...

ბაიერნი ბუნდესლიგის ჩემპიონია - საინტერესო ფაქტები და ციფრები

გუშინ მიუნხენის "ბაიერნმა" აუგსბურგში ბავარიული დერბი 4:1 მოიგო და ბუნდესლიგაში ყველაფერი დაასრულა - მიუნხენელებმა ვერცხლის სინი ოფიციალურად გაიფორმეს.

გუშინდელი შეხვედრის შემდეგ კი "რეკორდმაისტერისთვის" არაერთი საინტერესო ფაქტი და მოვლენა დაფიქსირდა, რომლებიც მაყურებლის ყურადღებას იმსახურებენ.

  • ზედიზედ ექვსჯერ მოგებული ვერცხლის სინით "ბაიერნმა" თავისივე რეკორდი გააუმჯობესა. ბუნდესლიგის ისტორიაში ზედიზედ სამ ტიტულზე მეტი არცერთ კლუბს მოუგია. საერთაშორისო დონეზეც ასეთი შემთხვევა ძალიან იშვიათია. ევროპის 5 წამყვანი ჩემპიონატის (ინგლისი, გერმანია, ესპანეთი, იტალია, საფრანგეთი) ყველაზე გრძელი საჩემპიონო სერია ლიონის "ოლიმპიკს" ეკუთვნის - ზედიზედ 7 ჩემპიონობა 2002-2008 წლებში. "იუვენტუსმა" კი შესაძლოა ფრანგული კლუბის ეს მიღევა ამ სეზონში გაიმეოროს.

  • გერმანიის ეროვნული ჩემპიონატის ისტორიაში ვერცხლის სინის ბედი 29-ე ტურში პირველად გაირკვა. ეს მესამე ყველაზე ადრეული ტრიუმფია, წინა ორიც მიუნხენურ გრანდს ეკუთვნის: 27-ე ტურში 2013/14 წლები და 28-ე ტურში 2012/13 წლები. ჩემპიონის ვინაობა აუგსბურგში ასევე პირველად გაირკვა.

  • ფრანკ რიბერიმ გერმანიის ეროვნული ჩემპიონის ტიტული მერვედ მოიპოვა და ამ მხრივ ყველა დროის რეკორდსმენებს გაუთანაბრდა. 35 წლის ფრანგი ოლივერ კანს, ფილიპ ლამს, ბასტიან შვაინშტაიგერსა და მეჰმეტ შოლს დაეწია. თუმცა რიბერი ბუნდესლიგის ისტორიაში ყველაზე ტიტულოვანი ლეგიონერია.

  • წლევანდელი ჩემპიონობა "ბაიერნის" 9 ფეხბურთელისათვის ზედიზედ მეექვსე გამოდგა: მანუელ ნოიერი, ტომ შტარკე, ჟერომ ბოატენგი, დავიდ ალაბა, რაფინია, ხავი მარტინესი, ფრანკ რიბერი, არიენ რობენი და თომას მიულერი.

  • გარდა ამისა, ზოგიერთი ფეხბურთელისთვის ეს კარიერაში პირველი ვერცხლის სინია: ნიკოლას ზიულე, სებასტიან რუდი, ხამეს როდრიგესი, კორენტენ ტოლისო და აგრეთვე კრისტიან ფრიუხტლი.

  • იუპ ჰაინკესი, რომელიც სეზონის ბოლოს 73 წლის გახდება, ბუნდესლიგის ისტორიაში ყველაზე ასაკოვანი ჩემპიონი მწვრთნელია და წინა რეკორდიც მას ეკუთვნოდა (68 წელი 2013 წელს). იუპმა მთავარი მწვრთნელის რანგში ეროვნული ჩემპიონატი მეოთხედ მოიგო. მაზე მეტი ტიტული მხოლოდ ოტმარ ჰიტცფელდსა (7) და უდო ლატეკს (8) აქვთ მოპოვებული.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა