ლევანდოვსკის წასვლა გადაწყვეტილია? პოლონელი გუნდში მხოლოდ ამ შემთხვევაში დარჩება

როგორც უკვე მოგახსენეთ, გუშინ ბაიერნის საბჭომ, ლევანდოვსკის მომავალ წელს წასვლის შესაძლებლობა განიხილა. თუ გერმანულ გამოცემებს დავუჯერებთ, საბჭოს გადაწყვეტილება შემდეგნაირია:

ბაიერნი ერლინგ ჰოლანდის ტრანსფერზე გადაერთო და თუ ნორვეგიელ ფეხბურთელთან შეთანხმებას მიაღწიეს, ლევანდოვსკისთან ახალ კონტრაქტს აღარ გააფორმებენ.

თავად პოლონელი ფორვარდის სურვილია, რომ კლუბში მინიმუმ 3 წლით კიდევ დარჩეს და ამ დროის განმავლობაში ბაიერნისგან სასტარტოში ყოფნის გარანტია მიიღოს, რეკორდმაისტერის ბოსები კი ლევანდოვსკის 1 წლიან კონტრაქტს სთავაზობენ.

საბოლოოდ გადაწყდა, რომ თუ ბაიერნს ჰოლანდის ტრანსფერი გამოუვა, ლევანდოვსკი კლუბს დატოვებს და კარიერას სხვა ჩემპიონატში გააგრძელებს.