როგორც ესპანური გამოცემა Diario Sport-ი ირწმუნება, დორტმუნდის ბორუსიას ფორვარდმა, ერლინგ ჰოლანდმა მადრიდის რეალთან წინასწარ შეთანხმებას უკვე მიაღწია.
წყაროს მტკიცებით, მხარეები ერთმანეთს საბოლოოდ მონაკოში შეუთანხმდნენ - მადრიდის რეალის წარმომადგენლები, ნორვეგიელი ფეხბურთელის აგენტსა და მამას შეხვდნენ, აღნიშნული შეთანხმება, სხვა ნებისმიერ კლუბთან მოლაპარაკებას ბლოკავს, თუმცა საბოლოო სიტყვა მაინც 21 წლის სუპერვარსკვლავზეა.
თუ ჰოლანდი ზაფხულში დორტმუნდის დატოვებას დააპირებს, რეალ მადრიდი ვალდებული იქნება მისი ტრანსფერი დახუროს. ცნობისთვის, ჰოლანდს მოქმედი ხელშეკრულება გერმანულ კლუბთან 2024 წლის 30 ივნისამდე აკავშირებს.