ბაიერნი სიტის შემტევით დაინტერესდა

ავტორიტეტული გამოცემა "The Sun" იუწყება, რომ მიუნხენის "ბაიერნი" გაბრიელ ჟესუსით დაინტერესდა.

მას შემდეგ, რაც გაირკვა, რომ ლეროი სანე თებერვლამდე იუქმებს "ბაიერნი" ალტერნატიულ ვარიანტებზე გადაერთო. ყველაზე სერიოზული ვარიანტი კი "ქალაქელების" ცენტრალური ფორვარდია.

გამოცემის ინფრომაციით, "რეკორდმაისტერის" სკაუტები უკვე შეხვდნენ "სიტის" ხელმძღვანელობას და მათგან კონკრეტული პასუხიც მიიღეს. საქმე იმაშია, რომ კლუბი თანახმაა შეელიოს ჟესუს, თუმცა სანაცვლოდ 100 მილიონ ევროს ითხოვს.

ფაქტია, რომ გაბრიელი პეპ გვარდიოლას გეგმებში აღარ შედის. ბრაზილიელმა მიმდინარე სეზონში მხოლოდ ოთხი მატჩი ჩაატარა და თუ აგუეროს ფანტასტიკურ ფორმასაც გავითვალისწინებთ, არაა გამორიცხული, რომ ჟესუსმა "სიტი" იანვარშივე დატოვოს.