მიუნხენის ბაიერნის მთავარმა მწვრთნელმა იულიან ნაგელსმანმა პრესასთან საუბარში, პარი სენ ჟერმენის ტრანსფერებზე მცირე კომენტარი გააკეთა, ნაგელსმანისთვის მსგავსი ტრანსფერები გასაკვირია და იმედი აქვს, რომ უეფა ჩემპიონთა ლიგაზე კონკურენციის შენარჩუნებას რაიმე სახით მაინც მოახერხებს:
'დამალვას აზრი არ აქვს - შესაძლოა გერმანულმა ფეხბურთმა უკან დაიხია. ბაიერნის სიტუაცია ცოტა უფრო უკეთესადაა სხვა გერმანულ კლუბებთან შედარებით, მაგრამ ზოგადად მდგომარეობა გართულებულია.
პსჟ? არ ვარ ექსპერტი და არც ის ვიცი, რა ხდება კულისებში, მაგრამ ხანდახან გაოგნებული ვაცეცებ თვალებს. მაინტერესებს ამას როგორ აკეთებენ .. ვიმედოვნებ და მჯერა, რომ უეფას აქვს ინტერესი ჩემპიონთა ლიგაზე კონკურენციის შენარჩუნების.
ბაიერნს, რომელმაც ორი წლის წინ ჩემპიონთა ლიგა მოიგო, კვლავ სურს, რომ ტურნირის მთავარი გმირი იყოს.' - განაცხადა ნაგელსმანმა.