დღეს, 22:30 საათზე, გერმანიის სუპერ თასის ფინალში მიუნხენის ბაიერნი სიგნალ იდუნა პარკზე დორტმუნდის ბორუსიას ესტუმრება. გთავაზობთ, 5 საინტერესო დაკვირვებას და ფაქტს აღნიშნული შეხვედრიდან:
1. სუპერ თასების ისტორიაში ყველაზე წარმატებული გუნდების დუელი:
დღეს, სუპერ თასების ისტორიაში, ორი რეკორდსმენი გუნდი შეხვდება ერთმანეთს. ბაიერნი მე-15-ედ და ზედიზედ მე-10-ედ იბრძოლებს ტიტულისთვის, როცა დორტმუნდის ბორუსია ისტორიის მანძილზე მე-12-ედ ახერხებს ამას.
გერმანიის ჩემპიონატის (31) და გერმანიის თასის (20) მოგების გარდა, ბაიერნს უკვე 8 სუპერ თასი აქვს მოგებული, დორტმუნდს კი 6, მათ მხოლოდ ვერდერი ჩამორჩება, რომელმაც თასის მოგება სამჯერ მოახერხა.
2. ბაიერნს დორტმუნდის წინააღმდეგ ახალი რეკორდების დამყარება სურს:
ბაიერნმა ბოლო 5 დაპირისპირებიდან, ხუთივე მოუგო დორტმუნდს, მსგავსი რამ, ბაიერნმა 1960-იან წლებშიც მოახერხა და ბორუსიელებთან ზედიზედ ხუთი გამარჯვება იზემია.
სუპერთასის მოგებით, ბაიერნს შეუძლია ახალი რეკორდი დაამყაროს, მაგრამ გასათვალისწინებელია ისიც, რომ დორტმუნდმა ბოლო შეხვედრა 2019 წელს, სუპერთასის დაპირისპირებაში ამავე სტადიონზე (0:2) მოგვიგო.
3. ფავორიტის როლი რეკორდულ დაპირისპირებაში:
სუპერ თასის დაპირისპირებაში, ეს გუნდები ერთმანეთს მეცხრედ შეხვდებიან ერთმანეთს, ისტორიაში ამდენჯერ, არც ერთი სხვა გუნდს არ უთამაშია. ორივე გუნდმა, ოთხ-ოთხი ფინალის მოგება მოახერხა.
დღეს გამოჩნდება, ვის ექნება უკეთესი ბალანსი და ფავორიტის როლი რეკორდულ დაპირისპირებაში.
4. ლევანდოვსკი და მიულერი - ყველა დროის რეკორდსმენები:
ტომას მიულერმა და რობერტ ლევანდოვსკიმ სუპერ თასის დაპირისპირებაში, კარიერის მანძილზე უკვე ათჯერ ითამაშეს - არც ერთ სხვა მოთამაშეს, ამდენივე მატჩი არ ჩაუტარებია.
მიულერმა ათივე შეხვედრა, ბაიერნის მაისურით ჩაატარა. რაც შეეხება ლევანდოვსკის, მან 7 მატჩი ბაიერნის, 3-იც კი დორტმუნდის მაისურის ითამაშა. ასევე, 5 გატანილი გოლით, ლევანდოვსკი შეჯიბრების საუკეთესო ბომბარდირია.
5. ნალგესმანი კარიერაში პირველი ტიტულისთვის იბრძოლებს:
დღეს საღამოს, ბაიერნის ახალი მწვრთნელი, პროფესიონალური კარიერის მანძილზე, პირველი ტიტულის მოგებას შეეცდება. მისი კოლეგა მარკო როსეც (დორტმუნდის მწვრთნელი), ასევე დებიუტანტია სათასო დაპირისპირებაში.