გაუწიოს წინააღმდეგობა.

სეზონის სტარტზე ზედიზედ ათი გამარჯვების შემდეგ, მიუნხენურმა კლუბმა დაამუხრუჭა. "ბაიერნმა" ჯერ ჩემპიონთა ლიგის ჯგუფურ ეტაპზე, სტუმრად მადრიდის "ატლეტიკოსთან", წააგო, შემდეგ კი საკუთარ მოედანზე "კიოლნთან" პირველი ქულები დაკარგა. მიუხედავად წარუმატებელი მატჩებისა, გასულ უქმეებზე ერთი პოზიტივიც იყო - ჯოშუა კიმიხი, რომელმაც მორიგი ბურთი გაიტანა და ეროვნულ ნაკრებში ორი წარმატებული თამაში ჩაატარა. გარდა ამისა, საბოლოოდ გამოჯანმრთელდა ჟერომ ბოატენგი და სავარაუდოდ, დღეს პირველად შეუწყვილდება მატს ჰუმელსს წითელი მაისურით. კარლო ანჩელოტიმ წინა შეხვედრაში ლიდერები დაასვენა, ამჯერად კი ფილიპ ლამი, დავიდ ალაბა, ხაბი ალონსო, არტურო ვიდალი, ტომას მიულერი და ფრენკ რიბერი სასტარტო შემადგენლობაში იქნებიან. გარდა ამისა, არიენ რობენი მომჯობინდა. გამოცდილმა ჰოლანდიელმა "კიოლნის" წინააღმდეგ ბარძაყის დაზიანება მიიღო, რომლის გამოც ეროვნულ ნაკრებს ვერ დაეხმარა, მაგრამ ვარჯიშები რამდენიმე დღის წინ აღადგინა და უკვე მზად არის. ახლოს არის დაბრუნებასთან ჰოლგერ ბადშტუბერიც, მაგრამ დუგლას კოშტა ისევ ლაზარეთშია. ბრაზილიელს ხავი მარტინესიც შეუერთდა, რომელსაც კუნთის პრობლემები აქვს. "ბაიერნი" ეცდება, რომ ხასიათი გამოისწოროს და კარგი თამაში ჩაატაროს. ანჩელოტისთვის უახლოესი ერთი თვე ძალიან მნიშვნელოვანი იქნება.

ფრანკფურტელები სეზონის სტარტზე კარგად გამოიყურებიან, მაგრამ "ბაიერნი" უპირობო ფავორიტია და სამი ქულა აუცილებლად უნდა მოიპოვოს. მიუნხენელებს ქულების დაკარგვა არაფერს არგებთ.

სავარაუდო შემადგენლობები
აინტრახტი: ჰრადეცკი - ჩენდლერი, აბრაჰამი, მაიკლ ექტორი, ვალიეხო, ოშიპკა - მასკარელი, ჰუშტი - ფაბიანი - სეფეროვიჩი, ა.მაიერი.

ბაიერნი: ნოიერი - ლამი, ბოატენგი, ჰუმელსი, ალაბა - ვიდალი, ალონსო, ტიაგო - მიულერი, ლევანდოვსკი, რიბერი.

საინტერესო ფაქტები
  • "აინტრახტი" და "ბაიერნი" ერთმანეთს აქამდე 90-ჯერ დაუპირისპირდნენ, საიდანაც 48 თამაში "ბაიერნმა" მოიგო. 21 შეხვედრა ფრედ დასრულდა და 21 ფრანკფურტელებმა მოიგეს.

  • ფრანკფურტში კი "რეკორდმაისტერმა" 17 თამაში მოიგო, 15 ფრედ დაამთავრა და 13 წააგო, ბურთების სხვაობით - 67:56.

  • მიუნხენურ კლუბს "აინტრახტთან" ათმატჩიანი დაუმარცხებელი სერია აქვს (8მ, 2ფ). "არწივებმა" მიუნხენელები, ბოლოს, 2010 წლის მარტში საკუთარ მოედანზე დაამარცხეს - 2:1.

  • "რეკორდმაისტერს" "აინტრახტისგან" 757 წუთია არ გაუშვია გოლი ანუ ხუთწელიწად-ნახევარი. ბოლოს ეს 2011 წლის აპრილში მოხდა, როდესაც ფრანკფურტში მატჩი ფრედ 1:1 დასრულდა და გოლი სებასტიან როდემ გაიტანა.

  • ნიკო კოვაჩის ხელმძღვანელობით "აინტრახტმა" ბუნდესლიგაში შვიდი საშინაო თამაში ჩაატარა, საიდანაც ხუთი მოიგო და მხოლოდ ერთი წააგო.

  • მიუნხენის "ბაიერნს" კი ეროვნულ ჩემპიონატში ზედიზედ ექვსი თამაში აქვს მოგებული.

  • დღევანდელი მატჩის მთავარი არბიტრი 36 წლის ბასტიან დანკერტი იქნება, რომელმაც "ბაიერნის" ათ თამაშზე იმუშავა და მიუნხენელები ყოველ ჯერზე გამარჯვებულები დარჩნენ.

მწვრთნელების წინასამატჩო კომენტარები
ნიკო კოვაჩი: "​​​გვინდა, რომ კარგი თამაში ვაჩვენოთ და გამარჯვება მოვიპოვოთ. საკუთარ მოედანზე უკვე შვიდი ქულა მოვიპოვეთ და "ბაიერნთან" წარმატებული თამაში ერთგვარი გვირგვინი იქნება.

ამ კვირაში ძალიან ბევრი ვივარჯიშეთ და ვიმუშავეთ. ნამდვილად არ ვეცდებით, რომ შეტევების შტორმი მოვაწყოთ, მაგრამ გვაქვს საკუთარი იდეოლოგია და გვინდა, რომ "ბაიერნს" ჩვენი რეალური ძალა დავანახოთ"

კარლო ანჩელოტი: ​"კარგი თამაში ძალიან მნიშვნელოვანია. კარგი თამაშით დაბრუნება გვსურს. სანაკრებო პაუზამდე გამართული ორი მატჩი არაინტენსიურად და სუსტად ჩავატარეთ.

თუმცა, ვფიქრობ, კარგად გავაანალიზეთ დაშვებული შეცდომები და ამაზე საკმარისად ვისაუბრეთ. "აინტრახტი" საკმაოდ კარგი გუნდია, ამიტომ მის წინააღმდეგ თამაში მარტივი არ იქნება.

არიენ რობენმა ყოველგვარი პრობლემების გარეშე ივარჯიშა, ამიტომ ხვალისთვის მზად იქნება. ბადშტუბერიც მწყობრშია. თუმცა, არის რამდენიმე ფეხბურთელი, რომელთა სიტუაციაც ჯერ კიდევ ბუნდოვანია, ამიტომ მათ შესახებ ვერაფერს გეტყვით"​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა