"ჩემთვის ბიძასავით იყო", - ლევანდოვსკიმ თავისი კარიერის სამი გამორჩეული მწვრთნელი დაასახელა

ბაიერნის თავდამსხმელმა, რობერტ ლევანდოვსკიმ იმ მწვრთნელებზე ისაუბრა, რომელთაც მასზე ყველაზე დიდი გავლენა იქონიეს:

'კლოპთან ზეწოლა ვისწავლე, რათა მთელი სისწრაფით მივაღწიო მეტოქის კარამდე და გოლი გავიტანო. იურგენი არის ისეთი ტიპის მწვრთნელი, რომელიც ყოველთვის ცდილობს მამაშენს ჰგავდეს. ის მოტივაციას გაძლევს და ბოლომდე დახარჯვას გაიძულებს.

გვარდიოლასგან ტაქტიკაზე გავიგე ბევრი რამ, ამან ჩემი ფეხბურთზე შეხედულება 100 პროცენტიჩ შეცვალა.

რაც შეეხება კარლო ანჩელოტის, ის ჩემთვის ბიძასავით იყო. ყოველთვის გახსნილია დიალოგისთვის და მზადაა დაგეხმაროს. მან იცის, რა არის მნიშვნელოვანი ფეხბურთელისთვის', - განაცხადა ლევანდოვსკიმ.

შეგახსენებთ, 33 წლის პოლონელ თავდამსხმელს კლოპი დორტმუნდში წვრთინდა, რაც შეეხება გვარდიოლას და ანჩელოტის, ისინი მასთან ერთად ბაიერნში მუშაობდნენ.

მიმდინარე სეზონში, ლევანდოვსკიმ ბაიერნის მაისური 30-ჯერ მოირგო, სადაც თავის გამოჩენა 37 გოლითა და 3 საგოლე გადაცემით მოახერხა.