"ნაგელსმანი ჩემგან 2 რამეს მოითხოვს", - ჯამალ მუსიალამ საკუთარ სათამაშო პოზიციაზე ისაუბრა

მიუხენის ბაიერნის ამომავალმა ვარსკვლავმა, ჯამალ მუსიალამ გუნდში საკუთარ როლზე ისაუბრა:

'მწვრთნელმა ბევრი რჩევა მომცა იმის შესახებ, თუ როგორ უნდა მივუდგე მეტოქეს სწორად, რომელი სარბენი ბილიკებია მნიშვნელოვანი და როგორ და როდის მიწევს დუელებში მონაწილეობის მიღება.

ამ პოზიციაზე ჩემგან ორ 'როლს' ელის: თუ დაცვაში ვიქნებით, მე ექვსიანის პოზიციაზე ვარ, ხოლო როცა შეტევაზე მივდივართ, მეორე რვიანის ფუნქციას ვითვისებ თომას მიულერის გვერდით', - განაცხადა მუსიალამ.

ცნობისთვის, მუსიალამ მიმდინარე სეზონში ბაიერნის მაისური 26 შეხვედრაში მოირგო და თავის გამოჩენა 6 გოლითა და 5 საგოლე გადაცემით მოახერხა. 18 წლის მოთამაშემ მოედანზე ჯამში 1 139 წუთი დაჰყო.