მიუნხენური კლუბის გენერალურმა დირექტორმა, კარლ-ჰაინც რუმენიგემ, ნიკო კოვაჩის მომავალზე საბოლოო განცხადება გააკეთა.
"უცნაური სეზონი გამოვიდა. რამდენიმე თვის განმავლობაში არაფერი გამოგვდიოდა, მაგრამ საბოლოო ჯამში, თასი და ბუნდესლიგა მოვიგეთ, რაც იმას ნიშნავს, რომ კარგი სეზონია.
სეზონი საუკეთესო არ არის, მაგრამ კარგია. "ბაიერნისგან" ყოველთვის რაც შეიძლება მეტ ტიტულს ელიან.
ნიკო კოვაჩი? მისი მომავალი ეჭვის ქვეშ არასოდეს დაგვიყენებია. ეს განხილვის საგანი არასოდეს ყოფილა. თუმცა არც ის გვითქვამს, რომ ნიკო კლუბში 2021 წლამდე დარჩება", - განაცხადა რუმენიგემ.
47 წლის ხორვატმა სპეციალისტმა სადებიუტო სეზონში დუბლი მოიგო, მაგრამ ჩემპიონთა ლიგაზე "ბაიერნი" 1/8 ფინალურ სტადიაზე გამოვარდა "ლივერპულთან", რომელიც 1 ივნისს ფინალში ითამაშებს.