როგორც უკვე მოგახსენეთ, ბუნდესლიგის გასულ ტურში, გროიტერ ფიურტთან შეხვედრაში ტოლისომ ტრავმა მიიღო და მისი შეცვლა დროზე ადრე გახდა საჭირო, წინასწარი მონაცემებთ, ფრანგი შუახაზელი რამდენიმე კვირას იუქმებს.
ადგილობრივ მედიაში კვლავ გააქტიურდა ტოლისოს წასვლაზე საუბრები, ფრანგმა შუახაზელმა ახალ კონტრაქტზე ხელის მოსაწერად, ხელფასის სახით ყოველწლიურად დაახლოებით 16 მილიონი ევრო მოითხოვა. ბაიერნის ხელმძღვანელობისთვის კი ეს თანხა ძალიან დიდია იმ ფეხბურთელისთვის, რომელიც მუდმივად ტრავმირებულია.
ტოლისოსთან კონტრაქტის გახანგრძლივებას კლუბი რამოდენიმე კვირის წინ აქტიურად განიხილავდა - ეს მას შემდეგ, რაც ფეხბურთელმა დაამტკიცა, რომ ბაიერნისთვის სარგებლის მოტანა შეუძლია, თუმცა ახლა ის კვლავ ტრავმირებულია და მისი ზაფხულში წასვლის ალბათობა კიდევ უფრო გაიზარდა.