''მიუნხენის ბაიერნის" ფეხბურთელს კორონავირუსი დაუდასტურდა, კორენტინ ტოლისომ კოვიდ-19-ზე ტესტი გაიკეთა, რომელმაც, სამწუხააროდ, დადებითი პასუხი აჩვენა.
შეგახსენებთ, რომ გასულ სეზონში, ტოლისომ „რეკორდმაისტერის“ მაისურით 24 შეხვედრა ჩაატარა და ძირითადად შეცვლებზე შემოდიოდა. მის ანგარიშზე 4 გოლია და გერმანულ პრესაში მის შესაძლო ტრანსფერზე აქტიურად იწერებოდა. "ბაიერნი" მსუყე წინადადებას ელოდებოდა და მის გაყიდვაზე უარს არ იტყოდა, მაგრამ "მანჩესტერ იუნაიტედმა" და "ტოტენჰემმა" თავი შეიკავეს.
ტოლისოს კორონავირუსი გართულებების გარეშე გადააქვს, ის ახლა თვითიზოლაციაში, იმყოფება და ელოდება როდის შეუერთდება გუნდთან ერთად ვარჯიშს.
შეგახსენებთ, გერმანიის ბუნდესლიგა 13 აგვისტოს განახლდება და გახსნით მატჩში "ბაიერნი" "მონხენგლადბახის ბორუსიას" დაუპირისპირდება, ამ დროისთვის წესით და რიგით ტოლისო უკვე სათამაშოდ მზად უნდა იყოს.