...

ბაიერნმა ჰაინკესი წარადგინა

1588 დღიანი პაუზის შემდეგ იუპი დაბრუნდა! დღეს ჰაინკესი პრესის წარმომადგენლებს "ბაიერნის" მთავარი მწვრთნელის სტატუსით შეხვდა და 2013 წელს დასრულებული კარიერა განაახლა.

72 წლის ლეგენდარული გერმანელი "რეკორდმაისტერს" სეზონის ბოლომდე უხელმძღვანელებს. დღეს კი მისი წარდგენა შედგა და იუპმა რამდენიმე თემაზე ისაუბრა.

თავის მოულოდნელ დაბრუნებაზე: "2013 წელს აშკარა იყო, რომ ჩემი სამწვრთნელო კარიერა დასრულდა და ამ საკითხზე საერთოდ აღარ ვფიქრობდი. ტრებლის მოგების შემდეგ ევროპული ტოპ-კლუბებისგან რამდენიმე წინადადება მქონდა, მაგრამ დაბრუნებაზე არ ვფიქრობდი."

"ბაიერნში" დაბრუნების მიზეზებზე: "რამდენიმე მიზეზი იყო: ული ჰიონესთან მეგობრობა, რუმენიგესთან კონტაქტი, რომელიც მთელი 4 წლის განმავლობაში შევინარჩუნეთ. გარდა ამისა, ისიც უნდა აღვნიშნო, რომ მიუნხენის "ბაიერნთან" ვალში ვარ. ესპანეთში გატარებული პერიოდის შემდეგ ეს კლუბი ჩემთვის საერთაშორისო დონეზე გარდამავალი ტრამპლინი აღმოჩნდა."

დაბრუნების შემდეგ მიღებულ მოლოცვებზე: "ჩემი ყოფილი კლუბების ბევრმა ყოფილმა მოთამაშემ მომილოცა, როგორც "ბაიერნიდან" ისე "ტენერიფედან", მადრიდის "რეალიდან" და ა.შ. კლაუდიო პისარომაც კი, რომელიც ჩემი ხელმძღვანელობით ძირითადის მოთამაშე არ ყოფილა, მომილოცა."

ბოლო 4 წლის განმავლობაში ფეხბურთთან ურთიერთობაზე: "ბოლო პერიოდში მიმდინარე მოვლენებს აქტიურად ვაკვირდებოდი. ხშირად ვუყურებდი მადრიდის "რეალის", "ბარსელონას", "იუვენტუსის" ან პრემიერ ლიგის მატჩებს. ბუნდესლიგითაც ხშირად ვიყავი დაკავებული."

პირველად მიზნებზე: "პირველ რიგში, ყველაფერი უნდა გავაანალიზო. ზოგიერთი მოთამაშე გასახდელში უკვე მოშინაურებულია, მაგრამ მე ვარ ადამიანი, რომელსაც მოთამაშეებთან ურთიერთობა, საუბარი უყვარს და მინდა, რომ თითოეული მათგანი ერთმანეთს გვერდში დაუდგეს. ამ მხრივ კი ახლა ნამდვილად ბევრი რამ არის გასაუმჯობესებელი და ჩემი პირველი მიზანი სწორედ გუნდის შეკვრა იქნება."

კარლო ანჩელოტიზე: "მას ძალიან დიდ პატივს ვცემ და ერთი რამის თქმა მინდა: კარიერაში მქონდა ისეთი მომენტი, როგორიც ახლა კარლოს აქვს. მას კარგად ვიცნობ და კარლოზე მხოლოდ საუკეთესო წარმოდგენა მაქვს. ეს არის სპეციალისტი, რომელმაც სამი ჩემპიონთა ლიგის ტიტული მოიგო, ასეთ სიტუაციაში კი ნებისმიერი მწვრთნელი აღმოჩენილა, ეს კარლოს ვერაფერს დააკლებს."

ახალ სპორტულ დირექტორ ჰასან სალიჰამიჯიჩზე: "მას როგორც მოთამაშეს ვიცნობდი და ვიცი, რომ ძალიან მშრომელი, გუნდური ფეხბურთელი იყო. მას ბრწყინვალე ხასიათი აქვს."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
იუპ ჰაინკესი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა