ცოტა ხნის წინ ცნობილი გახდა, რომ ბარსელონას და ბაიერნს შორის მოახლოებულ ჩემპიონთა ლიგის ჯგუფური ეტაპის შეხვედრას ინგლისელი არბიტრი მაიკლ ოლივერი განსჯის.
36 წლის სპეციალისტი პრემიერ ლიგაში 2010 წლიდან მსაჯობს, ასევე ოლივერს საერთაშორისო ტურნირებზე არაერთი მნიშვნელოვანი შეხვედრა გაუნსჯია. მაგ (რეალი 1-3 იუვე), სადაც მან ბოლო წუთზე საკამათო პენალტი დანიშნა და ბუფონი მოედნიდან გააძევა.
რაც შეეხება ბაიერნს, მაიკლ ოლივერმა სულ რეკორდმაისტერის შეხვედრა 2-ჯერ განსაჯა. პირველად 2018 წელს - ბეშიქთაში 1:3 ბაიერნის შეხვედრა, სადაც ჯამში 3 ყვითელი ბარათი აჩვენა. მეორედ - 2020 წელს - ბაიერნი 4:0 ატლეტიკო და არც ამ მატჩში არ უჩვენებია მას ბევრი ბარათი, სულ რაღაც 2 ყვითელი.
გამოდის, რომ ოლივერი უხეში ფეხბურთის მოყვარულია და ფეხბურთელებს მოედანზე მეტ თავისუფლებას აძლევს.
შეგახსენებთ, ბარსელონა და ბაიერნი ერთმანეთს ჩემპიონთა ლიგის ჯგუფურ ეტაპზე 14 სექტემბერს დაუპირისპირდებიან.