მიუნხენის ბაიერნის მთავარმა მწვრთნელმა, იულიან ნაგელსმანმა დღეს გამართულ პრესკონფერენციაზე მომავალ მეტოქესთან, გროიტერ ფიურტთან გასამართი მატჩი შეაფასა და გარდა ამისა, არაერთ საინტერესო თემაზეც ისაუბრა.
მათ შორის, ახალგაზრდა გერმანელმა სპეციალისტმა ამჟამად გუნდში არსებულ ატმოსფეროზეც გააკეთა კომენტარი:
'მე ყოველთვის არ ვარ ხოლმე გასახდელში, რადგან მსურს, რომ ფეხბურთელებმა ერთმანეთთან მეტი ისაუბრონ. ჩვენი სურვილია, კრიტიკულად შევაფასოთ სიტუაცია როგორც გუნდის შიგნით, ასევე გარედან, რადგან გვაქს გარკვეული სტანდარტები, როგორც კლუბს, ასევე მის გულშემატკივრებსაც', - განაცხადა ნაგელსმანმა.
ცნობისთვის, ბაიერნი გროიტერ ფიურტს ალიანს არენაზე 20 თებერვალს, ბუნდესლიგის 23-ე ტურის შეხვედრაში უმასპინძლებს.