პრევიუ: აუგსბურგი - ბაიერნი » მიუნხენის "ბაიერნის" ფან-კლუბი
...

პრევიუ: აუგსბურგი - ბაიერნი

გერმანიის ეროვნული ჩემპიონატის 29-ე ტურში ბავარიული დერბი გაიმართება და მიუნხენის "ბაიერნი" საჩემპიონო ტიტულის გაფორმებას ეცდება.

აუგსბურგი - ბაიერნი

ჩემპიონატი: ​გერმანიის ბუნდესლიგა, 29-ე ტური​​​
თარიღი: ​7 აპრილი, 17:30 საათი​​​
სტაიდონი: ​WWK არენა, აუგსბურგი​​​
მთავარი მსაჯი: ​მარკუს შმიდტი​​​
პირდაპირი ტრანსლიაცია: ​​​​​-​​​

გუნდების წინასამატჩო მდგომარეობა

​​​
"აუგსბურგი" ახლა არც ისე კარგ ფორმაშია - მანუელ ბაუმის გუნდმა ბოლო 7 ტურში მხოლოდ 1 გამარჯვება მოიპოვა და 5 ქულა დააგროვა. თუმცა "აუგსბურგს" მიმდინარე სეზონში ბუნდესლიგიდან გავარდნა არ ემუქრება, ვინაიდან 36 ქულით მე-10 პოზიციაზე იმყოფება და მე-15 ადგილოსან "ვოლფსბურგთან" 10 ქულიანი ჰანდიკაპი აქვს. გასულ უქმეებზე აუგსბურგელები ლევერკუზენის "ბაიერს" ესტუმრნენ და უგოლო ფრეს მიაღწიეს, რაც მათთვის ცუდი შემდეგ ნამდვილად არ იყო. "აუგსბურგის" მთავარი პრობლემა ცენტრალური ფორვარდის პოზიცია იყო - გუნდის საუკეთესო ბომბარდირი ალფრედ ფინბოგასონი ბოლო 2-3 თვე ტრავმირებული იყო და ახლახანს გამოჯანმრთელდა, მაგრამ მოსალოდნელია, რომ დერბის ძირითადში მაინც ვერ დაიწყებს. ბაუმის გუნდში საუკეთესო მარცხენა მცველი ფილიპ მაქსია, რომელიც შესანიშნავად გამოიყურება და ევროპის წამყვანი ტოპ-კლუბების ყურადღებაც მიიქცია.


მიუნხენის "ბაიერნი" სევილიაში რთული გასვლისა და გამარჯვების (2:1) შემდეგ ბავარიულ დერბის კარგი განწყობითა და დიდი მოტივაციით ხვდება - გამარჯვების შემთხვევაში "რეკორდმაისტერი" ზედიზედ მეექვსე ვერცხლის სინს გაიფორმებს. მოსალოდნელია, რომ იუპ ჰაინკესი როტაციას მიმართავს და რამდენიმე ლიდერს დაასვენებს, რომელთა შორის ტიაგო ალკანტარა, ხავი მარტინესი და თომას მიულერი იქნებიან. არ არის გამორიცხული, იუპმა ჰუმელსი და ლევანდოვსკიც შემოინახოს, ხოლო მათ მაგივრად "ჰოფენჰაიმის" ძველი დუეტი: ზიულე და ვაგნერი ათამაშოს. მიუნხენურ გრანდს წინა ტურში "შალკემ" შეუშალა ხელი, ახლა კი ყველაფერი მხოლოდ "ბაიერნის" ხელშია და "რეკორდმაისტერი" ეცდება, რომ ჩემპიონთა ლიგის საპასუხო 1/4 ფინალური თამაშის წინ ეროვნულ ჩემპიონატში საქმე მოითავოს. "ბაიერნს" დღეს ვიდალი და ალაბა ვერ დაეხმარებიან, სამაგიეროდ კორენტენ ტოლისო მომჯობინდა და ფრანგი დიდი ალბათობით ძირითადში იქნება.

მიუნხენური კლუბი ფავორიტია, მაგრამ "აუგსბურგს" ბავარიულ დერბიში თამაში გამოსდის და ეცდება, რომ "რეკორდმაისტერი" გაამწაროს.

სავარაუდო შემადგენლობები



აუგსბურგს ვერ ეხმარებიან: დანსო, ფრამბერგერი.

ბაიერნს ვერ ეხმარებიან: ვიდალი, ალაბა, კომანი, ნოიერი.

საინტერესო ფაქტები
  • რობერტ ლევანდოვსკის ბუნდესლიგაში ყველაზე მეტი ბურთი "აუგსბურგის" კარში აქვს გატანილი - 18, აქედან 9 გოლი ბოლო 4 შეხვედრაში.

  • იუპ ჰაინკესმა დღეს შესაძლოა მწვრთნელის რანგში მეოთხე ბუნდესლიგის ტიტული გაიფორმოს. მან, როგორც ფეხბურთელმა 4 ვერცხლის სინი მიუნხენგლადბახის "ბორუსიაში" მოიგო.

  • დღეს იუპ ჰაინკესი, საერთო ჯამში, ფეხბურთელისა და მთავარი მწვრთნელის ამპლუაში, ბუნდესლიგაში 1033-ე მატჩს ჩაატარებს და რეკორდსმენ ოტო რეჰაგელს გაუთანაბრდება.

  • "აუგსბურგის" მარცხენა მცველი, ფილიპ მაქსი, ბუნდესლიგის მიმდინარე სეზონში საუკეთესო ასისტენტია - 12 საგოლე პასი. შემდეგ მიუნხენელი კიმიხი, მიულერი და ხამესი (სამივე 9) მოდიან.

  • "აუგსბურგის" კორეელ შემტევ ჟა-ჩოელ კოოს "ბაიერნის" წინააღმდეგ ჩატარებული 11 მატჩიდან ყველა წაგებული აქვს.

  • მანუელ ბაუმის გუნდს ბუნდესლიგაში ზედიზედ 3 საშინაო მატჩი აქვს წაგებული, რაც კლუბის ისტორიაში პირველად მოხდა. 
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა