მიუნხენის ბაიერნის ყოფილმა გენერალურმა დირექტორმა, კარლ-ჰაინც რუმენიგემ კლუბის გერმანელი მცველი, ნიკლას ზულე გააკრიტიკა:
'მთავარი პრობლემა აქ ის არის, რომ ზულე არასდროს დამკვიდრებულა მუდმივად საკუთარ პოზიციაზე. როდესაც გუნდისთვის საუკეთესო, ოპტიმალურ თერთმეტეულს აწყობს, იქ ზულეს ადგილი არ მოიძებნება - მან კითხვები საკუთარ თავს უნდა დაუსვას', - განაცხადა რუმენიგემ.
ცნობისთვის, 26 წლის გერმანელმა მცველმა საკუთარ მომავალთან დაკავშირებით საბოლოო გადაწყვეტილება მიიღო და კლუბის დატოვება გადაწყვიტა - ზულე ბაიერნს თავისუფალი აგენტის სტატუსით დატოვებს.