ბაიერნის თავდამსხმელმა, რობერტ ლევანდოვსკიმ ოქროს ბურთის დაჯილდოვებაზე ისაუბრა. აღნიშნული ჯილდო კალენდარული წლის საუკეთესო ფეხბურთელს გადაეცემა:
'ვაცნობიერებ, რომ ყოველი კარგი მატჩი, იქნება ეს ეროვნულ გუნდში თუ კლუბში, აძლიერებას ჩემს პოზიციებს ამ გამოკითხაში. ბოლო 2 სეზონის განმავლობაში ბევრი ჯილდო მოვიგე და ვფიქრობ, ოქროს ბურთის მოგებაც შემიძლია.
ცხადია, ეს უდიდესი პატივი იქნება ჩემთვის. მე ამაყი და ბედნიერი ვარ, რომ ამ სიაში მოვხვდი. ვიმედოვნებ, საქმეში პოლიტიკა არ ჩაერევა და გამოკითხვაში მთავარ როლს ფეხბურთელების მიერ მოედანზე ნაჩვენები შედეგები ითამაშებს', - თქვა ლევანდოვსკიმ.
შეგახსენებთ, სექტემბერში პოლონელ ფეხბურთელს ოქროს ბუცი გადაეცა. შარშან კი ოქროს ბურთის მოგების მთავარი ფავორიტი იყო, თუმცა ფრანც ფუტბოლმა აღნიშნული პრიზი კორონავირუსის გამო ერთი სეზონით შეაჩერა და ის არავის არ გადასცემია.