bayern.ge სიახლეები
BILD: თომას მიულერი ეროვნულ ნაკრებში ბრუნდება
გერმანული გამოცემა BILD-ის ინფორმაციით, მიუნხენის "ბაიერნის" ლიდერი, თომას მიულერი ეროვნულ ნაკრებში ბრუნდება.

მოგეხსენებათ, იოახიმ ლიოვის გადაწყვეტილებით, რამდენიმე ვეტერანი ფეხბურთელი, მათ შორის მიულერიც, ეროვნული ნაკრების მიღმა რჩებოდნენ. თუმცა, სიტუაცია შეიცვალა.

წყაროს ცნობით, ლიოვმა უკვე დაურეკა 31 წლის ფეხბურთელს და აცნობა, რომ ევრო 2020-ისთვის ის ბუნდესნაკრების ღირსებას დაიცავს.

19 მაისს გერმანიის ფეხბურთის ფედერაცია იმ 26-კაციან სიას გამოაქვეყნებს, რომელიც ნაკრებთან ერთად ევროპის ჩემპიონატზე გაემგზავრება. ამ სიაში კი მიულერიც იქნება.
ბუნდესლიგის ტურის საუკეთესო გუნდში "ბაიერნის" 5 ფეხბურთელი მოხვდა
ბუნდესლიგის 32-ე ტური საკმაოდ უხვგოლიანი გამოდგა. გაიმართა დაძაბული შეხვედრები, რადგან გუნდები იბრძვიან ევროზონაში ადგილის მოსაპოვებლად.

უხვგოლიანი მატჩები მიუხენის "ბაიერნის" გარეშე, რა თქმა უნდა, არ ჩაივლიდა. მათ გლადბახის "ბორუსიას" 6 უპასუხო გოლი გაუტანეს და ჩემპიონობაც ასე აღნიშნეს.

აღსანიშნავია რობერტ ლევანდოვსკის თამაში, მან ჰეთრიკი გაიფორმა და 1 გოლი აკლია ლეგენდარული გერმანელის, გერდ მიულერის რეკორდამდე.

ამ ყველაფრის გათვალისწინებით, "ბაიერნის" 5 ფეხბურთელი: ალფონსო დევისი, ბენჟამინ პავარი, იოზუა კიმიხი, კინგსლი კომანი და მატჩის საუკეთესო მოთამაშე რობერტ ლევანდოვსკი whoscored-ის საუკეთესო თერთმეტეულში მოხვდნენ.

"ბაიერნმა" ამ საოცარი გამარჯვებით 74 ქულა დააგროვა და ჩემპიონობაც იზეიმა ბუნდესლიგის დასრულებამდე ორი ტურით ადრე.
ემოციური კადრები - რობენი ინტერვიუს დროს ატირდა (ვიდეო)
მიუნხენის "ბაიერნის" ლეგენდა, არიენ რობენი ტრავმის შემდეგ მშობლიურ კლუბ "გრონინგენს" დაუბრუნდა და ბოლო ტურში გამარჯვებაში დიდი წვლილი შეიტანა.

ვეტერანმა ფეხბურთელმა თამაშის შემდგომ ინტერვიუ ჩაწერა.

"დიდი გზა გამოვიარე. ძალიან მსურდა ამის გაკეთება. მინდოდა, რომ კვლავ მეთამაშა ფეხბურთი და დავხმარებოდი "გრონინგენს". თუ ამას მოვახერხებ, ძალიან ბედნიერი ვიქნები."

"გრძელი და რთული გზა მქონდა, თუმცა, ბრძოლა არცერთი წამით არ შემიწყვეტია. ამას ყოველთვის აქვს შედეგი. დღევანდელი თამაშით სიამოვნება მივიღე და როგორც ბავშვს ისე მიხარია."

"ევროპის ჩემპიონატზე წასვლა? თუ დამიძახებენ, ამას გავაკეთებ. როდესაც ვბრუნდებოდი, ეს ფანტასტიკის სფეროს წარმოადგენდა, თუმცა, ახლა ამაზე ფიქრი შეიძლება." - აცხადებს რობენი.

ინტერვიუს დროს ლეგენდარულმა ფეხბურთელმა ცრემლები ვერ შეიკავა:
სად გააგრძელებს კარიერას ალექს ნუბელი
ცნობილი ამბავია, რომ "ბაიერნის" კიპერს, ალექს ნუბელს სათამაშო სიმცირის გამო გუნდის დატოვება სურს.

გამოცემა Sky-ს ინფორმაციით, ახალგაზრდა მეკარის დამატებით ფრანგული "ლილი" არის დაინტერესებული.

წყაროს ცნობით, კლუბმა ორწლიანი იჯარა შესთავაზა "რეკორდმაისტერს". თავის მხრივ, გერმანული კლუბიც თანახმაა ნუბელის განათხოვრებაზე.

ამ მომენტისთვის, საბოლოო გადაწყვეტილება არ არის მიღებული, თუმცა, ფეხბურთელის თანხმობის შემთხვევაში, საიჯარო შეთანხმება შედგება.
ხელოვნება კალათბურთის მოედნებზე - ფესტივალ „ნიკო“-ს და responsible.ge-ს ერთობლივი პროექტი
მასშტაბური კედლების შემდეგ მოძრაობა “ნიკო” კალათბურთის სტადიონებს მოხატავს. ქუჩის ხელოვნების მოძრაობა ევროპაბეთის პასუხისმგებლიანი თამაშის პლატფორმის Responsible.ge პარტნიორი გახდა. თანამშრომლობის ფარგლებში „ნიკო“-ს ორგანიზებით უბნის სპორტული მოედნები გიგანტური ნახატებით დაიფარება. კალათბურთის სტადიონებს ცნობილი არტისტები მოხატავენ. 

ქუჩის ხელოვნებისა და სპორტის გამაერთიანებელი სივრცე ქვეყნის მასშტაბით 5 მოედანი გახდება. პროექტის მიზანი ერთგვარი ქუჩის გალერეებისა და ახალი ღირსშესანიშნაობების შექმნის გარდა უბნის სტადიონების გაცოცხლება და სამოყვარულო კალათბურთის პოპულარიზებაა.
მოძრაობა „ნიკო სპეციფიკიდან გამომდინარე დაარსების დღიდან კარგად იცნობს საზოგადოება. ჩვენ არამარტო აფერადებთ ქალაქებს, არამედ ქმნით ისეთ პლატფორმას, სადაც დამწყებ თუ გამოცდილ ხელოვანებს აქვთ საშუალება წარმოაჩინონ თავიანთი ნამუშევრები და ამავე დროს  ქალაქებს ახალ-ახალი ღირსშესანიშნაობები შემატონ. 

სპორტული სტადიონები სიახლეა ჩვენს პორტფოლიოში. აქამდე ჩვენი მხატვრების „ტილო“ მხოლოდ კედლები იყო და საკალათბურთო მოედანზე შესვლა ფრიად გვახარებს. ეს ერთის მხრივ ახალი გამოწვევაა არტისტებისთვის და ასევე დამატებითი საშუალება ჩვენთვის ხელი შევუწყოთ ქართული ქუჩის ხელოვნების პოპულარიზაციას მსოფლიო რუკაზე“ - ამბობს სანდრო კვანტალიანი, მოძრაობა „ნიკო“-ს დამფუძნებელი.


responsible.ge-ის ერთ-ერთი მთავარი მიმართულება ქართული სპორტის მხარდაჭერა და პოპულარიზაციაა. „ნიკო“-სთან თანამშრომლობით ორი, ხასიათით პრინციპში ძალიან ახლოს მდგომი, სფეროს გაერთიანებას და მხარდაჭერას ვცდილობთ - ქუჩის მხატვრობა და კალათბურთი. მოძრაბა „ნიკო“ ფაქტობრივად ქუჩის გალერეებს ქმნის, სადაც თითოეულ ნახატში ავტორის მიერ ჩადებული მესიჯია გადმოცემული. ამჯერად ქუჩის გალერეები ქვეყნის მასშტაბით 5 სტადიონზე გაჩნდება. ახალი ღირსშესანიშნავი ადგილები კი გვჯერა, იმავე მოედანზე კალათბურთის თამაშის ინტერესს გაზრდის. ამისთვის მოხატულ სტადიონებზე სხვადასხვა შეჯიბრისა და შეხვედრის გამართვასაც ვგეგმავთ. “ -ლაშა გოგუა, „ევროპაბეთი“-ის მარკეტინგის დირექტორი. 
პირველი სტადიონი თბილისში, ვაზისუბანში იხატება. 

მოედნის ზედაპირი უკვე დამუშავებულია. სანდრო ციცქიშვილი აბსტრაქციას დავით მჭედლიშვილთან ერთად მესამე დღეა ხატავს.  


"მე დანტე და კიდევ რამოდენიმე საინტერესო ადამიანი უკვე დიდი ხანია კოლაბორაციულ ხატვას მივსდევთ, ოღონდ დიდი ფორმატის ფურცლებზე. ამჯერად მოედანზე ერთ-ერთი ასეთი ნახატის ფრაგმენტი გადმოგვაქვს, რომელმაც კიდევ მეტი ტრანსფორმაცია განიცადა სპეციალირად ამ მოედნისთვის. ხატვის პროცესი საკმაოდ საინტერესოდ მიმდინარეობს, ძირს ხატვა საკმაოდ უჩვეულო და საინტერესო გამოწვევაა, რომლის სიღრმეებშიც ნელ ნელა შევდივართ." - ამბობს ციცქო.


ციცქო იგივე სანდრო ციცქიშვილი, 30 წლის, არტ დირექტორი. სწავლობდა სამხატვრო აკადემიაში, რესტავრაციის ფაკულტეტზე, თუმცა სწავლა ბოლომდე არ მიუყვანია. შემდეგ მოხვდა ლონდონში, Central st.Martins College -ში, სადაც გრაფიკული დიზაინის ბნელ კუთხეებში საფუძვლიანად შეიჭყიტა. უკანასკნელი 11 წლის განმავლობაში უმუშავია ასობით სარეკლამო პროექტზე, მოუგია ბევრი პრესტიჟული და ნაკლებად პრესტიჟული ჯილდო. დღეს ფიქრობს რომ, გააფართოვოს ვიზუალური დისციპლინების დიაპაზონი და ამჯერად თავი ქუჩის მხატვრობაში გამოსცადოს.

თბილისის გარდა პროექტის ფარგლებში კალათბურთის სტადიონები ბათუმსა და ქუთაისშიც მოიხატება. 4 სტადიონის ხატვის გეგმა უკვე გაწერილია. მეხუთე სტადიონის ლოკაციის წარდგენის და არჩევის შესაძლებლობა კი საზოგადოებას ექნება. მოძრაობა „ნიკო“-სა და responsible.ge-ს გადაწყვეტილებით ზაფხულში პროექტის ბოლო სტადიონი ფეისბუქ გვერდზე ხმის მიცემით გამოვლინდება. 

Responsible.ge „ევროპაბეთის“ პასუხისმგებლიანი თამაშის პლატფორმაა. კომპანია პასუხისმგებლიანი თამაშის ევროპული მოდელის დანერგვა ინდუსტრიაში 2019 წლის ბოლოდან ცდილობს. „ევროპაბეთის“ პასუხისმგებლიანი თამაშის პოლიტიკა სამ მიმართულებას მოიცავს. ესაა პასუხისმგებლობა ბიზნესში, პასუხისმგებლობა კომუნიკაციაში და პასუხისმგებლობა საზოგადოების მიმართ. კორპორაციული სოციალური პასუხისმგებლობის ფარგლებში კომპანია პროექტებს თითოეული მიმართულებით ახორციელებს.
კლასი სამუდამოა - რობენის ულამაზესი გადაცემა ერედივიზიონში (ვიდეო)
ნიდერლანდების ერედივიზიონის 32-ე ტურში "გრონინგენი" სტუმრად "ემენს" დაუპირისპირდა და ანგარიშით 0:4 დაამარცხა.

გამარჯვებაში ლომის წილი შეიტანა ლეგენდარულმა არიენ რობენმა, რომელმაც ორი საგოლე გადაცემის შესრულება მოახერხა.

განსაკუთრებით ლამაზი მისი მეორე საგოლე გადაცემა აღმოჩნდა.

იხილეთ ვიდეო: 
"ბაიერნის" ვარსკვლავმა ტრავმის გამო სეზონი ნაადრევად დაასრულა
"გლადბახთან" გამართული მატჩის დროს მიუნხენის "ბაიერნის" ნახევარმცველმა, ლეონ გორეცკამ ბარძაყის კუნთის ტრავმა მიიღო.

გერმანული გამოცემა Kicker-ის ინფორმაციით, დაზიანება საკმაოდ მძიმეა და ფეხბურთელს დაახლოებით 5 კვირა გაუცდება.

გორეცკა "ბაიერნის" დახმარებას მიმდინარე სეზონში ვეღარ შეძლებს. ასევე, არ არის გამორიცხული, ფეხბურთელს ევროპის ჩემპიონატის გამოტოვებაც მოუწიოს.

შეგახსენებთ, რომ გერმანიის ნაკრები გახსნით მატჩს 15 ივნისს, საფრანგეთის წინააღმდეგ მართავს.
ფლიკი: "ბაიერნის" დატოვების გადაწყვეტილება ლიოვის წასვლამდე მივიღე"
მიუნხენის "ბაიერნის" მთავარმა მწვრთნელმა, ჰანს ფლიკმა "გლადბახთან" მატჩის შემდეგ გასული სეზონი შეაფასა.

"ლევიმ გასულ სეზონში თავისი შესაძლებლობები კიდევ ერთხელ დაგვანახა. ის გოლების მანქანაა. "ბაიერნი" ბედნიერი უნდა იყოს, რომ მსოფლიოს საუკეთესო თავდამსხმელი ჰყავს."

"ტრავმები ყველა გუნდს აქვს. სამწუხაროა, რომ ეს სეზონის გადამწყვეტ მომენტში დაგვემართა. ამის მიუხედავად, ჩემპიონთა ლიგაზე მაინც დასამახსოვრებელი სეზონი გამოგვივიდა."

"კილთან მატჩში ძალიან ციოდა. გუნდი საამისოდ მზად არ იყო. ვფიქრობდი, რომ ბავარიული კლუბი თოვლს უკეთესად გაუძლებდა. მეტოქემ ბოლო წუთებზე გაგვითანაბრა. ჩვენ ვერ ვითამაშეთ ჩემპიონთა ლიგის გამარჯვებულის სტილში."

"სიტი - ჩელსი ძალიან კარგი დაპირისპირება იქნება. ტუხელმა დიდი სამუშაო გასწია გუნდში მოსვლის შემდეგ, პეპი კი კვლავ უმაღლეს დონეზე დგას. მოუთმენლად ველოდები ჩემპიონთა ლიგის ფინალს."

"ჩემი გადაწყვეტილება რთული მისაღები იყო. ამაზე დიდხანს ვიფიქრე და შექმნილი სიტუაციიდან გამომდინარე მოვიქეცი. ეს გადაწყვეტილება მანამდე მივიღე, სანამ ლიოვი ნაკრებს დატოვებდა, შესაბამისად, ამასთან კავშირი არ არსებობს."

"საუკეთესო მოგონებად ჩემპიონთა ლიგის ტიტული დარჩება. გასაოცარი ატმოსფერო და შემართება იყო, როგორც 2014 წლის მუნდიალის ფინალში. ეს არასდროს დამავიწყდება." - აცხადებს ფლიკი.
რამდენი გოლი აკლია ლევანდოვსკის გერდ მიულერის რეკორდამდე
გერმანიის ბუნდესლიგის 32-ე ტურში მიუნხენის "ბაიერნმა" "ალიანს არენაზე" გლადბახის "ბორუსია" 6:0 დაამარცხა.

მატჩის საუკეთესო ფეხბურთელი რობერტ ლევანდოვსკი გახლდათ, რომელმაც ჰეთ-თრიკის გაფორმება მოახერხა.

აღსანიშნავია, რომ პოლონელ თავდამსხმელს 39 გოლი დაუგროვდა და მხოლოდ 1 გოლი აშორებს გერდ მიულერის საოცარ რეკორდამდე. 

წინ დარჩენილი კიდევ 2 ტურია და იმ შემთხვევაში, თუ ლევანდოვსკი 2 გოლის გატანას მოახერხებს, ახალ რეკორდს დაამყარებს.
"OLÉ, OLÉ, OLÉ" - როგორ იზეიმა ჩემპიონობა გუნდმა (ვიდეო)
გერმანიის ბუნდესლიგის 32-ე ტურის დასრულების შემდეგ მიუნხენის "ბაიერნმა" ოფიციალურად მოიპოვა ჩემპიონის ტიტული.

გთავაზობთ "გლადბახთან" მატჩის შემდგომ კადრებს, სადაც "რეკორდმაისტერის" ფეხბურთელები ჩემპიონობას ზეიმობენ.
"ბაიერნი" 6:0 "გლადბახი" ფეხბურთელების შეფასებები
გერმანიის ბუნდესლიგის 32-ე ტურში მიუნხენის "ბაიერნმა" საკუთარ კედლებში გლადბახის "ბორუსია" მიიღო და ანგარიშით 6:0 დაამარცხა.

რობერტ ლევანდოვსკიმ ჰეთ-თრიკის გაფორმება მოახერხა. პოლონელ თავდამსხმელს 1 გოლი აკლია გერდ მიულერის რეკორდამდე.

გთავაზობთ ფეხბურთელების შეფასებებს გამოცემა Whoscored-ის ვერსიით.

ლევანდოვსკიმ ულამაზესი მაკრატელა დარტყმით დუბლი გაიფორმა (ვიდეო)
რობერტ ლევანდოვსკიმ "გლადბახთან" მატჩის 34-ე წუთზე ულამაზესი დარტყმით სხვაობა ორამდე გაზარდა.

იხილეთ ვიდეო.
ლევანდოვსკიმ ლამაზი დარტყმით ანგარიში გახსნა (ვიდეო)
მიუნხენის "ბაიერნისა" და გლადბახის "ბორუსიას" დაპირისპირების მე-2 წუთზე რობერტ ლევანდოვსკიმ ანგარიში გახსნა.

იხილეთ ვიდეო.
მიუნხენის "ბაიერნი" ბუნდესლიგის ჩემპიონია
რამდენიმე წუთის წინ დასრულდა გერმანიის ბუნდესლიგის 32-ე ტურის მატჩი, რომელშიც დორტმუნდის "ბორუსიამ" საკუთარ კედლებში "ლაიფციგი" მიიღო და ანგარიშით 3:2 იმარჯვა.

ამ მარცხის შემდეგ, "ლაიფციგს" 64 ქულა დარჩა, "ბაიერნთან" სხვაობა კი 2 ტურით ადრე 7 ქულას შეადგენს, რაც ნიშნავს, რომ ჰანს ფლიკის გუნდმა ვადაზე ადრე გაიფორმა ტიტული.

"რეკორდმაისტერმა" ზედიზედ მეცხრედ, ისტორიაში კი 30-ედ მოიგო ბუნდესლიგის ჩემპიონატი და მომავალი სეზონიდან გუნდის გერბს მეექვსე ვარსკვლავი შეემატება.


"ბაიერნი" - "გლადბახი" სავარაუდო შემადგენლობა
გერმანიის ბუნდესლიგის 32-ე ტურში მიუნხენის "ბაიერნი" გლადბახის "ბორუსიას" შეხვდება.

გთავაზობთ "რეკორდმაისტერის" სავარაუდო შემადგენლობას მომავალი დაპირისპირებისთვის:

ნოიერი - პავარი, ბოატენგი, ალაბა, დეივისი - კიმიხი, გორეცკა - გნაბრი, მიულერი, კომანი - ლევანდოვსკი.
ნაგელსმანმა ახალი ტაქტიკისთვის პირველი ტრანსფერი აარჩია
გერმანული გამოცემების ინფორმაციით, მიუნხენის "ბაიერნის" მომავალმა მთავარმა მწვრთნელმა, იულიან ნაგელსმანმა საზაფხულო ტრანსფერი უკვე დაგეგმა.

როგორც ცნობილია, კლუბის პირველი სამიზნე ზაფხულში მილანის "ინტერის" განაპირა მცველი, აჩრაფ ჰაკიმი იქნება.

მაროკოელი ფეხბურთელი იდეალურად ერგება ნაგელსმანის სამ მცველიან ტაქტიკას, სადაც ფლანგის მცველებს შეტევაში დიდი როლი ენიჭებათ, სწორედ ამიტომ, აჩრაფი კლუბის მთავარი სამიზნე იქნება.

გერმანული გამოცემა BILD-ის ცნობით, ნაგელსმანს, განსხვავებით ჰანსი ფლიკისგან, ჰასან სალიჰამიჯიჩის მხრიდან სრული მხარდაჭერა აქვს ტრანსფერებში და მისი ყველა სატრანსფერო სურვილის ასრულებას ეცდება.

შესაბამისად, დიდია ალბათობა იმისა, რომ ზაფხულში "ბაიერნის" მხრიდან არაერთი ტრანსფერი ვიხილოთ.
  • ბომბარდირები
  • ასისტენტები
  • ბარათები
1
რობერტ ლევანდოვსკი
გოლი: 40 5 35 0
2
თომას მიულერი
გოლი: 11 1 10 0
3
სერჟ გნაბრი
გოლი: 9 0 9 0
4
თომას მიულერი
გოლი: 4 0 4 0
5
ლეონ გორეცკა
გოლი: 7 2 5 0
1
თომას მიულერი
ასისტი: 17 2 15 0
2
იოზუა კიმიხი
ასისტი: 13 3 10 0
3
იოზუა კიმიხი
ასისტი: 4 0 4 0
4
ლეროი სანე
ასისტი: 2 0 2 0
5
სერჟ გნაბრი
ასისტი: 1 0 1 0
1
ჟერომ ბოატენგი
0 0 0 0 0
2
ხავი მარტინესი
0 0 0 0 0
3
ტიაგო ალკანტარა
0 0 0 0 0
4
იოზუა კიმიხი
0 0 0 0 0
5
ბენჟამენ პავარი
0 0 0 0 0
რეკლამა