"მაყურებლისთვის საინტერესო თამაში გამოდგა", - ნაგელსმანის პირველი კომენტარი

ბუნდესლიგის 26-ე ტურის შეხვედრაში, მიუნხენის ბაიერნი სტუმრად ჰოფენჰაიმს დაუპირისპირდა და ფრედ, 1:1 ითამაშა.

ანგარიში მატჩის 32-ე წუთზე, კრისტოფ ბაუმგარტნერმა გახსნა, რასაც პირველი ტაიმის მიწურულს, რობერტ ლევანდოვსკიმ უპასუხა.

მატჩის დასრულების შემდეგ, აღნიშნული შეხვედრა ჟურნალისტებთან საუბრისას იულიან ნაგელსმანმა შეაფასა:

'საინტერესო თამაში იყო მაყურებლისთვის. პირველ 20 წუთში ძალიან კარგად ვითამაშეთ, 2 დიდი შანშიც გვქონდა და უნდა გაგვეტანა. შემდეგ, გარკვეულ მონაკვეთში მოთმინება დავკარგეთ და კონტრშეტევები გაგვეპარა, სადაც მეტოქეს ღია სივრცეები რჩებოდა.

ორივე გუნდს თამაშის მოგება და 3 ქულის მოპოვება სურდა. ჩვენ სამი გოლი გავითანეთ თამაშგარედან, სადაც მილიმეტრებმა გადაწყვიტა საქმე, თუმცა უნდა აღინიშნოს, რომ სამივე გადაწყვეტილება გოლის არ ჩათვლასთან დაკავშირებით, მართებული იყო.

საბოლოოდ ისე მოხდა, რომ ვერცერთმა გუნდმა დარტყმები გოლად ვერ ვაქციეთ, ჩვენ ცოტათი უფრო მივუახლოვდით 3 ქულას, მაგრამ ფრე არ იყო დაუმსახურებელი შედეგი', - განაცხადა ნაგელსმანმა.