ულრეიხი "აიაქსთან" მატჩზე: "მოგება შეგვეძლო"

"მიუნხენის ბაიერნი" ამხანაგურ შეხვედრაში "ალიანს არენაზე" "ამსტერდამის აიაქსს" დაუპირისპირდა და ფრეს დასჯერდა. მატჩი 2-2 დასრულდა. თავიდან ანგარიში ამსტერდამელებმა გახსნეს და ეს მათმა მაროკოელმა ფეხბურთელმა ზაკარია ლაბიადმა გააკეთა, შემდეგ კი მიუნხენელთა მხრიდან მის გოლს მაქსიმ ჩუპო-მოტინგმა უპასუხა, მეორე ტაიმის სტარტზე ნიანზოუმ "ბაიერნი" ისევ წინ გაიყვანა, მაგრამ დანიელმა ვიქტორ იენსენმა მალევე, 50-ე წუთზე, მატჩის საბოლოო ანგარიში 2-2 დააფიქსირა.

მატჩთან დაკავშირებით კომენტარი გააკეთა "ბაიერნის" მეკარემ, სვენ ულრეიხმა, რომელიც აღნიშნულ შეხვედრაში იცავდა თავისი გუნდის კარს:  "ჩვენ "კიოლნთან" მატჩთან შედარებით უკეთესები ვიყავით, ბურთიც უფრო დიდხანს გვეჭირა და მთლიანად თამაშსაც ვაკონტროლებდით, ბიჭებმა ეს ყველაფერი კარგად გააკეთეს, მაგრამ, რა თქმა უნდა, შეგვეძლო უკეთ გვეთამაშა და მოგვეგო კიდევაც."

ლრაიხმა ასევე ისაუბრა "ბაიერნის" ახალ მწვრთნელზე, იულიან ნაგელსმაზე: "საბოლოო ჯამში მან "რეკორდმაისტერის" მწვრთნელობა დაიმსახურა, ის კარგად გვავარჯიშებს და კარგად წარმოადგენს სურათს, თუ როგორ უნდა ითამაშოს გუნდმა, რასაკვირველია, ეს ჩვენთვის ძალიან მნიშვნელოვანია ასე უნდა გავაგრძელოთ."