...

პრევიუ: აინტრახტი - ბაიერნი

"პარი სენ ჟერმენთან" მოპოვებული უმნიშვნელოვანესი გამარჯვების შემდეგ მიუნხენის "ბაიერნი" ბუნდესლიგას უბრუნდება და დღეს სტუმრად ფრანკფურტის "აინტრახტს" დაუპირისპირდება.

აინტრახტი - ბაიერნი

ჩემპიონატი: გერმანიის ბუნდესლიგა, XV ტური
თარიღი: 9 დეკემბერი, 18:30 საათი
სტადიონი: "კომერცბანკ-არენა", ფრანკფურტი
მთავარი მსაჯი: ჰანს ოზმერსი
პირდაპირი ტრანსლიაცია: Setanta Georgia+

გუნდების წინასამატჩო მდგომარეობა


ფრანკფურტის "აინტრახტმა" მიმდინარე სეზონი მშვენივრად დაიწყო და ახლა ძალიან კარგ ფორმაშია - ნიკო კოვაჩის გუნდს ბუნდესლიგაში ბოლო 8 თამაშიდან მხოლოდ ერთი აქვს წაგებული. "აინტრახტმა" ზაფხულში ბევრი ახალი ფეხბურთელი დაიმატა, რომელთა შორისაც ორი გამორჩეულია: მარცხენა მცველი ჟეტრო ვილემსი და შემტევი კევინ-პრინც ბოატენგმა, რომელმაც ზედიზედ ორ ტურში გაიტანა და თავისი ბურთებით საკუთარ გუნდს 4 ქულა მოუტანა. ბოლო მატჩებში კოვაჩმა 5 მველიანი ტაქტიკა გამოცადა და მოსალოდნელია, რომ "ბაიერნის" წინააღმდეგაც იგივეს გააკეთებს. "არწივებს" საკმაოდ ორგანიზებული, ლაღი და საინტერესო გუნდი ჰყავთ, რომელსაც ნებისმიერ მეტოქესთან შეუძლია ბრძოლა. ამ მომენტისთვის ფრანკფურტის "აინტრახტი" 22 ქულით მე-9 პოზიციას იკავებს, მაგრამ ოთხეულამდე მხოლოდ 2 ქულა აშორებს, ამიტომ ნიკო კოვაჩის გუნდს თავისუფლად შეუძლია, რომ ევროთასებზე მოსახვედრად გაიბრძოლოს. ფრანკფურტელებს კვლავ სერიოზული დანაკლისი აქვთ, ვინაიდან ალექსანდრ მაიერი ტრავმირებულია, მასთან ერთად კი გუნდს კიდევ რამდენიმე მოთამაშე აკლია, მაგრამ კოვაჩი მაიერის გარეშე თამაშს უკვე დიდი ხანია მიეჩვია, ამიტომ ეს "აინტრახტისთვის" კატასტროფა არ არის.


მიუნხენის "ბაიერნმა" სამშაბათს ყველას დაუმტკიცა, რომ ევროპაში კვლავ ერთ-ერთი მთავარი ძალაა, რომელმაც ბოლო ერთი თვის განმავლობაში ძალიან დიდი სამუშაო შეასრულა, სერიოზულად მოუმატა და "პსჟ-ს" აბსოლუტურად დამსახურებულად მოუგო. იუპ ჰაინკესმა ძალიან ჭკვიანური სტრატეგია შეარჩია და "რეკორდმაისტერმა" ფსიქოლოგიური თვალსაზრისით ძალიან მნიშვნელოვანი გამარჯვება მოიპოვა. ახლა კი მიუნხენელები ეცდებიან, რომ წარმატებული სერია ბუნდესლიგაში გააგრძელონ. ფრანგების წინააღმდეგ იუპმა მოედნის ცენტრში მოულოდნელად რუდისა და ტოლისოს თანდემი დააყენა, მაგრამ ამ სიურპრიზმა თავისი გავლენა იქონია, ტოლისომ კი საერთოდ დუბლის გაფორმება მოახერხა. თუმცა დღეს ალბათ ჰაინკესი ძველ გვარდიას - მარტინესსა და ვიდალს დააბრუნებს, ხოლო კორენტინი დამსახურებულ დასვენებას მიიღებს. შეტევაში კი ფრანკ რიბერის თომას მიულერი ჩაანაცვლებს. 28 წლის გერმანელმა "პსჟ-სთან" ძირითადში კუნთის მცირე პრობლემების გამო ვერ დაიწყო, მაგრამ ახლა სრულიად მზად არის. გარდა ამისა, მოსალოდნელია ჟერომ ბოატენგის დაბრუნება, რომელმაც პარიზელებთან ასევე ტრავმის გამო ვერ ითამაშა. სამწუხაროდ, დანაკლისი კვლავ სერიოზულია და ტიაგოსა და რობენის ბედი ჯერ კიდევ გაურკვეველია.

მიუნხენის "ბაიერნი" ფავორიტია, მაგრამ ფრანკფურტში სამი ქულის მოპოვება იოლი არ იქნება, ამიტომ ბიჭებს ბოლომდე ბრძოლა და კარგი თამაშის ჩვენება მოუწევთ.

სავარაუდო შემადგენლობები


აინტრახტს დააკლდებიან: მაიერი (ტერფი), ფაბიანი (ზურგი), დე გუზმანი (მხარი), მანდელა (მუხლი), მასკარელი (ქუსლი).

ბაიერნს დააკლდებიან: ფრაიდლი (მენჯი), რობენი (ბარძაყი), ტიაგო (ბარძაყი), ნოიერი (ტერფი).

საინტერესო ფაქტები
  • მიუნხენის "ბაიერნს" "აინტრახტთან" ბუნდესლიგაში 12 მატჩიანი დაუმარცხებელი სერია (9 მოგება, 3 ფრე) აქვს. ამ პერიოდში "რეკორდმაისტერმა" 27 გოლი გაიტანა, თავად კი მხოლოდ 4 გაუშვა.

  • "აინტრახტმა" მიუნხენური გრანდი ბოლოს 7 წლის წინ, 2010 წლის მარტში დაამარცხა, როდესაც "ბაიერნმა" ფრანკფურტში 1:2 წააგო.

  • ამ გუნდების ბოლო 10 დაპირისპირებიდან "ბაიერნმა" 9 შეხვედრაში კარი მშრალად შეინახა.

  • თუმცა ფრანკფურტის "აინტრახტი" იმ კლუბების მცირე ჩამონათვალს მიეკუთვნება, რომელსაც შინ "ბაიერნის" წინააღმდეგ პოზიტიური ბალანსი აქვს: ბავარიელებმა ფრანკფურტში მხოლოდ 12 მატჩი მოიგეს, თავად კი 18-ჯერ დამარცხდნენ. კიდევ 16 თამაში ფრედ დასრულდა.

  • "აინტრახტის" მთავარი მწვრთნელი, ნიკო კოვაჩი, მიუნხენური კლუბის ყოფილი მოთამაშეა, რომელმაც "ბაიერნში" 2001-03 წლებში იასპარეზა.
  • ფრანკფურტელები ყველაზე სახიფათო მატჩის ბოლო 15 წუთში არიან. "აინტრახტმა" მიმდინარე სეზონში 6 "გვიანი გოლი" გაიტანა და ამ მაჩვენებლით მხოლოდ "ჰოფენჰაიმს" (8) ჩამორჩება.

  • იუპ ჰაინკესი "მ.ბორუსიასა" და "ჰანოვერის" შემდეგ ზედიზედ მესამე ყოფილ კლუბს უპირისპირდება. იგი "აინტრახტს" 1994 წლის ივლისიდან 1995 წლის აპრილამდე ავარჯიშებდა.
  • იუპის "ბაიერნს" "აინტრახტთან" არცერთი თამაში არ წაუგია: 9 მოგება და 3 ფრე.

მწვრთნელების წინასამატჩო კომენტარები

ნიკო კოვაჩი: ​"ბაიერნი" აქ სუპერ-ფორმაში ჩამოდის, ამიტომ ჩვენ სუპერ-თამაში გვჭირდება. თუ ჩვენ შესაძლებლობების მაქსიმუმს გამოვავლენთ, მაშინ "ბაიერნისთვის" პრობლემების შექმნა შეგვეძლება."​​​

იუპ ჰაინკესი: ​"ფრანკფურტის "აინტრახტი" მართლაც ჩინებულ სეზონს ატარებს და გუნდი ძალიან კარგად არის ორგანიზებული. ეს გუნდი ძალიან ბევრს დარბის, აქვს საოცარი გუნდური სულისკვეთება, არის აგრესიული და სახიფათო. ეს ჩემპიონთა ლიგის შემდეგ ჩვენი მორიგი გამოწვევა იქნება. მარტივი მატჩი არ გველის, ამიტომ ბოლომდე უნდა დავიხარჯოთ.


იმედი მაქვს, კომანი დღეს კარგად ივარჯიშებს და თამაშს შეძლებს. ფრაიდლს მენჯის პრობლემები აქვს და მომდენვო კვირაში დაგვიბრუნდება. საერთ ჯამში, მისი პროგრესით კმაყოფილი ვარ.

როგორც იქნა, მეძლევა საშუალება, რომ მიულერი, ბოატენგი, ვიდალი და მარტინესი სასტარტოში დავაყენო. თუმცა საბოლოო გადაწყვეტილებას ბოლო ვარჯიშის შემდეგ მივიღებ."​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა