...

პრევიუ: ბაიერნი - ანდერლეხტი

დღეს ევროპის ყველაზე პრესტიჟული ტურნირი - ჩემპიონთა ლიგა იწყება და მიუნხენის "ბაიერნი" ჯგუფური ეტაპის პირველ ტურში ბელგიის ჩემპიონს უმასპინძლებს.

ბაიერნი - ანდერლეხტი

ჩემპიონატი: ჩემპიონთა ლიგა, ჯგუფური ეტაპი, I ტური
თარიღი: 12 სექტემბერი, 22:45 საათი
სტადიონი: "მიუნხენ არენა", მიუნხენი
მთავარი მსაჯი: პაოლო ტალიავენტო (იტალია)
პირდაპირი ტრანსლიაცია:  -

გუნდების წინასამატჩო მდგომარეობა


სანაკრებო პაუზის შემდეგ მიუნხენის "ბაიერნმა" პირველი სერიოზული მატჩი ჩაატარა და სტუმრად "ჰოფენჰაიმთან" დამარცხდა. ზინჰაიმში კარლო ანჩელოტის გუნდმა საკუთარი შეცდომების გამო 0:2 წააგო, მაგრამ გუნდს შეტევაში ძალიან უჭირდა და აშკარაა, რომ "რეკორდმაისტერს" ბევრი სამუშაო აქვს. თომას მიულერი კვლავ ვერ არის ოპტიმალურ ფორმაში ისე, როგორც რამდენიმე წამყვანი მოთამაშე, მათ შორის ტიაგო ალკანტარა და რობერტ ლევანდოვსკი. თუმცა ახალ სეზონში კინგსლი კომანი გამოცოცხლდა და გასულ უქმეებზე ძალიან კარგად იასპარეზა. აღსანიშნავია რაფინიას კარგი თამაშიც, რომელიც ახლა ხუან ბერნატისა და დავიდ ალაბას არყოფნაში, "ბაიერნის" ძირითადი მარცხენა მცველია. ბერნატისა და ალაბას გარდა გერმანულ გრანდს დღეს ჩილელი საყრდენი ნახევარმცველი, არტურო ვიდალი, დააკლდება. ვიდალმა ჩემპიონთა ლიგის გასულ სეზონში, მადრიდის "რეალთან" საპასუხო მეოთხედფინალურ მატჩში, წითელი ბარათი მიიღო და დისკვალიფიკაცია გადმოყვა. ეს კი იმას ნიშნავს, რომ დიდი ალბათობით დღეს საღამოს ჩემპიონთა ლიგაზე "ბაიერნის" ახალწვეულის, სებასტიან რუდის, დებიუტი შედგება. გარდა ამისა, მოსალოდნელია, რომ ძირითადში დასვენებული არიენ რობენი და ფრანკ რიბერი დაიწყებენ.


"ანდერლეხტმა" მიმდინარე სეზონი ბელგიის სუპერთასის მოგებით დაიწყო და "ზულტა-ვარეგემი" დაძაბულ ბრძოლაში 2:1 დაამარცხა. თუმცა ბელგიის პირველი დივიზიონის რეგულარული სეზონი ცუდად დაიწყო და 6 ტურის შემდეგ მხოლოდ მე-10 პოზიციას იკავებს. რენე ვეილერის გუნდმა აგვისტოში ზედიზედ სამი მატჩი ვერ მოიგო, მაგრამ სანაკრებო პაუზის შემდეგ საკუთარ მოედანზე "ლოკერენი" საკმაოდ რთულ შეხვედრაში 3:2 დაამარცხა. გამარჯვების მომტანი გოლი მასპინძლებმა 90-ე წუთზე გაიტანეს. "ანდერლეხტს" ეროვნულ ჩემპიონატში საქმეები მოსაგვარებელი აქვს, მაგრამ მიუნხენშიც ეცდება გაბრძოლებას. ბელგიურ კლუბში ყველაზე გამორჩეული მოთამაშე ალჟირელი ნახევარმცველი სოფიან ჰანი გახლავთ, ხოლო გუნდის საუკეთესო ბომბარდირი გასულ სეზონში ლუკაშ თეოდორჩუკი გახდა. "ანდერლეხტს" საკადრო პრობლემები არ აქვს და ვეილერი საუკეთესო თერთმეტეულს შეარჩევს.

ზინჰაიმში მარცხის შემდეგ მიუნხენური გრანდი ქომაგების განწყობის გაუმჯობესებას ჩემპიონთა ლიგის საღამოს ეცდება და "ანდერლეხტთან" მატჩი დღესასწაულად უნდა იქცეს.

სავარაუდო შემადგენლობები


საინტერესო ფაქტები

  • ჩემპიონთა ლიგის გასულ სეზონში, მეოთხედფინალურ ეტაპზე, მიუნხენის "ბაიერნმა" 16 მატჩიანი საშინაო გამარჯვებათა სერია შეწყვიტა და მადრიდის "რეალთან" 1:2 დამარცხდა.

  • გარდა ამისა, ეს იყო პირველი შემთხვევა 2011 წლის შემდეგ, როდესაც მიუნხენური გრანდი ნახევარფინალურ ეტაპამდე გამოვარდა.

  • მიუნხენური კლუბის მსგავსად, "ანდერლეხტიც" ევროპის ლიგის გასული სეზონის გათამაშებას მეოთხედფინალში, დამატებითი დროის შედეგად, ტურნირის მომავალ ჩემპიონთან გამოეთიშა.

  • "ბაიერნისა" და "ანდერლეხტის" ურთიერთშეხვედრების სტატისტიკა 10 მატჩს ითვლის, საიდანაც გერმანელებმა 5 მოიგეს, ხოლო ბელგიელებმა - 3.

  • ამ გუნდების ბოლო დაპირისპირება 2007/08 წლების სეზონში, უეფას თასის მერვედფინალში გაიმართა. ბრიუსელში "ბაიერნმა" 5:0 იმარჯვა, საკუთარ მოედანზე კი 1:2 დამარცხდა, მაგრამ მომდევნო ეტაპზე მაინც გავიდა.

  • მაშინ "რეკორდმაისტერი" ბელგიურ კლუბთან შინ პირველად დამარცხდა. მანამდე კი "ბაიერნს" ექვსიდან ექვსი მოგება ჰქონდა.

  • "ბაიერნი" "ანდერლეხტს" პირველად 1976 წელს, უეფას სუპერთასზე შეხვდა. "რეკორდმაისტერმა" მიუნხენში გერდ მიულერის დუბლით 2:1 იმარჯვა, მაგრამ საპასუხო მატჩში 1:4 განადგურდა და ტიტული დათმო.

  • 1985/86 წლების ჩემპიონთა თასზე ბელგიურმა კლუბმა "ბაიერნი" მეოთხედფინალში კვლავ დაამარცხა. მიუნხენში 1:2 წაგების შემდეგ, "ანდერლეხტმა" შინ 2:0 მოიგო და მომდევნო ეტაპზე გავიდა. თუმცა მიუნხენელებმა რევანში მომდევნო სეზონშივე იმავე ეტაპზე აიღეს (5:0 შინ, 2:2 სტუმრად).

  • ჩემპიონთა ლიგის ჯგუფურ ეტაპზე კი ამ გუნდების გზები 2003/04 წლების სეზონში გადაიკვეთა. ბელგიაში ფრეს (1:1) მიუნხენში "ბაიერნის" მინიმალური გამარჯვება (1:0) მოჰყვა. აღსანიშნავია, რომ მაშინ "ბაიერნის" სპორტულმა დირექტორმა, ჰასან სალიჰამიჯიჩმა, და "ანდერლეხტის" ვეტერანმა მცველმა, 36 წლის ოლივერ დეშახტმა, ორივე მატჩი ჩაატარეს.

  • "ბაიერნს" ჩემპიონთა ლიგის ჯგუფურ ეტაპზე ზედიზედ 9 საშინაო თამაში აქვს მოგებული.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა