ხვალ, 20 თებერვალს, ბუნდესლიგის 23-ე ტურის შეხვედრაში, მიუნხენის ბაიერნი შინ გროიტერ ფიურტს უმასპინძლებს.
აღნიშნულ შეხვედრას იულიან ნაგელსმანის გუნდი სერიოზული დანაკლისით ხვდება - გერმანული მედიის ინფორმაციით, ბაიერნს ჯანმრთელობის გამო სერჟ გნაბრი დააკლდება, ფეხბურთელმა გუნდის გუშინდელი ვარჯიში გამოტოვა და დიდი ალბათობით, არც კვირას გასამართ შეხვედრაში იქნება ხელმისაწვდომი. გარდა გნაბრისა, ბაიერნი მეორე ვინგერს- კინგსლი კომანსაც მოისაკლისებს, ფრანგმა მოთამაშემ ზალცბურგთან შეხვედრაში დაზიანება მიიღო.
გარდა ვინგერებისა, მიუნხენელებს მანუელ ნოიერიც დააკლდება, გერმანელმა კიპერმა ცოტა ხნის წინ მუხლზე ოპერაცია გაიკეთა. ასევე, საეჭვოა 18 წლის ჯამალ მუსიალაც ყოფნაც - ახალგაზრდა მოთამაშემ შიდაიზოლაცია ახლახანს დაასრულა და ფიზიკურად 100%-ით მზად ჯერ კიდევ არ არის.
ცნობისთვის, აღნიშნული შეხვედრა თბილისის დროით 18:30 საათზე დაიწყება.