...

ოფიციალურად: ჰაინკესი ბაიერნში დაბრუნდა

მიუნხენის "ბაიერნის" ახალი მთავარი მწვრთნელის ვინაობა ცნობილია - გუნდს სეზონის ბოლომდე ლეგენდარული იუპ ჰაინკესი უხელმძღვანელებს.

"რეკორდმაისტერის" ოფიციალური ვებ-საიტი იტყობინება, რომ გერმანული გრანდის ხელმძღვანელობა 72 წლის გერმანელ სპეციალისტს მოელაპარაკა და იუპი "ბაიერნს" 2018 წლის 30 ივნისამდე გაწვრთნის. იგი სამუშაოს 9 ოქტომბრიდან დაიწყებს.

პიტერ ჰერმანი და ჰერმან გერლანდი იუპის ასისტენტები იქნებიან.

"იუპ ჰაინკესსა და მიუნხენის "ბაიერნს" შორის რაღაც შინაგანი ნდობა არსებობს. ეს მასთან მოლაპარაკებების დროსაც გამოჩნდა. ჩვენ მოხარულნი ვართ, რომ იუპმა კლუბის წინადადება მიიღო. ის მიუნხენური კლუბისთვის ახლა იდეალური კანდიდატია", - აღნიშნა "ბაიერნის" გენერალურმა დირექტორმა, კარლ-ჰაინც რუმენიგემ.

ჰაინკესის დაბრუნება კლუბის სპორტულმა დირექტორმა, ჰასან სალიჰამიჯიჩმაც, შეაფასა: "იუპ ჰაინკესი ხალხთან ურთიერთობისა და ტაქტიკის ნამდვილი ოსტატია. ჩვენ გვჯერა, რომ ის რთული სიტუაციიდან გამოსვლისთვის შესაფერისი ადამიანია."

"მსოფლიოს არცერთ კლუბში არ დავბრუნდებოდი, მაგრამ მიუნხენის "ბაიერნი" ჩემს გულშია. მე და ჩემი სამწვრთნელო შტაბი ახლა ყველაფერს გავაკეთებთ იმისათვის, რომ ფანებს წარმატებული გუნდი დავუბრუნოთ. ამ გამოწვევას სულმოუთმენლად ველი", - განაცხადა თავად ჰაინკესმა.

იუპ ჰაინკესი მიუნხენურ გრანდს მეოთხედ უდგება სათავეში. პირველად მან "ბაიერნი" 1987 წელს ჩაიბარა და 4 სეზონი იმუშავა. შემდეგ 2008/09 წლების სეზონის ბოლოს მთავარი მწვრთნელის მოვალეობების შემსრულებელი იყო, ხოლო 2011-13 წლებს გუნდს სრული დავით მეორედ ხელმძღვანელობდა.

საერთო ჯამში ჰაინკესმა გუნდს 8 ტიტული მოაგებინა, მთავარ წარმატებას კი 2012/13 წლების სეზონში მიაღწია, როდესაც "ბაიერნმა" გერმანიის თასი, ბუნდესლიგა და ჩემპიონთა ლიგა მოიგო. ამ ტრიუმფის შემდეგ იუპმა სამწვრთნელო კარიერაც დაასრულა და ბოლო 4 წელიწადი პენსიაზე დაჰყო.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
იუპ ჰაინკესი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა