რობენი ბაიერნმა მკითხა შეეძლო თუ არა კოუტინიოს 10 ნომრის აღება

მიუნხენური კლუბის აწყოფილმა ლეგენდარულმა ვინგერმა, არიენ რობენმა, "რეკორდმაისტერის" ხელმძღვანელობის თავაზიანი ნაბიჯი გაასაჯაროვა.

ვეტერანმა ჰოლანდიელმა "ბაიერნი" ამ ზაფხულს დატოვა და მოგვიანებით კარიერაც დაასრულა. აგვისტოს ბოლოს კი მიუნხენელებმა "ბარსელონადან" ბრაზილიელი შემტევი, ფილიპე კოუტინიო, გადაიბირეს.

ფილიპემ მიუნხენურ გრანდში აიღო 10 ნომრიანი მაისური, რომლითაც წლების განმავლობაში სწორედ არიენ რობენი თამაშობდა.

"ნამდვილად ვაფასებ ბრაცოს ზარს, როდესაც მან მთხოვა შეიძლებოდა თუ არა, რომ 10 ნომრიანი მაისური კოუტინიოს აეღო. ვფიქრობ, ეს შესანიშნავი საქციელი იყო.

მე კი კლუბისთვის მხოლოდ საუკეთესო მინდა. თუ მოთამაშე მოდის, ითხოვს 10 ნომერს და ეს ნომერი მას სრულიად შეეფერება, რა თქმა უნდა, აქვს უფლება, რომ მიიღოს.

როდესაც ასეთ დიდ კლუბში ასეთი დიდი მოთამაშე მიდის ზეწოლა საკმაოდ დიდია, მაგრამ ვფიქრობ, კოუტინიო ამას უკვე მიჩვეულია", - განაცხადა რობენმა.