...

ბაიერნმა ლაიფციგი დაამარცხა და გალიდერდა

პირველად 2017/18 წლების სეზონში - მიუნხენის "ბაიერნი" გერმანიის ეროვნული ჩემპიონატის ლიდერია! "რეკორდმაისტერმა" საკუთარ მოედანზე უშუალო კონკურენტი "ლაიფციგი" 2:0 დაამარცხა და პირველ ადგილზე გადაინაცვლა.

იუპ ჰაინკესის გუნდმა თავიდანვე ძალიან აქტიურად დაიწყო და მატჩის ბედი უკვე მე-13 წუთზე გადაწყვიტა. სებასტიან რუდის ჩინებული პასის შემდეგ არიენ რობენი და რობერტ ლევანდოვსკი "ლაიფციგის" მეკარესთან მარტონი დარჩნენ, მაგრამ საჯარიმოსთან მიახლოვებული ჰოლანდიელი სტუმართა კაპიტანმა და დაცვის ლიდერმა, ვილი ორბანმა, წააქცია. დანიელ ზიბერტმა, ვიდეოასისტენტის დახმარების შემდეგ, ორბანს ბოლო იმედის ჯარიმის გამო პირდაპირ წითელი ბარათი უჩვენა და ჯარიმა დანიშნა.

არიენ რობენის დარტყმული პიტერ გულაჩიმ საოცარი რეაქციით მოიგერია, მაგრამ 6 წუთში ვერაფერს გახდა. "ბაიერნმა" მარჯვენა ფლანგზე შესანიშნავი კომბინაცია გაითამაშა, რობენმა საჯარიმოში დაბალი ტრაექტორიით ჩააწოდა და ხამესმა გულაჩის ახლო კუთხეში მშვენიერი ბურთი გაუტანა - 1:0! ტაიმის ბოლოს "ლაიფციგის" დაცვა კიდევ ერთხელ ჩავარდა და მარტინესის პასით ერთ-ერთზე დარჩენილმა რობერტ ლევანდოვსკიმ ბუნდესლიგაში თავისი მორიგი გოლი გაიტანა.

მეორე ტაიმში "ბაიერნმა" უბრალოდ ბურთის ფლობაში ივარჯიშა და თავი არ მოუკლავს. იუპ ჰაინკესმა საკადრო პრობლემების გამო მხოლოდ დაცვითი მოთამაშეები გაიყვანა მოედანზე, ამიტომაც "რეკორდმაისტერი" პირველ ტაიმში მოპოვებული უპირატესობით დაკმაყოფილდა - 2:0.

მიუნხენურმა გრანდმა დორტმუნდის "ბორუსიას" მარცხით ისარგებლა და "ყვითლები" სატურნირო ცხრილში ჩამოიტოვა. "ბაიერნს" ახლა 23 ქულა აქვს, "ბორუსიას" 20, ხოლო "ლაიფციგს" - 19.

ბაიერნი 2:0 ლაიფციგი

გოლები: 1:0 - ხამესი (19'), 2:0 - ლევანდოვსკი (38').
გაფრთხილება: ტიაგო (82').
გაძევება: ორბანი (13').

ბაიერნი: ულრაიხი - კიმიხი (რაფინია 84'), ბოატენგი, ჰუმელსი, ალაბა - მარტინესი, რუდი - რობენი (ტოლისო 86'), ტიაგო, ხამესი - ლევანდოვსკი (ვიდალი 45').

ლაიფციგი: გულაჩი - კლოსტერმანი, ორბანი, უპამეკანო, ჰალსტენბერგი - ზაბიტცერი (ბრუმა 46'), დემე, კეიტა, ფორსბერგი (ლაიმერი 62') - პოულსენი, ვერნერი (კონატე 22').скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა