...

ორი პენალტი, ორი გაძევება, ორი ქამბექი - გიჟური ფრე ამსტერდამში

ჩემპიონთა ლიგის ჯგუფური ეტაპის ბოლო ტურში ნიკო კოვაჩის გუნდმა ნამდვილი ბრძოლა გამოიარა და ამსტერდამის "აიაქსთან" ჰოლანდიაში არანორმალური შეხვედრა გამართა.

მთელი პირველი ტაიმი საკმაოდ მაღალ ტემპში მიმდინარეობდა და "აიაქსმა" მიუნხენურ გრანდს არაფერი დაუთმო. თუმცა ჰოლანდიელებმა საკუთარ ნახევარზე გადაცემების დროს რამდენიმე უხეში შეცდომა დაუშვეს და "ბაიერნს" სახიფათო შეტევების განხორციელების უფლებას აძლევდნენ.

"რეკორდმაისტერმა" კუთხურის შემდეგ შესანიშნავი კომბინაცია გაითამაშა. მე-13 წუთზე სერჟ გნაბრიმ ფანტასტიკური გადაცემით მთელი დაცვა მოჭრა და რობერტ ლევანდოვსკიმ ყველაფერი ისე შეასრულა, როგორც მას ეკადრება - 1:0!

ამის შემდეგ პოლონელს კიდევ ერთი 100%-იანი მომენტი ჰქონდა, როდესაც მიულერი-გნაბრის ჩინებული კომბინაცია დააგვირგვინა, მაგრამ ბურთი ანდრე ონანას მოარტყა.

ამსტერდამელები ბევრს ცდილობდნენ და უტევდნენ, მაგრამ რეალური საგოლე მომენტები არ ჰქონიათ. "ბაიერნი" დაცვაში ბოლომდე საიმედო ვერ იყო, მაგრამ მეტოქეს ბევრის უფლებას მაინც არ აძლევდა. პირველი ნახევარი გერმანელებმა მინიმალური ანგარიშით მოიგეს.

"აიაქსმა" მეორე ნახევრის სტარტზე ულამაზესი კომბინაცია გაითამაშა და დუშან ტადიჩმა წონასწორობა აღადგინა. მოგვიანებით მოედნიდან "აიაქსის" ცენტრალური მცველი, მაქსიმილიან ვიობერი, ლეონ გორეცკაზე ძალიან უხეში თამაშის გამო გააძევეს.

ვიობერის გაძევებიდან 8 წუთში პირდაპირი წითელი ბარათი მიიღო თომას მიულერმაც, რომელმაც ნიკოლა ტალიაფიკოს თავში მოარტყა გაშლილი ფეხი.

შემადგენლობების გათანაბრების შემდეგ "აიაქსმა" პენალტი მოიპოვა და ტადიჩმა ამსტერდამელები დააწინაურა. თუმცა "ბაიერნი" არ დანებდა და 3 წუთში ყველაფერი შემოატრიალა.

ტიაგო ალკანტარას გამომუშავებული პენალტო ლევანდოვკსიმ გოლად 86-ე წუთზე აქცია, 4 წუთში კი კინგსლი კომანმა ლამაზი გოლით "ბაიერნს" თითქოს საბოოლოო გამარჯვება მოუტანა - 3:2, მაგრამ შეხვედრას 7 წუთი დაემატა.

მე-5 დამატებულ წუთზე "ბაიერნის" კართან არეულობით მასპინძლებმა ისარგებლეს და წონასწორობა აღადგინეს, მაგრამ მეტი ვერ მოახერხეს და მატჩი ფრედ 3:3 დასრულდა.

ეს ფრე გერმანულ გრანდს აწყობდა, რომელმაც 14 ქულა დააგროვა, "აიაქსი" 2 ქულით ჩამოიტოვა და ჯგუფი მოიგო.

აიაქსი 3:3 ბაიერნი

გოლები: 0:1 - ლევანდოვსკი (13'), 1:1 - ტადიჩი (61'), 2:1 - ტადიჩი (82' პენ.), 2:2 - ლევანდოვსკი (86' პენ.), 2:3 - კომანი (90'), 3:3 - ზიულე (90+5').

გაფრთხილება: კიმიხი, რაფინია, დე ლიხტი, ბლინდი, ტალიაფიკო.

გაძევება: ვიობერი, მიულერი.

აიაქსი: ონანა - მაზრუი, დე ლიხტი, ვიობერი, ტალიაფიკო - დე იონგი, ბლინდი, ვან დე ბეეკი (დოლბერგი 78') - ზიეხი, ტადიჩი, ნერესი (ჰუნტელაარი 89').

ბაიერნი: ნოიერი - რაფინია, ზიულე, ბოატენგი, ალაბა - გორეცკა (სანჩეში 90'), კიმიხი - რიბერი (კომანი 71'), მიულერი, გნაბრი (ტიაგო 62') - ლევანდოვსკი.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ჩემპიონთა ლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები



სატურნირო მდგომარეობა