...

პრევიუ: დარმშტადტი - ბაიერნი

დღეს მიუნხენის "ბაიერნი" 2016 წლის ბოლო გასვლით შეხვედრას ჩაატარებს და სტუმრად ბუნდესლიგის აუტსაიდერ "დარმშტადტს" დაუპირისპირდება.

კარლო ანჩელოტის გუნდი საკმაოდ კარგ ფორმაში იმყოფება და ეცდება, რომ წარმატებული სერია გააგრძელოს. თანაც, გუშინ "ლაიფციგმა" მოიგო, ლიდერობა დაიბრუნა და ახლა "წითლების" ჯერია.

დარმშტადტი - ბაიერნი
ჩემპიონატი: გერმანიის ბუნდესლიგა, XV ტური
თარიღი: 18 დეკემბერი, 18:30 საათი
სტადიონი: "ბიოლენფალტორი", დარმშტადტი
მთავარი მსაჯი: ბასტიან დანკერტი
პირდაპირი ტრანსლიაცია: Eurosport2
იხილეთ დღევანდელი თამაშის პროგნოზი

გუნდების წინასამატჩო მდგომარეობა
"დარმშტადტი" კატასტროფულ ფორმაშია და გუნდს ახალი მთავარი მწვრთნელი ჰყავს. ზედიზედ ექვსი მარცხის შემდეგ კლუბის ხელმძღვანელობამ ნორბერტ მაიერი გაათავისუფლა და მისი პოსტი დროებით გამოცდილ გერმანელ სპეციალისტს, რამონ ბერნდროტს გადააბარა. მისი დებიუტი წინა ტურში შედგა და "ლილიები" სტუმრად "ფრაიბურგთან" დამარცხდნენ. "დარმშტადტს" შეტევაში საკმაოდ სერიოზული პრობლემები აქვს, რადგან გუნდს ძალიან ცოტა გოლი გააქვს და ძალიან უსუსურად გამოიყურება. გასულ სეზონში წინა ხაზის მთავარი ძალა ტექნიკური გერმანელი მარსელ ჰელერი იყო, მაგრამ მიმდინარე სეზონში ჯერ მხოლოდ რამდენიმეჯერ გაიბრწყინა, მაგრამ მომენტალურად. შედარებით სტაბილურად ახალგაზრდა ხორვატი შემტევი, ანტონიო ჩოლაკი გამოიყურება, მაგრამ დღეს ძირითადში უფრო სვენ შიპლოკის ხილვაა მოსალოდნელი. "დარმშტადტს" ცუდი შემადგენლობა არ ჰყავს, უბრალოდ დირკ შუსტერს ძალიან ორგანიზებული, შეკრული გუნდი ჰყავდა, რომელიც მიმდინარე სეზონში მოშლილი და არასტაბილურია. "ლილიებს" ჰიონი, პლატე და ბენ-ჰატირა ვერ ეხმარებიან, მაგრამ ეს სერიოზული დანაკლისი არ არის. სავარაუდოდ, ბერნდროტი "ბაიერნის" წინააღმდეგ დაცვით ტაქტიკას აირჩევს და ბუნდესლიგის ბოლო ადგილოსანი "ბაიერნთან" ხუთ მცველით ითამაშებს.

მიუნხენური გრანდი დღევანდელ შეხვედრას ოთხმატჩიანი გამარჯვებათა სერიით ხვდება და ჩინებულ განწყობაზე იმყოფება. გასულ უქმეებზე კარლო ანჩელოტის შეგირდებმა შინ "ვოლფსბურგი" მიიღეს და 5:0 გაანადგურეს. რობერტ ლევანდოვსკიმ მორიგი წარმატებული მატჩი ჩაატარა და დუბლი გაიფორმა, არიენ რობენმა ულამაზესი გოლი გაიტანა, ტომას მიულერმა კი გერმანიის ჩემპიონატში თავისი პირველი ბურთი შეაგდო, რითიც გულშემატკივრები ძალიან გაახარა. 4-2-3-1 სქემა ძალიან კარგად მუშაობს და სავარაუდოდ, "რეკორდმაისტერი" კვლავ ამ ტაქტიკით ითამაშებს. როტაცია კი აუცილებლად იქნება. უკვე ცნობილია, რომ "ბაიერნს" წლის ბოლომდე ჟერომ ბოატენგი ვერ დაეხმარება, რომელსაც მხრის პრობლემები აქვს და ოპერაცია სჭირდება. სამაგიეროდ, მომჯობიდნენ ხავი მარტინესი, ფრენკ რიბერი და არიენ რობენი, რომელთაც გუნდის შუაკვირის ვარჯიში გააცდინეს, მაგრამ მეორე დღეს უკვე სრული დატვირთვით მუშაობდნენ. სავარაუდოდ, დასვენების საშუალებას ფილიპ ლამი, დავიდ ალაბა, არტურო ვიდალი და არიენ რობენი მიიღებენ. იმედია, შანსი მიეცემა ჯოშუა კიმიხს, რომელიც ძირითად შემადგენლობაში დიდი ხანია არ გვინახავს. თანაც, საინტერესოა როგორ მოერგება ახალგაზრდა გერმანელი ახალ განლაგებას. ლაზარეთში, ბოატენგის გარდა, კიდევ იულიან გრინი და კინგსლი კომანი არიან. 20 წლის ფრანგმა ვინგერმა ინდივიდუალუირი პროგრამით ვარჯიშები დაიწყო, მაგრამ ეს საკმარისი არ არის. კომანს საქმეში მხოლოდ მეორე წრიდან ვიხილავთ.

"ბაიერნი" აშკარა ფავორიტია და ქულების დაკარგვის უფლება არ აქვს. "დარმშტადტი" ახლა ძალიან სუსტია და სავარაუდოდ, კარლო ანჩელოტის გუნდი დამაჯერებელ გამარჯვებას მოიპოვებს.

სავარაუდო შემადგენლობები
დარმშტადტი: ესერი - იუნგვირტი, ნიმაიერი, ზულუ, გუვარა, ჰოლანდი - სირიგუ, ვრანჩიჩი, გონდორფი, ჰელერი - შიპლოკი.

ბაიერნი: ნოიერი - რაფინია, მარტინესი, ჰუმელსი, ბერნატი - ტიაგო, კიმიხი - დუგლას კოშტა, მიულერი, რიბერი - ლევანდოვსკი.

საინტერესო ფაქტები
  • "დარმშტადტმა" ბუნდესლიგის მიმდინარე სეზონში სულ რვა ქულა მოაგროვა და რვავე საკუთარ კედლებში (ორი მოგება, ორი ფრე).

  • მიუნხენურ გრანდს ეროვნულ ჩემპიონატში ყველაზე მეტი, 34 გოლი აქვს გატანილი, ხოლო "დარმშტადტს" ყველაზე ცოტა - 11.

  • "ლილიებს" მიმდინარე სეზონში ზუსტად იმდენი ბურთი აქვთ გატანილი, რამდენიც მხოლოდ რობერტ ლევანდოვსკის.

  • ეს გუნდები ერთმანეთს სულ შვიდჯერ დაუპირისპირდნენ და "ბაიერნი" დაუმარცხებელია. მათი პირველი ოფიციალური მატჩის შემდეგ, რომელიც 1978 წელს ფრედ 1:1 დასრულდა, ექვსივე მატჩი მიუნხენელებმა მოიგეს.

  • გასულ სეზონში "ბაიერნმა" "ბიოლენფალტორზე" 3:0 იმარჯვა. აღსანიშნავია, რომ იმ შეხვედრაში "ბაიერნის" მაისურით თავიანთი პირველი გოლები არტურო ვიდალმა და კინგსლი კომანმა გაიტანეს.

  • ბოლო 16 გასვლითი თამაშიდან ბუნდესლიგაში მიუნხენურ გრანდს მხოლოდ ერთი აქვს წაგებული (12მ, 3ფ).

მწვრთნელების წინასამატჩო კომენტარები
რამონ ბერნდროტი: ​"როგორც ამბობენ, დიდებული მატჩები ზოგჯერ მარტივი გამოდის ხოლმე. ჩვენ მხოლოდ იმაზე უნდა ვიფიქროთ თუ როგორ ვიასპარეზოთ საუკეთესოდ და მინდორზე მაქსიმუმი დავდოთ.

"ბაიერნის" მოთამაშეები ჩემი გუნდის ახალგაზრდა წევრების კუმირები არიან და მათ ძალიან უყვართ ფეხბურთი. 

კარლო ანჩელოტის კი ძალიან დიდ პატივს ვცემ, როგორც ნამდვილ იტალიელ ჯენტლმენსა და უდიდესი სახელის მქონე მწვრთნელს."​​​

კარლო ანჩელოტი: ​"ყოველი თამაში თავისებურად რთული და მნიშვნელოვანია. გვინდა, რომ პირველ ადგილზე დავრჩეთ.

ძალიან მოხარული ვარ, რომ ლევანდოვსკიმ და რიბერიმ კონტრაქტები გაახანგრძლივეს. მათ ამ უნიკალურ კლუბში ისტორია დაწერეს და სახელი გაითქვეს.

ამ კვირაში ძალიან კარგად ვიმუშავეთ. მნიშვნელოვანია, რომ დარმშტადტიდან ქულების სრული კომპლექტი წამოვიღოთ. ახლა მათ გარკვეული პრობლემები აქვთ, მაგრამ დარწმუნებული ვარ, სრულიად კოცენტრირებულები იქნებიან.

თუმცა, ჩემი გუნდის მჯერა და გამარჯვების გარდა ვერანაირ შედეგს ვერ მივიღებ."​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა