ფლიკის პირველი მარცხი ბაიერნი ლევერკუზენთან დამარცხდა

გერმანიის ეროვნული ჩემპიონატის მე-13 ტურში მიუნხენის "ბაიერნი" საკუთარ მოედანზე ლევერკუზენის "ბაიერთან" დამარცხდა - 1:2.

შეხვედრა აქტიურად, მაღალ ტემპში დაიწყო და "რეკორდმაისტერს" სტუმრების სწრაფი შეტევა გაეპარათ - მე-10 წუთზე ლეონ ბეილიმ მანუელ ნოიერის კარი აიღო და ანგარიში გასხსნა.

გაშბებული გოლის შემდეგ "ბაიერნმა" მოუმატა და არაერთი საგოლე მომენტი შექმნა, რამაც საბოლოოდ შედეგი გამოიღო - თომას მიულერმა წონასწორობა აღადგინა.

თუმცა მიულერის გოლიდან 1 წუთში ლეონ ბეილი კვლავ შეიჭრა საჯარიმოში და დუბლი გაიფორმა - 2:1!

მეორე ტაიმში მიუნხენური კლუბი დომინირებდა, მომენტებიც ჰქონდა და ბოლოსკენ რიცხობრივი უპირატესობაც მოიპოვა, მაგრამ ვერაფერს გახდა და ჰანსი ფლიკმა პირველი მარცხი იწვნია.

"ბაიერნის" წარმატებული სერია შეწყდა და ახლა "რეკორდმაისტერი" 24 ქულით სატურნირო ცხრილში მე-4 ადგილს იკავებს და ლიდერ "ლაიფციგს" 3 ქულით ჩამორჩება.