ეს მისი საქმე არაა სალიჰამიჯიჩმა ლევანდოვსკი გააკრიტიკა

მიუნხენური კლუბის სპორტულმა დირექტორმა, ჰასან სალიჰამიჯიჩმა, სატრანსფერო ბაზარზე კლუბის მოქმედებების გაკრიტიკების გამო რობერტ ლევანდოვსკის უპასუხა.

"მან ჩემს, კარლ-ჰაინც რუმენიგეს ან ული ჰიონესის საქმეზე არ უნდა იდარდოს, მით უმეტეს, საჯაროდ. მან ეს უბრალოდ არ უნდა გააკეთოს და ვფიქრობ, ეს თავადაც კარგად ესმის.

თუ გუნდში ახალგაზრდა მოთამაშეების ინტეგრაციას არ შევუწყობთ ხელს, "ბაიერნს" გაუჭირდება, ყოველ ზაფხულს ათასობით მილიონს ვერ დავხარჯავთ.

სწორედ ამაზე ვსაუბრობთ მუდმივად ნიკო კოვაჩთან და იმედი გვაქვს, რომ ჩემპიონთა ლიგას კიდევ ერთხელ მოვიგებთ. ამისათვის კი საჭიროა, რომ ახალგაზრდებს მუდმივი პრაქტიკა მივცეთ", - განაცხადა ბოსნიელმა სპეციალისტმა.

ამ ზაფხულს "რეკორდმაისტერმა" 6 ახალი მოთამაშე დაიმატა: ლუკა ერნანდესი, ბენჟამენ პავარი, მიკელ კუისანკე, ივან პერიშიჩი, იან ფეტ არპი და ფილიპე კოუტინიო.

"ბაიერნმა" ყველაზე მეტი თანხა ტრანსფერებში სწორედ წელს დახარდა და ერნანდესის ტრანსფერი (81 მილიონი ევრო) კლუბის ისტორიაში ყველაზე ძვირადღირებულია.