...

გერლანდი: "ვისურვებდი, რომ ლამთან უფრო დიდი ხანი მემუშავა"

მიუნხენის "ბაიერნის" ლეგენდარულმა მწვრთნელმა, ჰერმან გერლანდმა, რომელიც ახლა კარლო ანჩელოტის ასისტენტია, ფილიპ ლამის შესახებ ისაუბრა.

33 წლის ლეგენდარული მარჯვენა მცველი ზაფხულში კარიერას ასრულებს, "ბაიერნის" პრესსამსახურმა კი ამ თემაზე გამოცდილი გერმანელი სპეციალისტი შეაწუხა.

გერლანდი ლამს ალბათ ყველაზე უკეთ იცნობს, რადგან მასთან ჯერ კიდევ ბავშვობაში, 2001-03 წლებში, მუშაობდა, როდესაც ფილიპი "რეკორდმაისტერის" დუბლებში ირიცხებოდა.

მისტერ გერლანდ, თქვენ ფილიპ ლამს ძალიან დიდი ხნის განმავლობაში ახლდით. ხართ თუ არა თქვენ მის სიაში პირველი?
"დიახ, ჩვენ ერთად ვართ სიაში პირველები."

როდიდან?
"მას შემდეგ, რაც 2009 წელს "ბაიერნის" სამწვრთნელო შტაბში დავიწყე მუშაობა."

თუმცა თქვენ და ფილიპ ლამს გაცილებით დიდი ხნის ურთიერთობა გაკავშირებთ. როდის მიიქცია მან თქვენი ყურადღება პირველად?
"2001 წლის ზაფხულში. მაშინ ფილიპი 19 წლამდელთა გუნდში თამაშობდა, მაგრამ დავაწინაურე, რადგან განაპირა მცველები მჭირდებოდა. მისი თამაშები მქონდა ნანახი."

და მან მალევე დაგარწმუნათ საკუთარ ძალებში?
"ძალიან კარგად მახსოვს ჩემი გუნდის პირველი მატჩი, როდესაც ჩვენი რეზერვისტები "ბურგჰაუზენს" რეგიონალურ ლიგაში დაუპირისპირდნენ. ჩვენ 2:1 მოვიგეთ და ფილიპმა ძალიან, ძალიან კარგად ითამაშა. ისე, როგორც ყოველთვის: ის უნკალო იყო."

და მოედნის გარეთ?
"ფილიპი 17 წლის ასაკში უკვე ძალიან დაღვინებული იყო. ჩემი აზრით, მას დღემდე არცერთი მნიშვნელოვანი შეცდომა არ დაუშვია და არანაირი ნეგატიური შთაბეჭდილება არ დაუტოვებია. ის პუნქტუალური იყო და ბევრს შრომობდა. ვარჯიშებზე ყოველთვის არანორმალურად მუშაობდა და თანაგუნდელებს, როგორც ახალგაზრდულ, ისე დიდ გუნდში, მოდუნების საშუალებას არ აძლევდა. ახლა ფილიპი ახალგაზრდა მოთამაშეებს რჩევებს აძლევს და ნამდვილი მაგალითია. გარდა ამისა, ლამს არასოდეს დაუკარგავს რეალობის აღქმის უნარი და თავს სოციალურად ვალდებულად ყოველთვის გრძნობდა. ფილიპმა მთელი ამ წლების განმავლობაში საოცრებები აკეთა.'

ანუ ის იდეალური მოთამაშეა ნებისმიერი მწვრთნელისათვის?
"როგორც რეზერვისტების თავკაცი მისი ხელმძღვანელობისგან სიამოვნება ორი წელი მივიღე და ვისურვებდი, რომ ეს პერიოდი დიდ ხანს გაგრძელებულიყო. თუმცა მას ბუნდესლიგაში უნდა ეთამაშა პირველი გუნდის მაისურით. ცნობილი მწვრთნელები უარს ამბობდნენ, მაგრამ ფელიქს მაგათმა ის მიიღო."

ცნობილია, რომ ზოგმა ბუნდესლიგის კლუბმა უარიც კი თქვა მასზე...
"ორი წლის წინ ბუნდესლიგის ერთ-ერთ კლუბში მომუშავე სკაუტს გადავაწყდი. გავახსენე პერიოდი, როდესაც ლამის გადაყვანას ვურჩევდი და ასეთი რამ მითხრა: "ფილიპ ლამის თამაშებს ვუყურებდი და დავინახე ის, რაც შენ. ის მართლაც საოცარი მოთამაშეა, მაგრამ კლუბში ჩემს ხალხს რატომღაც ჩემი არ სჯეროდა." ეს პატარა მშვენიერი ისტორიაა."

და საბოლოოდ "შტუტგარტში" გადავიდა.
"ამავდროულად, ლამს ჩემპიონთა ლიგაზე თამაშიც შეეძლო. "შტუტგარტში" დებიუტიდან სამ თვეში ის ჩემპიონთა ლიგის თამაშში "მანჩესტერ იუნაიტედის" წინააღმდეგ მინდორზე საუკეთესო იყო. სწორედ ამიტომ, სერ ალექს ფერგიუსონს მისი ყიდვა სურდა. ეს კი ყველაფერზე მეტყველებს. ფილიპმა მოიგო აბსოლუტურად ყველაფერი, რისი მოგებაც კი შეეძლო. მხოლოდ ევროპის ჩემპიონატის მოგება არ გამოუვიდა. ერთადერთი სამწუხარო ფაქტი ისაა, რომ ფილიპი წლის მოთამაშედ არ დაუსახელებიათ, რაც ჩემთვის ძალიან გაუგებარია. მესმის, ფილიპი რაღაც განსაკუთრებულ სტილში არ თამაშობს, მაგრამ როდესაც ლამს რაღაც არ გამოუვა ან არაზუსტ პასს გააკეთებს, ყველა კითხულობს: რა მოუვიდა ლამს? ეს ექსტრაორდინალური კარიერის ნიშანია."

ფილიპი სხვებთან შედარებით საკმაოდ ტანდაბალია. რა იყო მისი მთავარი პლიუსი, რომლის საფუძველზეც ლამის სტილი შეიქმნა?
"ფილიპი ძალიან დახვეწილი და სწრაფი, მუშა მოთამაშე იყო, რაც მისი უპირატესობა გახლდათ. მიუხედავად სიმაღლისა, ის საკმაოდ მაღლა ხტება და საჰაერო ორთაბრძოლებში ცუდი სულაც არ არის."

რა იყო თქვენი რეაქცია, როდესაც ცნობილი გახდა, რომ ლამი კარიერას სეზონის ბოლოს ასრულებს? ამის შესახებ ესაუბრეთ მას?
"არა. მას მხოლოდ ერთი რამ ვუთხარი: "ფილიპ, თუ მე მკითხავ აზრს, ეს არ ჩაითვლება. შენ ვარჯიშებისა და მატჩების დროს კარგად გიყურებ. შენ ძალიან, ძალიან, ძალიან მაღალ დონეზე ასპარეზობს. ფანები დამწუხრებულები იქნებიან. შენი ნაკვალევი ძალიან დიდი იქნება." ჩემს მოთამაშეებს ყოველთვის ვეუბნები, რომ ითამაშონ მანამ, სანამ ამას შეძლებენ. ვფიქრობ, ლამს უმაღლეს დონეზე თამაში უნდა გაეგრძელებინა."

რაოდენ დამწუხრებული იქნებით თქვენ?
"ყოველთვის ვწუხვარ, როდესაც მოთამაშე, რომელთან ერთადაც მიმუშავია, კარიერას ასრულებს. ასე იყო ბასტიან შვაინშტაიგერის შემთხვევაშიც. თუმცა ლამმა გადაწყვეტილება თავად მიიღო და მას ყველაფერ საუკეთესოს ვუსურვებ. ჩემი აზრით, ის ასე ფიქრობს: "უმჯობესი იქნება კარიერა დავასრულო მანამ, სანამ ვინმე იტყვის: დროა ლამმა კარიერა დაასრულოს." ახლა ის თავის ოჯახზე იფიქრებს. იმედი მაქვს, ის ფეხბურთში ერთ მშვენიერ დღეს დაბრუნდება."

როგორ შეაფასებდით ფილიპს კარიერის ბოლო დღეებში?
"ის ისე ვარჯიშობს, როგორც ყოველთვის. შესაძლოა, ერთი-ორი თვის შემდეგ შენიშნოს, რომ კვლავ სურს თამაში."

მაშინ შეუძლია, რომ დაგირეკოთ...
"მას ახალგაზრდულ აკადემიაში, ვარჯიშებზე ყოველთვის მიიღებენ. თუ მას ეს მოუნდება, შეუძლია მოვიდეს 17, 19 ან თუნდაც 15 წლამდელების ვარჯიშებზე. სიმაღლეც უწყობს ხელს (იცინის). ის ძალიან, ძალიან სასურველი სტუმარი იქნება. ვფიქრობ, მას ერთხელ აუცილებლად მოვიწვევ, რათა ახალგაზრდებს მისი კარიერის შესახებ ვუამბო."

"ბაიერნში" ბევრი ლეგენდა თამაშობდა: ფრანც ბეკენბაუერი, გერდ მიულერი, ული ჰიონესი, კარლ-ჰაინც რუმენიგე, ლოთარ მათეუსი...როგორ შეაფასებდით ფილიპ ლამს?
"ის "ბაიერნის" საუკუნის გუნდის უდავო წევრია და ამ დიდებული მოთამაშეების გვერდით იმსახურებს ადგილს."

ფიქრობთ, რომ ლამისნაირ მოთამაშესთან კიდევ მოგიწევთ მუშაობა?
"თუ ვინმეს სამი გოლი გააქვს, ეს იმას არ ნიშნავს, რომ ახალი გერდ მიულერი გამოჩნდა. ფილიპ ლამისნაირი ფეხბურთელი ბევრი არ არის. ის განსაკუთრებულია!"скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა