...

პრევიუ: ბაიერნი - აუგსბურგი

ჩემპიონთა ლიგისა და ეროვნული ჩემპიონატის შემდეგ, გერმანიის თასის დროც მოვიდა. დღეს, მა ტურნირის 1/16 ფინალურ ეტაპზე, მიუნხენის "ბაიერნი" "აუგსბურგს" უმასპინძლებს და მორიგი გამარჯვებისთვის იბრძოლებს, ამჯერად დერბიში.

ბაიერნი - აუგსბურგი

ჩემპიონატი: გერმანიის თასი, 1/16 ფინალი
თარიღი: 22:45 საათი, 26 ოქტომბერი
სტადიონი: "ალიანს არენა", მიუნხენი
მთავარი მსაჯი: საშა შტეგერმანი
პირდაპირი ტრანსლიაცია: Матч! Арена

გუნდების წინასამატჩო მდგომარეობა
მიუნხენის "ბაიერნმა" სამმატჩიანი მოუგებელი სერია ზუსტად ერთი კვირის წინ შეწყვიტა და ჩემპიონთა ლიგის მესამე ტურში, საკუთარ მოედანზე, "პსვ ეინდჰოვენი" 4:1 გაანადგურა. გასულ უქმეებზე კი კარლო ანჩელოტის შეგირდებმა ბრწყინვალე ფეხბურთი აჩვენეს და შინ მიუნხენგლადბახის "ბორუსია" დამაჯერებლად დაამარცხეს. გუნდს დიდებულად დაუბრუნდა დუგლას კოშტა, რომელმაც შაბათს მშვენიერი მატჩი ჩაატარა და ახალ სეზონში პირველი გოლიც გაიტანა. "მ.ბორუსიასთან" შეხვედრაში მცირე დაზიანება რაფინიამ მიიღო და ბრაზილიელი დღეს გუნდს ვერ დაეხმარება. თუმცა, ფილიპ ლამმა უკვე დაისვენა და ასი პროცენტით მზად არის. კარლო ანჩელოტი, სავარაუდოდ, თავის საყვარელ როტაციას კვლავ მიმართავს და ძირითად შემადგენლობაში ლამთან ერთად, ჯოშუა კიმიხი და ტომას მიულერი დაბრუნდებიან. რაც შეეხება დაცვის ცენტრს, მიუხედავად ჰუმელსი-ბოატენგის უძლიერესი პოტენციური თანდემისა, ხავი მარტინესი საუცხოოდ გამოიყურება და ესპანელის შეცვლის არანაირი მიზეზი არ არსებობს. სწორედ ამიტომ, ანჩელოტი გერმანელებს ანაცვლებს და ამჯერად ჟერომ ბოატენგის ჯერია. მოსალოდნელია რენატო სანჩეშის წახალისებაც, რომელმაც გუშინწინ ევროპის საუკეთესო ახალგაზრდა მოთამაშის პრიზი მიიღო და უფრო მონდომებული იქნება. გამომდინარე იქიდან, რომ გუნდს მხოლოდ რაფინია და რიბერი აკლია, ანჩელოტის დიდი არჩევანი აქვს. ჰოლგერ ბადშტუბერი დღეისთვის უკვე სათადარიგო სკამზე იქნება და შესაძლოა მისი დაბრუნებაც შედგეს. მიუნხენელები მშვენიერ ფორმაში არიან და ეცდებიან, რომ ზედიზედ მესამე საშინაო გამარჯვებით განწყობა კიდევ უფრო აიმაღლონ.

"აუგსბურგი" კი მიმდინარე სეზონში ვეღარ არის ისეთივე ორგანიზებული და ძლიერი გუნდი, როგორიც მარკუს ვაინცირლის დროს. დირკ შუსტერმა ნორმალურად დაიწყო, მაგრამ პრობლემები საკმაოდ ბევრია, განსაკუთრებით კი შეტევაში, სადაც "აუგსბურგს" კრეაიტივი და შემსრულებლები აკლია. კაიუბი, რაულ ბობადილია და ალფრედ ფინბოგასონი ტრავმირებულნი არიან, რაც უდიდესი დანაკლისია. ბოლო თამაშებში ყველაზე უკეთ კორეელი ლეგიონერები: დონ-ვონ ჟი და ჟა-ჩეოლ კო გამოიყურებიან, მაგრამ შუსტერს ზემოთხსენებული სამეული აკლია. სამაგიეროდ, გუნდს საკმაოდ კარგი გოლკიპერი, დაცვის ფლანგები და ნახევარდაცვის ცენტრი ჰყავს, სადაც კვლავ მაღალ დონეზე ასპარეზობს დანიელ ბაიერი. "აუგსბურგი" დღევანდელ შეხვედრას სამმატჩიანი მოუგებელი სერიით ხვდება და მიუნხენში მაქსიმუმს გააკეთებს. შუსტერმა მოთამაშეებს ახალი მუხტი შესძინა და ისინი ყოველთვის ბოლომდე იბრძვიან. ეს ახალი "აუგსბუგის" მთავარი მახასიათებელია.

მიუნხენური კლუბი აშკარა ფავორიტია და ვალდებულია, რომ მომდევნო ეტაპზე მშვიდად გავიდეს. "აუგსბურგი" მართლაც მებრძოლი, მაგრამ ამ ეტაპზე საკმაოდ შესუსტებული კოლექტივია, რომელსაც "ალიანს არენაზე" დიდი შანსები არ აქვს.

სავარაუდო შემადგენლობები
ბაიერნი: ნოიერი - ლამი, ბოატენგი, ხავი მარტინესი, ალაბა - ვიდალი, კიმიხი, რენატო სანჩეში - მიულერი, ლევანდოვსკი, დუგლას კოშტა.

აუგსბურგი: ჰიტცი - ვერჰაეგი, იანკერი, ჰინტერეგერი, სტაფილიდისი - კორი, ბაიერი - კოო, მორავეკი, შმიდი - ჟი.

საინტერესო ფაქტები
  • ამ კვირაში ორი ბავარიული დერბი გაიმართება. სამ დღეში "ბაიერნი" "აუგსბურგს" უკვე ბუნდესლიგის მეცხრე ტურის ეგიდით ესტუმრება.

  • "ბაიერნი" და "აუგსბურგი" გერმანიის თასზე, ოთხშაბათ დღეს, ერთმანეთს სამჯერ დაუპირისპირდნენ. 2012/13 და 2013/14 წლების სეზონში ბავარიული დერბი ზედიზედ ორჯერ მერვედფინალურ ეტაპზე გაიმართა და "რეკორდმაისტერმა" აუგსბურგში ორივეჯერ 2:0 მოიგო.

  • 1983/84 წლების კამპანიაში კი, მეორე წრეში, "ბაიერნმა" "აუგსბურგი" შინ მიიღო და 6:0 გაანადგურა.

  • მას შემდეგ, რაც 2011 წელს "აუგსბურგი" ბუნდესლიგაში აღზევდა, "ბაიერნს" 12-ჯერ შეხვდა, ორი დერბი მოიგო და ათი წააგო. თუმცა, "აუგსბურგს" "რეკორდმაისტერის" კარში ერთზე მეტი გოლი არასოდეს გაუტანია.

  • მიუნხენურ გრანდს გერმანიის თასზე ძირითად დროში ოთხი წელია არ წაუგია. ბოლოს ეს დორტმუნდის "ბორუსიამ", 2012 წელს, ფინალში, მოახერხა და იუპ ჰიანკესის გუნდი 5:2 დაამარცხა.

  • "ბაიერნს" თასზე 24 მატჩიანი წაუგებელი სერია აქვს, რაც აბსოლუტური რეკორდია.

მწვრთნელების წინასამატჩო კომენტარები
კარლო ანჩელოტი: ​"რთული მატჩი იქნება, რადგან ეს დერბია და "აუგსბურგი" კარგი გუნდია. ისინი მაღალი ინტენსიურობით თამაშობენ. ჩვენ სწორედ ისეთი კლასის თამაში უნდა ვაჩვენოთ, როგორიც ბოლო ორ შეხვედრაში.

ეს მნიშვნელოვანი ტურნირია. თუ ფინალში გავალთ, ბერლინში დიდებული ატმოსფერო იქნება. თუმცა, ამაზე ფიქრი ჯერ ადრეა, წინ ნელ-ნელა უნდა ვიაროთ."

დირკ შუსტერი: ​"ბაიერნთან" ზედიზედ ორი მატჩის ჩატარება არანორმალურია, მაგრამ ამ გამოწვევას ვიღებთ. იმედი მაქვს, კარგად ვიასპარეზებთ. ახლა მოთამაშეების დასვენების შესაძლებლობა არ გვაქვს, ამიტომ მინდორზე საუკეთესო თერთმეტეულს გავიყვანთ, რომელიც არაფერს დათმობს."​​​​​​​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ
მსგავსი სიახლეები
კომენტარები
Temo
Temo | 26 ოქტომბერი 2016 13:58
ვიგებთ დღეს უეჭველი
Mapa T.Dig
Mapa T.Dig | 16 აპრილი 2017 18:36
I lost track of him years ago.
ремонт холодильников
ремонт холодильников

Not enough said, but. What was your worst punishment at school?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა