რა თანხა გამოიმუშავა ბაიერნმა ჩემპიონთა ლიგის მოგებით

ჩემპიონთა ლიგის 2019/20 წლების სეზონი მიუნხენის "ბაიერნისთვის" ტრიუმფალურად დასრულდა, რაც კლუბის ფინანსებზეც დადებითად აისახა.

გამოცემა Sky-ს ინფორმაციით, გუნდს ყველა ეტაპის დაძლევის გამო ჯამში 78.45 მილიონი ევრო გადაეცემა, გარდა ამისა, "ბაიერნი" ასევე 36.24 მილიონ ევროს მიიღებს ბონუსის სახით, მოგებული თამაშების გამო. (კლუბმა 11-დან 11-ივე შეხვედრა მოიგო).

როგორც ცნობილია, ზემოხსენებულ თანხაში არ არის გათვალისწინებული სატელევიზიო უფლებებიდან შემოსული ფული.

ჩემპიონობის შედეგად მიღებულმა თანხამ დაახლოებით 25 მილიონი ევრო შეადგინა. საერთო ჯამში კი "ბაიერნის" შემოსავალი ლიგის გასულ სეზონში სატელევიზიო უფლებების გამოკლებით 128.41 მილიონი ევრო გახლდათ, რაც ისტორიაში სარეკორდოა.