მიუნხენის "ბაიერნმა" სტუმრად დიუსელდორფის "ფორტუნას" დამარცხება ანგარიშით - 0:4 შეძლო. მატჩის შემდგომ საკუთარი აზრი რეკორდმაისტერის ამჟამინდელმა მწვრთნელმა, ჰანსი ფლიქმა, გამოთქვა.
" ჩვენ ძალიან კმაყოფილები ვართ პირველი ტაიმით. შევძელით რეალიზებული გაგვეხადა ის, რასაც ვგეგმავდით. პირველივე წუთიდან ზეწოლას ვახდენდით მეტოქეზე, რითაც დავამტკიცეთ, რომ ვთამაშობდით გამარჯვებისთვის.
პირველ ტაიმში გუნდმა შთამბეჭდავი თამაში აჩვენა. მეორე ტაიმში გამოჩნდა, რომ კიდევ გვჭირდება განვითარება, სწორედ ამაზე ვიმუშავებთ მომავალში. ძალიან ხშირად ვკარგავდით ბურთს. გუნდთან მუშაობა სიამოვნებას მანიჭებს. ფეხბურთელებმა კარგად შეძლეს ჩვენი გეგმის რეალიზება," - ვკითხულობთ ფლიქის კომენტარს "ბაიერნის" ოფიციალურ ვებგვერდზე.
ნიკო კოვაჩის წასვლის შემდეგ, მიუნხენის "ბაიერნი" ჰანსი ფლიქმა ჩაიბარა და წარმატებულად ახერხებს დაკისრებული ვალდებულების შესრულებას.