...

პრევიუ: ბაიერნი - აუგსბურგი

ორკვირიანი სანაკრებო პაუზის შემდეგ საკლუბო ფეხბურთი დაგვიბრუნდა და მიუნხენის "ბაიერნი" მიმდინარე სეზონის პირველი წრის ბოლო ნაწილს დაიწყებს. იუპ ჰაინკესის გუნდი დღეს ბუნდესლიგის მე-12 ტურის ეგიდით შინ თანაქალაქელ "აუგსბურგს" მიიღებს.


ბაიერნი - აუგსბურგი

ჩემპიონატი: გერმანიის ბუნდესლიგა, XII ტური
თარიღი: 18 ნოემბერი, 18:30 საათი
სტადიონი: "ალიანს არენა", მიუნხენი
მთავარი მსაჯი: მარკუს შმიდტი
პირდაპირი ტრანსლიაცია: Setanta georgia+

გუნდების წინასამატჩო მდგომარეობა


იუპ ჰაინკესმა დაბრუნების შემდეგ "ბაიერნს" თავისი ხელი დაატყო და გუნდმა საწყის ერთ თვეში 100%-იანი შედეგი დააფიქსირა - 7 თამაშში 7 გამარჯვება, 17 გატანილი გოლი და მხოლოდ 3 გაშვებული. "რეკორდმაისტერმა" ბუნდესლიგის წინა ტურში დორტმუნდში ერთ-ერთი მთავარი კონკურენტი "ბორუსია" 3:1 აბსოლუტურად დამსახურებულად დაამარცხა და საკუთარი ძლიერი ფორმა განიმტკიცა. მიუნხენელთა შემადგენლობაში კვლავ შესანიშნავად გამოიყურება 22 წლის იოზუა კიმიხი, რომელიც გულშემატკივრებმა "ბაიერნის" თვის საუკეთესო ფეხბურთელად ზედიზედ მეორედ აღიარეს. ფრანკ რიბერის არყოფნაში კარგად ათამაშდა ახალგაზრდა ფრანგი ვინგერი, კიგნსლი კომანი, რომელიც საკმაოდ პროდუქტიული და სასარგებლო გახდა. იუპმა პირველი ერთი თვე ჩინებულად განვლო, დაამარცხა მთავარი კონკურენტები ("ლაიფციგი" და დორტმუნდის "ბორუსია"), ახლა კი მიუნხენურ კლუბს სეზონში პირველი ბავარიული დერბი ელის. ნოიერი და რიბერი კვლავ ლაზარეთში არიან, თომას მიულერი ბოლომდე არ არის მზად, ამიტომ ჰაინკესი არ გარისკავს. გარდა ამისა, გუნდს ტიაგო ალკანტარაც დააკლდება, რომელსაც მუხლის პრობლემები აწუხებს. საეჭვოა დავიდ ალაბასა და ჟერომ ბოატენგის თამაშიც, მაგრამ სავარაუდოდ ეს ორი მოთამაშე განაცხადში იქნება. ტიაგოს არყოფნაში მოედნის ცენტრს ხავი მარტინესი და არტურო ვიდალი გაამაგრებენ. აღსანიშნავია ისიც, რომ მარტინესის საყრდენის პოზიციაზე აწევამ საკმაოდ კარგი შედეგი გამოიღო და ხავი თავის საყვარელ ამპლუაში ძალიან კარგად გამოიყურება.

"აუგსბურგმა" მიმდინარე სეზონი შესანიშნავად დაიწყო, შემდეგ იყო 4 მატჩიანი მოუგებელი სერია და ახლა გუნდი კვლავ წარმატების გზას დაადგა. მანუელ ბაუმის გუნდმა ჯერ ბრემენში "ვერდერი" გაანადგურა (3:0), შემდეგ კი ლევერკუზენის "ბაიერს" შინ წაართვა ქულები (1:1) და 16 ქულით სატურნირო ცრილში მე-10 პოზიციას მშვიდად იკავებს. ბავარიულ კლუბს შეტევაში საკმაოდ საინტერესო მოთამაშეები ჰყავს: ტექნიკური გერმანელი მარსელ ჰელერი, მებრძოლი ბრაზილიელი კაიუბი და ცენტრალური ფორვარდის პოზიციაზე ალფრედ ფინბოგასონი, რომელიც ახალ სეზონში კარგად გამოიყურება. გარდა ამისა, გუნდის კაპიტანი და ხერხემალი, ვეტერანი დანიელ ბაიერი, კვლავ შესანიშნავ ფორმაშია. "აუგსბურგი" საკმაოდ მებრძოლი და სიმპათიური გუნდია, რომელსაც 38 წლის ქარიზმატული გერმანელი სპეციალისტი ხელმძღვანელობს. მიუნხენში გუნდს ორი მოთამაშე დააკლდება, მაგრამ ისინი აუცილებლად ეცდებიან "ბაიერნისთვის" პრობლემების შექმნას.

ბავარიული დერბი პრინციპული დაპირისპირებაა, მაგრამ "ბაიერნი" აშკარა ფავორიტია და ვალდებულია, რომ წარმატებული სერია გააგრძელოს, თანაც წინ ჩემპიონთა ლიგის გასვლითი მატჩია "ანდერლეხტთან" და კლუბმა კარგი განწყობა უნდა შეიქმნას.

სავარაუდო შემადგენლობები

ბაიერნს დააკლდებიან: ტიაგო (მუხლი), მიულერი (ბოლომდე არ არის მზად), რიბერი (მუხლი), ნოიერი (ტერფი).

აუგსბურგს დააკლდებიან: ჰინტერეგერი (ბოლომდე არ არის მზად), კორდოვა (ბოლომდე არ არის მზად).

საინტერესო ფაქტები

  • მიუნხენის "ბაიერნი" "აუგსბურგს" ბუნდესლიგაში აქამდე 13-ჯერ შეხვდა, 10 მატჩი მოიგო და ორიც წააგო, მაგრამ ეს ორივე მარცხი მას შემდეგ მოხდა, რაც "რეკორდმაისტერმა" ჩემპიონობა გაინაღდა.

  • იუპ ჰაინკესს გერმანიის ეროვნულ ჩემპიონატში ბოლო 21 თამაშიდან 20(!) მოგებული აქვს და ერთადერთდი 2013 წლის მაისში დორტმუნდში "ბორუსიასთან" ვერ იმარჯვა (1:1).

  • კონკრეტულად "აუგსბურგის" წინააღმდეგ კი 72 წლის გერმანელს 100%-იანი მაჩვენებელი აქვს - ხუთიდან ხუთი მოგება.

  • ბავარიულ დერბიში ფრანკ რიბერი და არიენ რობენიც ძალიან წარმატებულნი არიან: "აუგსბურგის" წინააღმდეგ ორივე მათგანს შვიდიდან შვიდი მოგება აქვს.

  • მიუნხენურ გრანდს ბუნდესლიგაში 27 მატჩიანი დაუმარცხებელი სერია აქვს, რაც "ალიანს არენასთვის", რომელიც 2005 წელს გაიხსნა, აბსოლუტური რეკორდია. 

  • ზოგადად კი "ბაიერნის" დაუმარცხებელი სარეკორდო სერია ბუნდესლიგის საშინაო თამაშებში 33 შეხვედრას შეადგენს, რომელიც მიუნხენელებმა ოლიმპიურ სტადიონზე 2001-03 წლებში დაამყარეს.

  • კიდევ უფრო შთამბეჭდავია ის, რომ "ბაიერნს" ზედიზედ 60 საშინაო შეხვედრაში აქვს გატანილი გოლი, ეს კი არამხოლოდ ბუნდესლიგის, არამედ ყველა ტურნირის მასშტაბით. 

  • საინტერესოა, რომ ბოლო გუნდი, რომელსაც "რეკორდმაისტერმა" შინ ოფიციალურ თამაშში ბურთი ვერ გაუტანა სწორედ "აუგსბურგი" გახლავთ. ეს 2015 წლის მაისში მოხდა, როდესაც მარკუს ვაინცირლის "აუგსბურგმა" პეპ გვარდიოლას "ბაიერნი" მიუნხენში 1:0 დაამარცხა.

  • "აუგსბურგმა" ბუნდესლიგაში თავის ისტორიაში საუკეთესო სტარტი აიღო - 11 ტურში 16 ქულა. გარდა ამისა, მანუელ ბაუმის გუნდმა "ბაიერნისა" (8) და "შალკეს" (10) შემდეგ ყველაზე ცოტა ბურთი (11) გაუშვა.

  • "აუგსბურგი" რობერტ ლევანდოვსკის საყვარელი კლუბია - პოლონელს ყველაზე მეტი გოლი ბუნდესლიგაში სწორედ ამ გუნდის წინააღმდეგ აქვს გატანილი - 16 ბურთი 12 შეხვედრაში.


მწვრთნელების წინასამატჩო კომენტარები

იუპ ჰაინკესი: ​"წინ მარტივი გასეირნება სულაც არ გველის, ვინაიდან მეტოქეს ორგანიზებული გუნდი ჰყავს. "აუგსბურგის" თამაშის სტრუქტურით უბრალოდ აღფრთოვანებული ვარ - მათ აშკარა იდეები აქვთ, რომელსაც მოედანზე კარგად ანხორციელებენ. ისინი ძალიან მშრომელები, ამბიციურები და აგრესიულები არიან. ვფიქრობ, ამ მატჩისათვის კარგად უნდა ვიყოთ მომზადებული.


რიბერი და მიულერი? არცერთი მათგანის გამო არ გავრისკავ. იგივეს ვიტყოდი ტიაგოზე, რომელსაც მუხლის პრობლემები აქვს."

მანუელ ბაუმი: ​"ამ მომენტისათვის რამდენიმე მოთამაშე გვაკლია. როდესაც ჩვენ წინააღმდეგ თამაშობ, მაშინ უნდა აჯობო გუნდს, რომელიც მთელი 90 წუთის განმავლობაში იბრძვის და მოედანზე ყველაფერს ტოვებს.

ჩვენ აგრესიის მაღალი დონე გვჭირდება. ამ თამაშს სულმოუთმენლად ველი, ვინაიდან ეს საკმაოდ სერიოზული გამოწვევაა."​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბუნდესლიგა პრევიუ
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა