...

პრევიუ: ბაიერი - ბაიერნი

დაახლოებით 3 კვირიანი შესვენების შემდეგ გერმანიის ეროვნული ჩემპიონატი ბრუნდება - მეორე წრეს ლევერკუზენის "ბაიერი" და მიუნხენის "ბაიერნი" გახსნიან.

"რეკორდმაისტერმა" 2017 წელი ფანტასტიკურად დაასრულა და ახლა იუპ ჰაინკესის შეგირდები ეცდებიან, რომ ახალი 2018 წელიც კარგად დაიწყონ.

ბაიერი - ბაიერნი

ჩემპიონატი: გერმანიის ბუნდესლიგა, XVIII ტური
თარიღი: 12 იანვარი, 23:30 საათი
სტადიონი: "ბაი-არენა", ლევერკუზენი
მთავარი მსაჯი: დანიელ ზიბერტი
პირდაპირი ტრანსლიაცია: Setanta Georgia+

გუნდების წინასამატჩო მდგომარეობა


ლევერკუზენის "ბაიერმა" არასტაბილური პირველი წრე ჩაატარა, მაგრამ სექტემბრის შემდეგ თამაში არ წაუგია და სეზონის ნახევარი 28 ქულით მე-4 პოზიციაზე დაასრულა. "ფარმაცეპტებმა" წლის ბოლოს გერმანიის თასზე მიუნხენგლადბახის "ბორუსია" სტუმრად 1:0 დაამარცხეს და მეოთხედფინალში გავიდნენ. იმავე თამაშში "ბაიერის" თავკაცმა, ჰაიკო ჰერლიხმა, კურიოზული სიმულაცია შეასრულა, რომლის გამოც 12 ათასი ევროთი დაჯარიმდა. ზამთარში ლევერკუზენელებმა ორი ამხანაგური მატჩი ჩაატარეს: შინ გროიტერ "ფიურტი" 2:1 დაამარცხეს, ხოლო "მიუნსტერთან" ფრედ 2:2 ითამაშეს. "ბაიერი" დღევანდელ მატჩს სრული შემადგენლობით ხვდება და ეცდება, რომ წარმატებული სერია გააგრძელოს. ჰერლიხმა საკმაოდ საინტერესო გუნდი შეკრა, შესანიშნავი შეტევითი პოტენციალით. წინა ხაზზე "ბაიერს" არაერთი მშვენიერი მოთამაშე ჰყავს: იულიან ბრანდტი, კარიმ ბელარაბი, ლეონ ბეილი, კევინ ფოლანდი, ლუკას ალარიო, ადმირ მეჰმედი. ლევერკუზენის "ბაიერი" სერიოზული მეტოქეა და 2018 წლის პირველი მატჩისთვის კარგი გამოცდა იქნება.


მიუნხენის "ბაიერნმა" კი იუპ ჰაინკესის დაბრუნების შემდეგ 16 თამაშიდან 15 მოიგო, მათ შორის წლის ბოლოს გერმანიის თასის მერვედფინალში. "რეკორდმაისტერმა" შინ დორტმუნდის "ბორუსია" 2:1 დაამარცხა და მომდევნო ეტაპზე გავიდა. ბუნდესლიგაში კი მიუნხენელებმა ბოლო სამი თამაში მხოლოდ მინიმალური ანგარიშით (1:0) მოიგეს. ბოლო ტურში "შტუტგარტის" წინააღმდეგ "ბაიერნს" ძალიან გაუჭირდა და რომ არა სვენ ულრაიხის გმირობა ბოლო წამებზე სამ ქულას დაკარგავდა. ზამთრის მოსამზადებელი ეტაპი "ბაიერნმა" დოჰაში დაიწყო, სადაც 6 დღე დაჰყო და "ალ-აჰლისთან" ამხანაგური მატჩი ჩაატარა, რომელიც 6:0 მოიგო. ამას მოჰყვა "ზონენჰოფთან" მორიგი ამხანაგური მატჩი "ალიანს არენაზე" და ფრანკ რიბერის ჰეთ-თრიქი - 5:3! ახლა კი მიუნხენელებს წლის პირველი ოფიციალური თამაში ელით. სამწუხაროდ, გუნდს დაცვისა და თავდასხმის ლიდერები - მატს ჰუმელსი და რობერტ ლევანდოვსკი, არ ეყოლება. გარდა ამისა, საეჭვოა იოზუა კიმიხის თამაშიც. მანუ ნოიერი და ტიაგო ალკანტარა კი კვლავ ლაზარეთში არიან. სამაგიეროდ, არიენ რობენი დაბრუნდა და ჰოლანდიელი ჩინებულ ფორმაშია. გარდა ამისა, ველით სანდრო ვაგნერის გამოჩენას ძირითადში და ვნახოთ როგორ იქნება მისი ახალი დებიუტი "ბაიერნის" მაისურით.

სავარაუდო შემადგენლობები


ბაიერს დააკლდებიან: -

ბაიერნს დააკლდებიან: ნოიერი (ტერფი), ფრიუხტლი (ტერფი), ჰუმელსი (ბარძაყი), ლევანდოვსკი (მუხლი), ტიაგო (კუნთი).

საინტერესო ფაქტები

  • ლევერკუზენის "ბაიერს" მიუნხენის "ბაიერნთან" ბუნდესლიგაში ჩატარებული ბოლო 17 მატჩიდან 9 შეხვედრაში მინიმუმ ქულა აქვს აღებული (3 მოგება, 6 ფრე).

  • "ბაიერის" თავდამსხმელი კევინ ფოლანდი ბუნდესლიგის მიმდინარე სეზონში საუკეთესო გერმანელი ბომბარდირია - 9 ბურთი.

  • "ბაიერს" ბუნდესლიგაში ამჟამად ყველაზე გრძელი დაუმარცხებელი სერია (6 მოგება, 6 ფრე) აქვს - 12 მატჩი.

  • "ბაიერნმა" ეროვნული ჩემპიონატის მეორე წრე ლევერკუზენში აქამდე 5-ჯერ დაიწყო და ბოლო სამ შემთხვევაში გამარჯვება მოიპოვა.

  • რობერტ ლევანდოვსკის "ბაიერის" წინააღმდეგ ბუნდესლიგაში ჩატარებულ 13 თამაშში მხოლოდ 3 გოლი აქვს გატანილი და დღეს ამას ფიზიკურად ვერ მოახერხებს.

  • იუპ ჰაინკესი თავის ყოფილ კლუბს დაუპირისპირდება, რომელსაც 2009-2011 წლებში წვრთნიდა და 2010/11 წლების სეზონში "ბაიერი" ბუნდესლიგის ვიცე-ჩემპიონი გახადა.

  • "რეკორდმაისტერს" ლევერკუზენში უკვე 4 წელია არ მოუგია (3 ფრე, 1 წაგება). ბოლოს "ბაიერნმა" "ბაიერი" "ბაი-არენაზე" 2012/13 წლების სეზონში 2:1 დაამარცხა. მაშინ გუნდს რაღა თქმა უნდა, იუპ ჰაინკესი ხელმძღვანელობდა.

  • ყველა ტურნირზე ერთად ლევერკუზენში "ბაიერის" წინააღმდეგ ჩატარებული ბოლო 10 თამაშიდან მიუნხენელებმა მხოლოდ 2 მოიგეს, მაგრამ თავადაც მხოლოდ 3 წააგეს - 5 თამაში კი ფრედ დასრულდა.

მწვრთნელების წინასამატჩო კომენტარები

ჰაიკო ჰერლიხი: ​"ბაიერნი" უმაღლესი დონის გუნდია, მაგრამ ჩვენ არ უნდა დავიმალოთ, განსაკუთრებით, საკუთარი ფანების წინაშე. პირველ წრეში ყველაფერი საწყის 20-30 წუთში დავკარგეთ და მეტოქეს ზედმეტად დიდი პატივი ვეცით.

ჩვენ ვხვდებით სუპერ-მეტოქეს, რომელიც ყველაზე ცუდ შემთხვევაში გაგვანადგურებს, სამაგიეროდ გამარჯვება დიდებული შედეგი იქნება".


იუპ ჰაინკესი: ​"ვინ იყო "ბაიერნის" ბოლო მწვრთნელი, რომელმაც ლევერკუზენში მოიგო? (იცინის)

"ბაიერი" ახალგაზრდა, საოცარი ტალანტებით დაკომპლექტებული, მშიერი, სწრაფი და საინტერესო გუნდია. ვფიქრობ, ეს იქნება ძალიან მიმზიდველი თამაში, ვინაიდან ორივე გუნდი შემტევ და გახსნილ ფეხბურთს ითამაშებს."​​​​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა