ფლიკი: "დორტმუნდი ამ მხრივ ბუნდესლიგაში საუკეთესოა"

მიუნხენის "ბაიერნის" მთავარმა მწვრთნელმა, ჰანს ფლიკმა "დორტმუნდთან" მატჩამდე პრესკონფერენცია ჩაატარა.

"ეს მნიშვნელოვანი თამაშია როგორც გუნდებისთვის, ასევე ფანებისთვის და მწვრთნელებისთვისაც. "დორტმუნდს" ბუნდესლიგაში საუკეთესო დაცვა ჰყავს. მათგან დიდ პრობლემებს ველოდებით."

"ლეონ გორეცკამ გუშინ სრულად ივარჯიშა. ის მზადაა სათამაშოდ. რაც შეეხებათ ზირკზესა და ზულეს, მათი პასუხები კორონავირუსის ტესტზე უარყოფითი იყო, თუმცა, ხვალ ვერ დაგვეხმარებიან."

"ეს კლასიკური გერმანული დერბი იქნება. ვიცით, რომ მთელი მსოფლიოს ყურადღება ამ მატჩზეა და ეს უფრო დიდ მოტივაციას გვაძლევს."

"ყველა თანაბარ მდგომარეობაში ვართ. სამწუხაროა, რომ ფანების გარეშე გვიწევს თამაშების ჩატარება, მაგრამ სხვა გზა არ არის. იმედი მაქვს, გულშემატკივრები მალე დაბრუნდებიან სტადიონზე."

"ყველა ფეხბურთელს სურს ეროვნულ გუნდში თამაში. ჩემი ინფორმაციით, მოთამაშეები, რომლებიც "ბაიერნიდან" გამოიძახეს, ყველა წავა სანაკრებო შეკრებაზე." - აცხადებს ფლიკი.