...

აინტრახტი 2:2 ბაიერნი - მატჩის ანალიზი

მიუნხენის "ბაიერნის" გულშემატკივრები სანაკრებო პაუზის დასრულებას სულმოუთმენლად ელოდნენ, მაგრამ "რეკორდმაისტერმა" მორიგი სუსტი თამაში ჩაატარა და ბუნდესლიგაში ქულები კვლავ დაკარგა.

კარლო ანჩელოტის ფრანკფურტში გამარჯვების იმედი ჰქონდა, მაგრამ მისმა გუნდმა უპირატესობა ორჯერ დაკარგა და საბოლოოდ ფრეს - 2:2 დასჯერდა. თანაც, "ბაიერნმა" დაიმსახურა ეს შედეგი და მორიგი არასტაბილური შეხვედრა ჩაატარა.

მატჩის მსვლელობა
თამაში საკმაოდ მაღალ ტემპში დაიწყო და როგორც ნიკო კოვაჩმა განაცხადა, "აინტრახტი" მართლაც თამამად გამოიყურებოდა. "არწივები" ზოგადად შემტევ ფეხბურთს თამაშობენ, მაგრამ "ბაიერნთან" მსგავსი გახსნილობა ალბათ მაინც მოულოდნელი იყო. მიუხედავად ფრანკფურტელების მონდომებისა, მათ "რეკორდმაისტერის" პირველივე სერიოზული შეტევა გამოეპარათ. მატს ჰუმელსმა მარცხენა ფრთაზე დავიდ ალაბას შესანიშნავი გრძელი პასი გაუკეთა, რომელმაც სიტუაცია იდეალურად შეაფასა და საჯარიმოში შეჭრილ არიენ რობენს დაუგორა. გამოცდილმა ჰოლანდიელმა ბურთი ლამაზი მოძრაობით შეიგდო და შორეულ კუთხეში ჩასვა - 0:1.
ამის შემდეგ კი მასპინძლები უფრო გააქტიურდნენ და უპირატესობაც კი მოიპოვეს. შესანიშნავად მუშაობდა "აინტრახტის" მარცხენა ფლანგი, სადაც ბასტიან ოშიპკა და ანტე რებიჩი აქტიურობდნენ. რებიჩის ჩაწოდების შემდეგ ტიმოტი ჩენდლერს რობენის გოლიდან რამდენიმე წუთში წონასწორობის აღდგენა შეეძლო, მაგრამ ამერიკელის დარტყმული ძელმა მოიგერია, მარკო ფაბიანის დამატება კი მატს ჰუმელსმა უგულებელვყო. მოგვიანებით ოშიპკას ჩაწოდებას მოჰყვა ხიფათი, როდესაც ჩენდლერმა შორეულ ძელთან თავით ალექსანდრ მაიერს გადაუგდო ბურთი, ხოლო "აინტრახტის" კაპიტნის დარტყმული მანუელ ნოიერმა შეაჩერა კარის ხაზზე. პირველი ტაიმის ბოლოს კი "არწივებმა" მიზანს მაინც მიაღწიეს და მოედნის ცენტრიდან დაწყებული შეტევა, რომელიც ქაოტურად განვითარდა, ცაბოლს ჰუსტიმ ზუსტი დარტყმით დააგვირგვინა და პირველი ნახევარიც მალევე დასრულდა.
შესვენების შემდეგ კარლო ანჩელოტიმ თამაშში ახალგაზრდა პორტუგალიელი, რენატო სანჩეში ჩართო. სანჩეში ძალიან კარგად ჩაერთო თამაშში და ბევრს ცდილობდა. "ბაიერნმა" კი მშვენივრად დაიწყო და მომენტებიც შექმნა. ორი ბრწყინვალე შანსი ჰქონდა კინგსლი კომანს. მან ჯერ ჯოშუა კიმიხის ბრწყინვალე პასი მიიღო და ძელს გაარტყა, მოგვიანებით კი მატს ჰუმელსის ფენომენალური გრძელი გადაცემის შემდეგ კვლავ ერთი-ერთზე დარჩა, მაგრამ ამჯერად ჰრადეცკიმ აჯობა. "აინტრახტის" გოლკიპერი დიდებულად გამოიყურებოდა, მაგრამ კუთხურიდან მიუნხენელებმა მაინც დაამწუხრეს. ჰუმელსის დარტყმული ჯოშუა კიმიხმა შეაჩერა და თავისი მეექვსე გოლი გაიტანა ახალ სეზონში. 21 წლის გერმანელი უბრალოდ შეუჩერებელია. ამას კი სერიოზული შელაპარაკება მოჰყვა. ჰუსტი რენატო სანჩეშს სრულიად უაზროდ აუშარდა, ხელი ჰკრა და წამოიწყო კონლიფქტი, რომელშიც ჩენდლერი, დავიდ ალაბა, ტომ შტარკე და თვით კარლო ანჩელოტიც კი ჩაებნენ. საბოლოოდ, ჰუსტიმ მეორე ყვითელი ბარათი მიიღო და ფრანკფურტელები უმცირესობაში დარჩნენ.

მიუხედავად რიცხობრივი უპირატესობისა, "ბაიერნმა" ვერ მოახერხა დომინირების გაგრძელება და მატჩის მოკვლა. "აინტრახტმა" კი ორმაგი შემართებით განაგრძო და საპასუხო ბურთიც გაიტანა. "არწივებმა" სწრაფი კონტრიერიში განახორციელეს, რომლის დროსაც ჩენდლერი მარჯვენა ფრთაზე მარტო დარჩა, მანაც ჩააწოდა და მარკო ფაბიანმა წონასწორობა აღადგინა. "აინტრახტის" სამხრეთ ამერიკელმა ლეგიონერმა თავისი მორიგი ბურთი შეაგდო და "ბაიერნს" ქულები დააკარგვინა.

განწყობა, რომელზეც ყველამ ილაპარაკა
მატჩის შემდეგ "ბაიერნის" თავკაცმა, კარლო ანჩელოტიმ, მოკლედ ისაუბრა და განაცხადა, რომ მისი გუნდი საქმეს არასწორად მიუდგა. კლუბის აღმასრულებელმა დირექტორმა, ლეგენდარულმა კარლ-ეინც რუმენიგემ აღნიშნა, რომ "რეკორდმაისტერი" თავის თავს არ გავდა. პირველ ტაიმში ბიჭები მართლაც უცნაური განწყობით გავიდნენ მინდორზე და თითქოს ძალიან გადაღლილები ჩანდნენ. გარდა ცენტრში დაშვებული ბევრი შეცდომისა, "ბაიერნმა" გატანილი გოლის შემდეგ უკან დაიხია და აშკარად შედეგის შენარჩუნებაზე დაიწყო ფიქრი. შესაძლოა, ეს ანჩელოტის გეგმაში არ შედიოდა, მაგრამ ასე ჩანდა. "აინტრახტი" სრულ უპირატესობას დაეუფლა, მომენტებიც შექმნა და გოლიც გაიტანა. მეორე ტაიმი "ბაიერნმა" ძლიერად დაიწყო, მაგრამ გატანილი გოლისა და რიცხობრივი უპირატესობის მოპოვების შემდეგ, კვლავ მოდუნდა. საბოლოოდ, ბიჭები კიდევ ერთხელ დაისაჯნენ და ქულებიც დაკარგეს.

ასეა თუ ისეა, "ბაიერნი" საქმეს არასერიოზულად მიუდგა თუ ანგარიშის შენარჩუნებაზე თამაში ჩაფიქრებული იყო, ფსიქოლოგიური პრობლემები იგრძნობა. ანჩელოტი აცხადებს, რომ ზეწოლას ვერ გრძნობს, მაგრამ შესაძლოა ეს პირიქითაც არის. იტალიელი სანაკრებო პაუზის შემდეგ ცვლილებებსა და კარგ სტარტს გეგმავდა, მაგრამ მიიღო მორიგი უსახური მატჩი, რომელსაც მისი გუნდი არასწორი განწყობით შეხვდა.

პრობლემები დაცვის ფლანგებზე
აქამდე "ბაიერნს" დაცვის ცენტრში ჰქონდა ხარვეზები, ახლა კი უკვე ფლანგებმა აურია. ფილიპ ლამი ერთი-ერთზე მართლაც შეუდარებელია, მაგრამ ჩვენი კაპიტანი პოზიციურად სერიოზულად მოიკოჭლებდა. ბევრ მომენტში მას უბრალოდ სისწრაფე აკლდა და მეტოქეებისთვის ხელის შეშლას ვერ ასწრებდა. სწორედ ამიტომ იყო "აინტრახტი" ძალიან აქტიური პირველ ტაიმში სწორედ მისი ფრთიდან. მეორე ნახევარში კი უფრო მეტი პრობლემა წამოვიდა დავიდ ალაბას ფრთიდან, რადგან ავსტრიელი წინ ხშირად მიდიოდა და უკან ზონებს ტოვებდა. თუმცა, ტიმოტი ჩენდლერი მას მთელი 90 წუთი ავიწროვებდა და საბოლოოდ, მეორე გაშვებული ბურთის დროს, სწორედ დავიდმა დაკარგა პოზიცია. ლამი-ბოატენგი-ჰუმელსი-ალაბას ოთხეული საკმაოდ ძლიერი და უნაკლო ჩანდა, მაგრამ დღეს ფლანგებიდან ბევრი პრობლემა შეიქმნა, რაც საკმაოდ მოულოდნელი იყო. იმედია, ლამი და ალაბა სწორ დასკვნებს გამოიტანენ.

კომანის და სანჩეშის წარმატებული დღე
"ბაიერნის" დღევანდელ თამაშში ჟერომ ბოატენგისა და მატს ჰუმელსის შესანიშნავი შემოქმედებითი უნარის გარდა, ორი ახალგაზრდა ტალანტის: კინგსლი კომანისა და რენატო სანჩეშის კარგი თამაში იყო გამოსარჩევი. ფრანგმა ვინგერმა პირველი ტაიმი საკმაოდ აქტიურად ჩაატარა, ბევრს მოძრაობდა, დარბოდა და ერთი კარგი მომენტიც შექმნა, მაგრამ მისი შორეული დარტყმა მიზანს ცოტათი აცსდა. მეორე ნახევარში კი უფრო რეალური შანსები ჰქონდა, მაგრამ უბრალოდ არ გაუმართლა. სანჩეშმა კი მიუნხენური კარიერის საუკეთესო წუთები ჩაატარა და მიუხედავად იმისა, რომ ბოლოსკენ შეცდომები გაეპარა, მაინც წარმატებულად იასპარეზა. პორტუგალიელს მართლაც სერიოზული პოტენციალი აქვს და იმედია, ამიერიდან კიდევ უფრო თამამად და ლაღად იასპარეზებს.

საკამათო ეპიზოდები
დაბოლოს, საკამათო ეპიზოდები, რომლებიც გატანილ გოლებს უკავშირდება. "ბაიერნის" ქომაგებს ალბათ თვალში მოხვდათ ბოლო ბურთი, რომლის დროსაც მარკო ფაბიანი აშკარად არასწორ პოზიციაში იყო, მაგრამ სამართლიანობისთვის უნდა ითქვას, რომ მსაჯმაც ჩვენც დაგვინდო. პირველი გოლის დროს დავიდ ალაბა აშკარა თამაშგარეში იყო, მეორე ბურთის ეპიზოდში კი საკმაოდ საეჭვო ვითარებაა. ჯოშუა კიმიხი, სავარაუდოდ, სულ რამდენიმე მილიმეტრით წინ არის, მაგრამ მსგავსი სხვაობის დანახვა უბრალოდ შეუძლებელია. შეიძლება ითქვას, რომ მატჩის მთავარი არბიტრი ორივე გუნდის სასარგებლოდ შეცდა. ქვემოთ მოყვანილ ფოტოსურათებზე ამაში თავადაც დარწმუნდებით.
მიუნხენური გრანდი ოთხშაბათს მომდევნო მატჩს ჩაატარებს და ჩემპიონთა ლიგაზე "პსვ ეინდჰოვენს" შეხვდება. იმედია, კარლო ანჩელოტი ამჯერად გუნდს სწორად დამუხტავს და "ბაიერნი" მაღალი დონის, დამაჯერებელ და სტაბილურ ფეხბურთს ითამაშებს. ზედიზედ მეოთხე წარუმატებელი თამაში უკვე ზედმეტი იქნება.

მოამზადა დავით მაღრაძემ, სპეციალურად Bayern.ge-სთვის
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
giovane elber
giovane elber | 16 ოქტომბერი 2016 10:21
სად არის ხალხი???
zviad
zviad | 16 ოქტომბერი 2016 13:40
გამარჯობათ ბატონო დავით! ამ სტატიის ავტორს მინდა მივმართო მერამდენედ ხდება რომ ბავარიის თამაშს აფასებთ და მერამდენედ დამნაშავე წაგებაში თუ გაფრევებულ თამაშში კონკრეტულად ერთი მოთამაშეა და ეს მოთამაშე ჟერომ ბოატენგია! ორივე გაშვებული გოლი კონკრეტულად ჟერომ ბოატენგის ბრალია და სხვა არავის! არ ვიცი რატომ ლობირებთ ამ ბოატენგს რადგან გერმანელია და გერმანიის ნაკრების ცენტრია იმიტომ? გეუბნებით სანამ ჟერომ ბოატენგი იდგება ბავარიის დაცვის ცენტრში დაცვაში პრობლემები სულ გვექნება ბუნდესლიგაშიც და ჩემპიონთა ლიგაზეც! გუშინ გინდი არ დაფრინავდა, როცა გუნდი დაფრინავს ხოლმე ჟერომ ბოატენგის დაბალი დონე არ ჩანს რადგანაც გუნდი ცენტრში იმხელა უპირატესობას იპოვებს რომ ცენტრალურ მცველებს წნეხი არ აქვთ, მაგრამ როგორც კი გუნდი ცენტრს ვერ იგებს , მაშინ ცენტრალურ მცველებზე წნეხი იზრდება მეტოქის შემტევების მხრიდან და მაშIნვე გამოჩნდება ხოლმე ჟერომ ბოატენგის უსუსურობა, მისი სიყალბე როგორც მაღალი დონის მცველის! ამ შეხვედრაში რომ ყოფილიყო ჰუმელსი ბოატენგის წყვილი მაქსიმუმ ერთი გოლი გაეშვა გუნდს მაქსიმუმ და მიუხედავად გუნდის უფორმობისა 3 ქულას მოიპოვებდა

გამარჯობათ ბატონო დავით! ამ სტატიის ავტორს მინდა მივმართო მერამდენედ ხდება რომ ბავარიის თამაშს აფასებთ და მერამდენედ დამნაშავე წაგებაში თუ გაფრევებულ თამაშში კონკრეტულად ერთი მოთამაშეა და ეს მოთამაშე ჟერომ ბოატენგია!

ორივე გაშვებული გოლი კონკრეტულად ჟერომ ბოატენგის ბრალია და სხვა არავის!

არ ვიცი რატომ ლობირებთ ამ ბოატენგს რადგან გერმანელია და გერმანიის ნაკრების ცენტრია იმიტომ? გეუბნებით სანამ ჟერომ ბოატენგი იდგება ბავარიის დაცვის ცენტრში დაცვაში პრობლემები სულ გვექნება ბუნდესლიგაშიც და ჩემპიონთა ლიგაზეც! გუშინ გუნდი არ დაფრინავდა, როცა გუნდი დაფრინავს ხოლმე ჟერომ ბოატენგის დაბალი დონე არ ჩანს რადგანაც გუნდი მოედნის ცენტრში იმხელა უპირატესობას იპოვებს რომ ცენტრალურ მცველებს წნეხი არ აქვთ, მაგრამ როგორც კი გუნდი მოედნის ცენტრს ვერ იგებს , მაშინ ცენტრალურ მცველებზე წნეხი იზრდება მეტოქის შემტევების მხრიდან და მაშინვე გამოჩნდება ხოლმე ჟერომ ბოატენგის უსუსურობა, მისი სიყალბე როგორც მაღალი დონის მცველის! ამ შეხვედრაში რომ ყოფილიყო ჰუმელსი მარტინესის წყვილი მაქსიმუმ ერთი გოლი გაეშვა გუნდს მაქსიმუმ და მიუხედავად გუნდის უფორმობისა 3 ქულას მოიპოვებდა
Guest efenbergi 4
Guest efenbergi 4 | 16 ოქტომბერი 2016 14:38
ბიჭებო სად ხართ სად დაიკარგეთ ცარიელია საიტი.
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა