...

პრევიუ: პსვ - ბაიერნი

დღეს მიუნხენის "ბაიერნი" ჩემპიონთა ლიგის ჯგუფური ეტაპის მეოთხე ტურის შეხვედრას ჩაატარებს და "პსვ ეინდჰოვენს" ამჯერად ჰოლანდიაში ესტუმრება. ისევე, როგორც ორი კვირის წინ, "რეკორდმაისტერს" მხოლოდ გამარჯვება სჭირდება.

პსვ - ბაიერნი
ჩემპიონატი: ჩემპიონთა ლიგის ჯგუფური ეტაპი, IV ტური
თარიღი: 23:45 საათი, 1 ნოემბერი
სტადიონი: "პსვ არენა", ეინდჰოვენი
მთავარი მსაჯი: ჯანლუკა როკი (იტალია)
პირდაპირი ტრანსლიაცია: Матч! Арена

გუნდების წინასამატჩო მდგომარეობა
მიუნხენში განადგურების შემდეგ "პსვ ეინდჰოვენმა" ჰოლანდიის ეროვნულ ჩემპიონატში ორი თამაში ჩაატარა და ორივე მშრალად მოიგო. შუაში კი ჰოლანდიის თასზე იასპარეზა, მაგრამ როტერდამის "სპარტასთან" სტუმრად 1:3 დამარცხდა და ტურნირს გამოეთიშა. გასულ უქმეებზე "პსვ-მ" გასვლაზე "ვიტესის" წინააღმდეგ საკმაოდ რთული მატჩი ჩაატარა, მაგრამ პრიოპერის დუბლით იმარჯვა და ერედივიზიონში მესამე პოზიცია გაიმყარა. ეინდჰოვენელები ლიდერ "ფეინოორდს" ხუთი ქულით ჩამორჩებიან. დღეს კი ჰოლანდიური კლუბი ჩემპიონთა ლიგაზე ბოლოჯერ გაიბრძოლებს, რადგან ვერმოგების შემთხვევაში ფილიფ კოკუს გუნდი ფლეი-ოფში, პრაქტიკულად, ვეღარ გავა. თუმცა, "ალიანს არენაზე", ეინდჰოვენელებმა თავიანთი შეტევითი შესაძლებლობები პირველი ტაიმის ბოლოს და მეორე ტაიმის დასაწყისში გამოავლინეს. ასე, რომ "პსვ" საკმაოდ მებრძოლი და ძლიერი გუნდია, ძლიერი ხასიათით და ჭკვიანი თავკაცით. შესაბამისად, საკუთარ კედლებში ეს გუნდი უფრო ანგარიშგასაწევი მოწინააღმდეგეა. თუმცა, კოკუს რამდენიმე სერიოზული საკადრო პრობლემა აქვს. კუნთის პრობლემების გამო გუნდს ძირითადი გოლკიპერი, ჟერონ ზოი, ვერ ეხმარება, რომელსაც გამოცდილი რემკო პასვირი შეცვლის. გარდა ამისა, ლაზარეთში ძირითადის კიდევ სამი მოთამაშეა: ჟეფრი ჰენდრიქსი, სიმ დე იონგი და ლოკადია. საეჭვოა ნარსინის თამაშიც, ამიტომ "პსვ-ს" შესუსტებული შემადგენლობა ეყოლება.

მიუნხენურმა გრანდმა კი მშვენიერი ფორმა აკრიფა და ყველა ტურნირზე ერთად ზედიზედ ოთხი თამაში მოიგო. ბოლო ორი ბავარიული დერბი კარლო ანჩელოტის გუნდმა მარტივად მოიგო, მაგრამ იტალიელმა სპეციალისტმა მინდორზე ორი განსხვავებული გუნდი გაიყვანა, ამიტომ "ბაიერნის" თამაში ორივე შემთხვევაში საკმაოდ საინტერესო იყო. გასულ უქმეებზე არიენ რობენმა და რობერტ ლევანდოვსკიმ გაიბრწყინეს, ახლა კი იგივეს გაკეთებას ჩემპიონთა ლიგაზე ეცდებიან. ჰოლანდიელი ვინგერისთვის ეს თამაში განსაკუთრებულია, ამიტომ ორმაგად მოტივირებული იქნება. სამწუხაროდ, "ბაიერნს" ესპანელი უკანა ხაზელი, დიდებულ ფორმაში მყოფი ხავი მარტინესი გამოაკლდა, რომელმაც "აუგსბურგთან" გასვლით შეხვედრაში კუნთის ტრავმა მიიღო. მას მატს ჰუმელსი შეცვლის და ბოატენგს შეუწყვილდება. ანჩელოტიმ პრესკონფერენციაზე განაცხადა, რომ ბადშტუბერი სათადარიგო სკამზე იქნება, რაც სავსებით ლოგიკურია. რა თქმა უნდა, როტაციების დრო ახლა არ არის და "რეკორდმაისტერი" მინდორზე საუკეთესო თერთმეტეულით გავა. მოსალოდნელია ძირითადში ტომას მიულერის დაბრუნება, რომელმაც ბოლო დერბიში დაისვენა. მარტინესის გარდა "ბაიერნს" კვლავ ვერ ეხმარება გამოცდილი ფრანგი ვინგერი, ფრენკ რიბერი. რაც შეეხება რაფინიას, ის მომჯობინდა და სათამაშოდ მზად არის. მიუნხენური კლუბის მთავარი მიზანი აუცილებლად ჯგუფის მოგებაა, ამიტომ "ბაიერნი" "როსტოვის" იმედზე ნამდვილად ვერ იქნება და თავად უნდა იფიქროს წარმატებაზე. შესაბამისად, "წითლებს" დღეს მაქსიმალური კონცენტრაცია და მაღალი დონის ფეხბურთი სჭირდებათ.

ეინდჰოვენში თამაში საკმაოდ რთულია, მაგრამ "ბაიერნს" დიდებული შემადგენლობა და კარგი განწყობა აქვს. თავის მხრივ, "პსვ-ს" რამდენიმე ლიდერი აკლია და ანჩელოტის გუნდმა მორიგი სამი ქულა უნდა მოიპოვოს. სხვა ვარიანტი უბრალოდ მიუღებელია.

სავარაუდო შემადგენლობები

პსვ: პასვირი - არიასი, ისიმატ-მირინი, ექტორ მორენო, ვილემსი - პრიოპერი, გუარდადო, რამზელაარი - ბერგვინი, ლუკ დე იონგი, პერეირო.

ბაიერნი: ნოიერი - ლამი, ბოატენგი, ჰუმელსი, ალაბა - ტიაგო, ალონსო, ვიდალი - მიულერი, ლევანდოვსკი, რობენი.

საინტერესო ფაქტები
  • გამარჯვების შემთხვევაში მიუნხენის "ბაიერნი" ჩემპიონთა ლიგის მერვედფინალური ეტაპის საგზურს გაინაღდებს.

  • მიუნხენის "ბაიერნი" და "პსვ" ერთმანეთს პირველად არ უპირისპირდებიან. უპირატესობა, რა თქმა უნდა, "რეკორდმაისტერს" აქვს: უკვე ხუთი მოგება, ერთი ფრე და ერთი მარცხი.

  • ამ გუნდების ბოლო დაპირისპირება, აქამდე, 1999/00 წლების სეზონში, ჩემპიონთა ლიგის პირველ ჯგუფურ ეტაპზე გაიმართა. ეინდჰოვენში "პსვ-მ" ლუკ ნილსისა და რუდ ვან ნილსტელროის გოლებით 2:1 მოიგო. ის შეხვედრა მიუნხენელებმა ათი კაცით დაასრულეს, მოედნიდან იენს იერემისი გააძევეს.

  • მიუნხენში კი ოტმარ ჰიტცფელდის გუნდმა პაულო სერჟიოს დუბლით იგივე ანგარიშით იმარჯვა და აღსანიშნავია, რომ ის შეხვედრა ათი კაცით უკვე ჰოლანდიელებმა დაასრულეს. წითელი ბარათი მარკ ვან ბომელმა მიიღო. საბოლოოდ, "ბაიერნმა" ჯგუფი მოიგო, "პსვ" კი ბოლოზე გავიდა.

  • 1989/90 წლების ჩემპიონთა თასის მეოთხედფინალში კი "ბაიერნმა" ორივე თამაში მოიგო: შინ 2:1 და სტუმრად 1:0.

  • "პსვ-სა" და "ბაიერნის" გზები პირველად 1986/87 წლების კამპანიაში, ჩემპიონთა თასის პირველ წრეში გადაიკვეთა. მიუნხენში მატჩი უგოლოდ დასრულდა, ეინდჰოვენში კი გერმანელებმა 2:0 იმარჯვეს.

  • "პსვ-ს" გერმანული კლუბების წინააღმდეგ, საკუთარ მოედანზე, დადებითი ბალანსი აქვს: 9მ, 3ფ, 5წ.

  • მიუნხენის "ბაიერნს" ბოლო 11 ჩემპიონთა ლიგის გასვლითი თამაშიდან მხოლოდ ორი აქვს მოგებული (3ფ, 6წ).

  • "რეკორდმაისტერს" სტუმრად ჰოლანდიური კლუბების წინააღმდეგ უარყოფითი სტატისტიკა აქვს: 3მ, 2ფ, 4წ.

  • ფილიპ კოკუ "ბაიერნსა" და კარლო ანჩელოტის პირველად არ უპირისპირდება. ჰოლანდიელი კატალონიის "ბარსელონაში" თამაშის დროს, ჯგუფურ ეტაპზე, მიუნხენურ გრანდს ორჯერ შეხვდა და ზედიზედ ორი მარცხი განიცადა (0:1 სტუმრად და 1:2 შინ).

  • "პსვ ეინდჰოვენის" კაპიტნის რანგში კი კოკუმ კარლო ანჩელოტის "მილანთან" საოცარი ბრძოლები გამართა. ეს 2004/05 წლების ჩემპიონთა ლიგის ნახევარფინალში მოხდა. "მილანმა" შინ 2:0 იმარჯვა, "პსვ-მ" კი საპასუხო მატჩი კოკუს დუბლით 3:1 მოიგო, მაგრამ ფინალში იტალიელები გაუშვა.

  • მომდევნო სეზონში კი ეს გუნდები ერთმანეთს ჯგუფურ ეტაპზე გადაეყარნენ. "სან სიროზე" ანჩელოტის გუნდი უგოლო ფრეს დასჯერდა, ჰოლანდიაში კი 0:1 დამარცხდა.

  • არიენ რობენმა კი სახელი სწორედ "პსვ ეინდჰოვენში" გაითქვა, სადაც ახალგაზრდულ ასაკში ბრწყინავდა. მან "პსვ არენაზე" 2002-04 წლებში ითამაშა და 56 თამაშში 18 გოლი გაიტანა.

  • არიენი ფილიპ კოკუსთან ერთადაც თამაშობდა და 2010 წელს, როდესაც ჰოლანდიის ნაკრებმა მსოფლიო ჩემპიონატზე ვერცხლის მედლები მოიპოვა, კოკუ "ნარინჯისფრების" სამწვრთნელო შტაბში შედიოდა.
მწვრთნელების წინასამატჩო კომენტარები
ფილიპ კოკუ: "გვინდა, რომ გულშემატკივრებმა ზურგი პირველივე წუთებიდან გაგვიმაგრონ და ყველას დავანახოთ, რომ ევროპაში ერთ-ერთი უძლიერესი გუნდის წინააღმდეგ ბრძოლა შეგვიძლია.

ორი კვირის წინ, მიუნხენში, იყო ფაზები, როდესაც თამაში არ მიგვდიოდა და "ბაიერნი" სრულ უპირატესობას ფლობდა, მაგრამ ჩვენც კარგი მომენტები შევქმენით და საფუძველი მკაფიოდ გამოჩნდა.

არიენ რობენს ძალიან დიდ პატივს ვცემ. მას, როგორც მინდორზე, ისე მის გარეთ ვიცნობ და მართლაც ბრწყინვალე ადამიანია. მასთან თამაშისას დიდ სიამოვნებას ვიღებდი.

იმედი მაქვს, რომ ქომაგები სწორედ ისე მიიღებენ, როგორც მან დაიმსახურა."

კარლო ანჩელოტი: ​"ამ მომენტისთვის, ჩვენი გუნდი მაღალ დონეზე, ინტენსიურად და დიდებული გუნდური სულისკვეთებით თამაშობს. ეს ყველაფერი "პსვ-სთან" შეხვედრაში აუცილებლად დაგვჭირდება, რადგან ეინდჰოვენური კლუბი რთული მოწინააღმდეგეა.

"პსვ" საკუთარ მოედანზე, როგორც წესი, კარგად ასპარეზობს, ამიტომ მიუნხენური თამაშისგან განსხვავებული სიტუაცია იქნება. უფრო მეტი ძალისხმევა და აგრესიულება გვმართებს.

მომდევნო ეტაპზე გასვლა უკვე ხვალ შეგვეძლება, მაგრამ ჩვენი მთავარი მიზანი ჯგუფის მოგებაა, ამიტომ მინდორზე საუკეთესო თერთმეტეულს გავიყვან. ჰოლგერ ბადშტუბერი სათადარიგო სკამზე იქნება."​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ჩემპიონთა ლიგა პრევიუ
მსგავსი სიახლეები
კომენტარები
giga
giga | 1 ნოემბერი 2016 14:08
მე მგონი უნდა მოვიგოთ 2-0 ვვარაუდობ რა.
sasaraki
sasaraki | 1 ნოემბერი 2016 15:58
1-3
იკნება ეს ტამაში
EdweardzoonA
EdweardzoonA | 19 ნოემბერი 2016 13:33
поздравления с новым годом дракона на телефон [url=http://atticsalt.in/pozdravleniya-druzyam-s-nastupayushim-novim-2017-godom
-otkritki.php]Поздравления друзьям с наступающим новым 2017 годом открытки[/url] шуточное поздравление с новым годом про водку и селедку [url=http://aboutalltheplaces.com/pozdravlenie-s-novim-godom-ministra-chechensk
oy-respubliki.php]Поздравление с новым годом министра чеченской республики[/url] | [url=http://experimentalphotos.com/pozdravlenie-vv-putina-s-novim-godom-2017-hd
.php/?47068]Поздравление в.в путина с новым годом 2017 hd[/url] | [url=http://arrowcasemanagement.org/kak-ne-bonalno-pozdravit-s-nastupayushim-no
vim-godom.php/?7632]Как не бонально поздравить с наступающим новым годом[/url]
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა