...

პრევიუ: ბაიერნი - კიოლნი

მადრიდის "ატლეტიკოსთან" მარცხის შემდეგ მიუნხენური გრანდი "ალიანს არენას" დაუბრუნდა და ხვალ, განახლებულ მოედნის საფარზე, თავის პირველ მატჩს ჩაატარებს. კარლო ანჩელოტის გუნდს გერმანიის ჩემპიონატის კერკეტი კაკალი, მესამე ადგილოსანი "კიოლნი" დაუპირისპირდება.

ჩემპიონატი: გერმანიის ბუნდესლიგა, VI ტური
თარიღი: 17:30 საათი, 30 სექტემბერი
სტადიონი: "ალიანს არენა", მიუნხენი
მთავარი მსაჯი: დანიელ ზიბერტი
პირდაპირი ტრანსლიაცია: Eurosport2 (North-east); Матч! Футбол 3

გუნდების წინასამატჩო მდგომარეობა

კარლო ანჩელოტის რვამატჩიანი გამარჯვებების სერია ოთხშაბათს, "ვისენტე კალდერონზე" შეწყდა და მიუნხენური კლუბი მადრიდის "ატლეტიკოსთან" სამართლიანად დამარცხდა. თუმცა, ეს თამაში უკვე წარსულია და ბიჭებმა მომდევნო შეხვედრებზე უნდა იფიქრონ. მადრიდული საღამო კი საკმაოდ კარგი გაკვეთილი იქნება, რომელსაც იმედია, გამოცდილი იტალიელი თავის სასარგებლოდ გამოიყენებს. თუმცა, მიუნხენელების პრობლემები მხოლოდ "როხიბლანკოსთან" არ დაწყებულა. ანჩელოტის გუნდმა ბუნდესლიგის წინა ტურშიც, სტუმრად "ჰამბურგის" წინააღმდეგ, საკმაოდ რთული ბრძოლა გადაიტანა და სამი ქულა ჯოშუა კიმიხის ბოლო წუთზე გატანილი გოლის წყალობით მოიპოვა. ახალგაზრდა გერმანელი ქომაგების გაოცებას აგრძელებს, ფრენკ რიბერი კი საუცხოო ფორმაშია. ის გოლი სწორედ ფრანგმა შექმნა. სავარაუდოდ, სიურპრიზებს არ უნდა ველოდოთ, მაგრამ ცვლილებები მოსალოდნელია. ხაბი ალონსოს და ტომას მიულერს, დიდი ალბათობით, ჯოშუა კიმიხი და არიენ რობენი დაასვენებენ. ლაზარეთში კი კვლავ ტომ შტარკე, ჰოლგერ ბადშტუბერი და დუგლას კოშტა არიან. ბრაზილიელი გუნდს სანაკრებო პაუზის შემდეგ დაუბრუნდება, რაც კარგი სიახლეა. "ბაიერნს" სერიოზული მეტოქე ჰყავს და მიუნხენელებს წინ საინტერესო თამაში ელით.

"კიოლნი" მართლაც რომ ძალიან კარგი, ორგანიზებული და დაბალანსებული გუნდია, რომელსაც საკმაოდ ჭკვიანი მთავარი მწვრთნელი - ავსტრიელი პიტერ შტიოგერი ჰყავს. "თხებმა" ახალი სეზონი ჩინებულად დაიწყეს და ძალიან კარგ ფეხბურთს აჩვენებენ. ამ გუნდს უყვარს კონტრშეტევებზე თამაში და ფლანგებს ეფექტურად იყენებს. "კიოლნმა" საწყის ხუთ ტურში 11 ქულა დააგროვა და მესამე ადგილზე იმყოფება, თანაც ჯერ კიდევ დაუმარცხებელია. გუნდის მთავარი დამრტყმელი ძალა ფრანგი ცენტრალური ფორვარდი, მოძრავი და შედეგიანი ენტონი მოდესტეა, რომელმაც უკვე ოთხი გოლის გატანა მოასწრო. ბოლო ტურებში კი თავი იაპონელმა თავდამსხმელმა, იუია ოსაკომ წარმოაჩინა. წინა ტურში, "ლაიფციგთან" საშინაო შეხვედრაში (1:1), მარკო ჰიოგერის არყოფნის გამო, შტიოგერმა გერმანიის ეროვნული ნაკრების მარცხენა მცველი, იონას ექტორი, ნახევარდაცვის ცენტრი ასწია, ხოლო მის პოზიციაზე გამოცდილი კონსტანტინ რაუში დააყენა. ამ უკანასკნელმა დიდებული მატჩი ჩაატარა, მაგრამ ჰიოგერი უკვე გუნდს დაუბრუნდა, ამიტომ ექტორიც თავის ამპლუას მოირგებს. "თხებს" ცენტრალური მცველი, მაროჰი და შემტევი ნახევარმცველი, ლეონადო ბიტენკურტი ვერ ეხმარებიან.

"ბაიერნი", რა თქმა უნდა, საკუთარ მოედანზე ფავორიტია, მაგრამ "კიოლნი" მშვენიერი გუნდია, რომელსაც მიუნხენში ბრძოლა თავისუფლად შეუძლია. თუმცა, მიუნხენელებს ხასიათის გამოსწორება და სანაკრებო პაუზაზე პოზიტიურად გასვლა სურთ.

სავარაუდო შემადგენლობები

ბაიერნი: ნოიერი - ლამი, ბოატენგი, ჰუმელსი, ალაბა - ტიაგო, კიმიხი, ვიდალი - რობენი, ლევანდოვსკი, რიბერი.

კიოლნი: ჰორნი - სიორენსენი, მავრაი, ჰეინცი, ექტორი - რისე, ჰიოგერი, ლემანი, ცოლერი - ოსაკო, მოდესტე.

საინტერესო ფაქტები

  • ერთმანეთს ორი საუკეთესო დაცვის ხაზი დაუპირისპირდება - მიუნხენის "ბაიერნმა" ბუნდესლიგის საწყის ხუთ ტურში მხოლოდ ერთი გოლი გაუშვა, ხოლო "კიოლნმა" - ორი. ამ მაჩვენებლით ეს გუნდები საუკეთესონი არიან.

  • "რეკორდმაისტერის" ბოლო მწვრთნელი, რომელმაც თავის პირველ სეზონში გერმანიის ჩემპიონატის სტარტზე ხუთი თამაში მოიგო, ლეგენდარული ოტმარ ჰიტცფელდი იყო. 1998/99 წლების სეზონში "გენერალის" გუნდმა ზედიზედ ექვსი თამაში მოიგო და ანჩელოტი დღეს ამ შედეგის განმეორებას ეცდება.

  • ბოლო 21 საშინაო თამაშიდან ბუნდესლიგაში "ბაიერნმა" მხოლოდ ერთი წააგო (19მ, 1ფ). 

  • "კიოლნმა", ბოლოს, გერმანიის ჩემპიონატი ხუთმატჩიანი დაუმარცხებელი სერიით 1991/92 წლების სეზონში დაიწყო, მაგრამ მაშინ "თხებმა" ხუთივეჯერ ფრედ ითამაშეს და მეექვსე ტურში სტუმრად "ნიურნბერგთან" 0:4 განადგურდნენ.

  • მიუნხენის "ბაიერნს" "კიოლნის" წინააღმდეგ ზედიზედ ექვსი თამაში აქვს მოგებული ბუნდესლიგაში, ბურთების შეფარდებით - 18:2.

  • "კიოლნს" "ალიანს არენაზე" 2009 წლის 21 თებერვლის შემდეგ არ მოუგია. მაშინ იურგენ კლინსმანის "ბაიერნი" კრისტოფ დაუმის გუნდმა 2:1 დაამარცხა. იმ თამაშში ფილიპ ლამმა და ფრენკ რიბერიმ იასპარეზეს.
მწვრთნელების წინასამატჩო კომენტარები

კარლო ანჩელოტი: ​"პირველ რიგში მინდა აღვნიშნო, რომ კარგი ფეხბურთისთვის კარგი მოედნის საფარი მნიშვნელოვანია. მადრიდში ისე ვითამაშეთ, როგორც არ უნდა გვეთამაშა. თუმცა, ზოგჯერ, ასეთი მარცხები კარგია, რათა გაუმჯობესდე. "ბაიერნი" არ არის ერთადერთი გუნდი, რომელსაც "ვისენტე კალდერონზე" პრობლემები შეექმნა, ამიტომ სიმშვიდე უნდა შევინარჩუნოთ და საკუთარ ძალებში ეჭვი არ შევიტანოთ.

რთული მატჩი გველოდება. "კიოლნი" ახალ სეზონში საინტერესოდ გამოიყურება. ეს კარგად ორგანიზებული გუნდია, რომელსაც სწრაფი შემტევები ჰყავს. მოდესტე ჯერ კიდევ საფრანგეთიდან მახსოვს. ის ძალიან სახიფათოა. ძალების აღსადგენად დიდი დრო არ გვქონდა, ამიტომ როტაცია აუცილებელია, თანაც ინტენსიურად უნდა ვითამაშოთ.​​​

პიტერ შტიოგერი: ​"ბაიერნი" ძალიან ძლიერი მეტოქეა, მით უმეტეს - მიუნხენში.​​​ ისინი მუდმივად დომინირებას ცდილობენ. ამ გუნდის თამაშის დონე ძალიან მაღალია. მათ აქვთ ყველაფერი, რაც უმაღლესი კლასის გუნდს სჭირდება. ჩვენ კი უნდა ვცადოთ, რომ საკუთარი მონდომებით და საფეხბურთო იდეებით მივაღწიოთ წარმატებას. კარგ ფორმაში ვართ და ვნახოთ ამ მატჩში რა გამოგვივა".

მთავარი ინტრიგა
მიუხედავად იმისა, რომ მიუნხენურმა კლუბმა ამ ზაფხულს მხოლოდ ორი ტრანსფერი განახორციელა, ქომაგები სატრანსფერო კამპანიით მაინც კმაყოფილნი დარჩნენ. ამის მიზეზი კი გერმანიის ეროვნული ნაკრების ჩინებული მცველი, მატს ჰუმელსია, რომელიც მშობლიურ კლუბს დორტმუნდის "ბორუსიადან" დაუბრუნდა. ყველაზე დიდი ინტერესით კი "ბაიერნის" გულშემატკივარი მისი და ჟერომ ბოატენგის თანდემს ელოდა. "ბუნდესნაკრებში" ეს ორი ბრწყინვალე მცველი ერთდ ძალიან კარგად გამოიყურება, მაგრამ წითელი მაისურით ეს დუეტი ვერაფრით შეიკრა. სეზონის სტარტზე ბოატენგი იყო ტრავმირებული, ჟერომის დაბრუნების შემდეგ​​​​ კი ლაზარეთში მატსი მოხვდა. "ატლეტიკოსთან" ჰუმელმსა ბოატენგი შეცვალა და მათ ერთად ძირითადში არ უთამაშიათ. თუმცა, დღეს ორივე მათგანი მწყობრშია და მიუხედავად ხავი მარტინესის ბრწყინვალე სათამაშო ფორმისა, დროა ნანატრი თანდემი შედგეს. დღევანდელი თამაშის მთავარი ინტრიგაც სწორედ ეს არის და იმედი ვიქონიოთ, რომ კარლო ანჩელოტის მინდორზე ეს დიდებული ოთხეული ეყოლება: ლამი-ჰუმელსი-ბოატენგი-ალაბა.

მოამზადა დავით მაღრაძემ, სპეციალურად Bayern.ge-სთვის
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ
მსგავსი სიახლეები
კომენტარები
jozee
jozee | 30 სექტემბერი 2016 22:34
rekordi unda movxsnat aucilebladdddddddddddd
Jano_Bayern
Jano_Bayern | 1 ოქტომბერი 2016 01:43
წარმატებები
zviad
zviad | 1 ოქტომბერი 2016 19:40
რომელ ნანატრ ტანდემზე საუბრობ მეგობარო, ბოატენგის ბრალია ატლეტიკოსთან წაგება, და სანამ ბოატენგი ბავარიის ძირითადში იდგება ბავარია სერიოზულ მეტოქეებთან ყოველთვის კაცნაკლული ითამაშებს
Olga Y.neump
Olga Y.neump | 23 აპრილი 2017 14:12
Olga Y.neump
Olga Y.neump | 1 ოქტომბერი 2017 19:10
Мы негодуют, кажется выдумано такое, но я бы рекомендовал здесь посмотреть мастер холодильники Kaiser Балашиха
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა