კატალონიის "ბარსელონას" კაპიტანი და ლიდერი, ლიონელ მესი, მიუნხენის "ბაიერნის" ახალგაზრდა უნივერსალის დამატებით პირადად არის დაინტერესებული.
ესპანური გამოცემა "Diario" იტყობინება, რომ ნელსონ სემედუს არასტაბილური და სერხი რობერტოს სუსტი თამაშის გამო არგენტინელი შემტევი დაცვის მარჯვენა ფრთის გაძლიერებას ითხოვს.
ლეო მესიმ "ბლაუგრანას" ხელმძღვანელობას იოზუა კიმიხის შეძენა თხოვა. ლეომ ამ წინადადებით კლუბს ამ ზაფხულში მიმართა, მაგრამ "ბარსელონას" ამ მიმართულებით ნაბიჯები არ გადაუდგამს.
ჯერჯერობით უცნობია აპირებს თუ არა კატალონიური გრანდი გუნდის მთავარი ვარსკვლავის თხოვნის გათვალისწინებას, მაგრამ კიმიხი უკვე "ბაიერნის" უცვლელი ფიგურაა და მიუნხენელები მას მარტივად არ დათმობენ.
"ბარსელონასა" და "ბაიერნს" შორის ბოლო წლებში აქტიური საქმიანი ურთიერთობაა. წელს მიუნხენელებმა "კამპ ნოუდან" ფილიპე კოუტინიო ინათხოვრეს.
24 წლის გერმანელის სატრანსფერო ღირებულება კი ამჟამად 70 მილიონ ევროს შეადგენს.