...

მიულერი: "დარჩენილი ორი თამაში უნდა მოვიგოთ! სხვა გზა არ არსებობს"

გერმანიის ეროვნული ნაკრების შემტევმა ნახევარმცველმა, თომას მიულერმა, დღეს ჟურნალისტების ბევრ შეკითხვას უპასუხა და საინტერესო მინი-ინტერვიუ გამოუვიდა.

მექსიკასთან თამაშზე: "წინა შეხვედრის ანალიზზე აქტიურად ვიმუშავეთ. ჩვენ საკმარისად თვითკრიტიკულები ვართ იმისათვის, რომ ყველაფერი სწორად გავარჩიოთ. მნიშვნელოვანია, რომ ახლა მთელი გუნდი მომდევნო მატჩებს ელოდება, რომელთა მოგებაც ორი მთავარი მიზანია. ამ შეხვედრებში ჩვენ სხვა გამოსავალი არ გვაქვს".

ბურთის ხშირად დაკარგვაზე: "ბურთის დაკარგის მიზეზი ხშირად მოწინააღმდეგის საოცარი მოტივაციაა. სწორედ ამიტომ მოთმინებისა და თავდაჯერების ერთობლიობა ძალიან მნიშვნელოვანია. შვედეთთან მატჩში "დაცვით კედელს" ველოდებით. ზოგიერთ მომენტში მართლაც მოგვიწევს სიტუაციით სარგებლობა და წინ გავარდნა, მაგრამ სიჩქარე არ გვმართებს".

თავის თამაშზე: "თამაში ისე არ მიმდინარეობდა, როგორც წარმომედგინა. არაფერი გამიკეთებია, რაც ჩაფიქრებული მქონდა. მექსიკელთა სათამაშო სტილი რთულ მდგომარეობაში გვაყენებდა, ვინაიდან ეს სტილი ჩვენს ყველა უარყოფით მხარეს ავლენდა. თამაშით კმაყოფილი არ დავრჩი, ამიტომ გავაანალიზე ის ასპექტები, რომლებიც შესაცვლელია".

გუნდში არსებულ კონფლიქტზე: "გუნდში არანაირი კონფლიქტი არ არის და არც ესაა ცუდი თამაშის მიზეზი".

სათადარიგო სკამზე შესაძლო დაჯდომაზე: "რა თქმა უნდა, მოვლენების ასეთი განვითარებით ისე, როგორც სკამზე მყოფი ნებისმიერი მოთამაშე, უკმაყოფილო ვიქნებოდი. თითოეულ ჩვენგანს დიდი ძალა აქვს და სურს, რომ გუნდისთვის იბრძოლოს".

გაშვებულ ბურთზე: "ტაქტიკას პრობლემები ჰქონდა. ტონი კროოსი და მატს ჰუმელსი ერთმანეთს ვერ ავსებდნენ, მექსიკელები კი გოლის გასატანად წინ მშვიდად მიდიოდნენ. რა იქნება შვედებთან, ეს თავად შვედებზეა დამოკიდებული".

თამაშისწინა განწყობაზე: "ძირითადად, ამხანაგურ მატჩებში დაუფიქრებლად ვმოქმედებდით. ვფიქრობდით, რომ ტურნირის სტარტს ახალი ძალებით მარტივად გავივლიდით. ახლა კი, როდესაც უკან ვიხედებით, ჩანს, რომ ზუსტად იგივე შეცდომები დავუშვით, რომლებიც ამხანაგური თამაშების დროს იყო. ახლა კი სიტუაცია უნდა შეიცვალოს".

მზადყოფნაზე: "დამოუკიდებლად იმისა თუ ვინ გავა მოედანზე შაბათს, თითოეულ მოთამაშეს თავისი მიზნები და ამოცანები აქვს. თუ მიყვები იმ სქემას, რომელიც თამაშის წინ იქნება შედგენილი, გოლის შანსი ყოველთვის გექნება".

"ბუნდესნაკრები" 23 ივნისს შვედეთს დაუპირისპირდება, ხოლო 4 დღეში სამხრეთ კორეის ნაკრებს შეხვდება.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა