გერმანიის წლის საუკეთესო მწვრთნელის ვინაობა ცნობილია

"ლონდონის ჩელსის" თავკაცი თომას ტუხელი წლის საუკეთესო გერმანელ მწვრთნელად დაასახელეს.

ტუხელმა ხმათა უმრავლესობა მოიპოვა, ის 129 ჟურნალისტმა გამოარჩია, დიახ, სწორედ ჟურნალისტები ავლენდნენ გამარჯვებულს. თომასს 11 ხმით ჩამორჩა და მეორე ადგილზე გავიდა "ბაიერნის" ყოფილი მწვრთნელი და მომავალში გერმანიის ნაკრების დამრიგებელი ჰანს ფლიკი, ხოლო მესამე ადგილი "დორტმუნდის ბორუსიას" დროებითმა მწვრთნელმა, ზორან ტერზიჩმა დაიკავა, მან 75 ხმა მოიპოვა.

შეგაახსენებთ, ტუხელმა "არისტოკრატები იანვარში ჩაიბარა და ფრენკ ლამპარდი ჩაანაცვლა, მან გუნდი ფაქტიურად ჭაობიდან ამოიყვანა, ჩემპიონთა ლიგა მოიგო და ასევე პრემიერ ლიგის ოთხეულში შესვლა მოახერხა, რაც ძალიან რთული იყო, რადგან ტუხელის მისვლის დროს აბრამოვიჩის გუნდი მე-9 ადგილზე იყო. ასევე "ჩელსიმ" ითამაშა ინგლისის თასის ფინალიც, სადაც "ლესტერთან" 1-0 დამარცხდა.