ხელმძღვანელობას და მიულერს შორის ურთიერთობა დაიძაბა - გერმანელი კლუბს დატოვებს?
იან-კრისტიან დრეზენისა და თომას მიულერის ბანაკის საბოლოო შეხვედრა ოთხშაბათს გაიმართა, რის შემდეგაც საბოლოოდ გაირკვა, რომ მიულერი ზაფხულში ბაიერნს დატოვებს. კლუბი მტკიცედ დარჩა თავის პოზიციაზე და ფეხბურთელს ახალი კონტრაქტი არ შესთავაზა.

ახლა მთავარი საკითხი ის არის, თუ როგორ მოხდება ამ გადაწყვეტილების ოფიციალური განცხადება. მიულერი უკმაყოფილოა შექმნილი სიტუაციით, განსაკუთრებით იმ ფაქტით, რომ მისი წასვლის შესახებ ინფორმაციამ გაჟონა და ამის შესახებ მედიიდან, ირიბად შეიტყო.

მიუხედავად იმისა, რომ ჯერ კიდევ რჩება განსახილველი საკითხები, როგორიცაა მსოფლიო საკლუბო ჩემპიონატში მისი შესაძლო მონაწილეობა (მისი კონტრაქტი 30 ივნისს იწურება) და სეზონის ბოლოს გამოსამშვიდობებელი ცერემონია, ამ ეტაპზე ტენდენცია ისეთია, რომ მიულერი ჩემპიონატში მონაწილეობას არ მიიღებს, რადგან ბოლო კვირებში კლუბსა და ფეხბურთელს შორის ურთიერთობა საკმაოდ დაძაბულია.
პიკე: "მიულერმა კარგად იცის რა უნდა გააკეთოს მომავალში"
ჟერარდ პიკე თომას მიულერზე: 

„მან ის უნდა გააკეთოს, რაც სწორად მიაჩნია. ბოლოს და ბოლოს, ყველა ადამიანი განსხვავებულია, ყველას სხვადასხვა ინტერესები აქვს და პირად ცხოვრებაშიც განსხვავებული სიტუაციებია.

შესაძლოა, მას სურს ახალი გზების გამოკვლევა, ან შესაძლოა, კარიერის დასრულებაზეც ფიქრობდეს – ეს მხოლოდ მისი გადასაწყვეტია. დარწმუნებული ვარ, მიულერმა კარგად იცის, რა უნდა გააკეთოს შემდეგ.

მე კი მას საუკეთესოს ვუსურვებ, რადგან ის მართლაც შესანიშნავი პიროვნებაა.“
დანიელ პერეცი “ბაიერნის” დატოვებას სამუდამოდ აპირებს
დანიელ პერეცს სურს ამ ზაფხულს ბაიერნიდან სამუდამოდ წასვლა და არა იჯარით.

ამავდროულად, კლუბს სურს მომავალში მასზე კონტროლის შენარჩუნება.

პერეცი ვერ ხედავს სათამაშო დროის პერსპექტივას ბაიერნში, რადგან ნოიერი და ურბიგი მასზე წინ არიან.

დაინტერესებული კლუბები განსაკუთრებით უცხოეთიდან არიან.
კეინი: “მომწონს მასთან მუშაობა. ვფიქრობ ის შესანიშნავი მწვრთნელია.”
ჰარი კეინი ვინსენტ კომპანიზე:

„ძალიან მომწონს მასთან მუშაობა. ვფიქრობ, რომ ის შესანიშნავი მწვრთნელია მოედანზე. მომწონს, როგორ უნდა ვითამაშოთ, როგორც უნდა ვივარჯიშოთ და როგორ უნდა გავუმჯობესდეთ. ასევე, მას მოედნის მიღმაც შესანიშნავი პიროვნული თვისებები აქვს.

ის ამაღლებს სტანდარტებს. არ ეშინია, თქვას ის, რაც საჭიროა, მიუხედავად იმისა, ვინ ხარ – 500 მატჩი გაქვს ნათამაშები თუ მხოლოდ ერთი. ყველას ერთნაირად ექცევა, რაც მას ფეხბურთელების დიდ პატივისცემას მოუტანს. ასე რომ, მისგან სწავლა, ტაქტიკური დეტალები და სხვადასხვა მიდგომები მეხმარება, რომ გარკვეულ ასპექტებში გავუმჯობესდე.“
კომპანი: “ფეხბურთს ყოველთვის ვუყურებ - ეს ჰობიცაა და სამუშაოც”
კომპანი იმის შესახებ, რომ გუშინ სან სიროზე ინტერის თამაში უყურა:

„ყოველთვის ვუყურებ ფეხბურთს თავისუფალ დროს, მიუხედავად იმისა, რომელ გუნდს ეხება.

ეს ნაწილობრივ ჰობია, ნაწილობრივ – სამუშაო. განრიგმა მომცა შესაძლებლობა, მეყურებინა მნიშვნელოვანი მატჩისთვის, რომელიც მომდევნო კვირებში გველოდება.

დროის დანარჩენ მონაკვეთში მთლიანად შემდეგ მატჩს ვუძღვნი თავს. მესმის ამ თამაშის [ინტერის] მნიშვნელობა, მაგრამ საჭიროა ყველაფრის სწორად გაყოფა და ორგანიზება.“
გორეცკას მომავალი ისევ კითხვის ნიშნის ქვეშ - დარჩენა რეალური ხდება?

ბაიერნის ხელმძღვანელებმა აღიარეს, რომ გორეცკამ ბოლო კვირებში დამაჯერებლად დაიბრუნა ადგილი ძირითად შემადგენლობაში, მიუხედავად იმისა, რომ სეზონის დასაწყისში იგი სათადარიგოთა სკამზე აღმოჩნდა.


ჯერჯერობით არ არსებობს კონკრეტული გეგმები მისი კონტრაქტის გახანგრძლივებისთვის.


თუმცა როცა ბაიერნში გორეცკას დარჩენა რამდენიმე თვის წინ თითქმის შეუძლებელი ჩანდა, ახლა ეს სრულიად შესაძლებელი ხდება.

მაქს ებერლის მომავალს “ბაიერნში” დიდი კითხვის ნიშნები აქვს
მაქს ებერლის „ბაიერნში“ ყოფნის ერთი წლის შემდეგ, სიტუაცია იმდენად გაუარესდა, რომ მისი წასვლა ზაფხულში აღარ არის გამორიცხული. ებერლის კონტრაქტი 2027 წლამდე გრძელდება, მაგრამ ზედამხედველთა საბჭო უკვე გარკვეული დროა ფიქრობს სპორტული ხელმძღვანელობის რესტრუქტურიზაციაზე.

ამბობენ, რომ კრისტოფ ფროინდს საკმარისი ნდობა აქვს, რათა საჭიროების შემთხვევაში ებერლის ადგილი დაიკავოს. თუმცა, „ბაიერნი“ ასევე ეძებს გარე ვარიანტებს – განხილულნი იყვნენ მარიო გომესი და რალფ რანგნიკი, მაგრამ ამ ეტაპზე კონკრეტული არაფერი გადაწყვეტილა.

აღმასრულებელმა დირექტორმა იან-კრისტიან დრეზენმა ცოტა ხნის წინ მუსიალასთან და კიმიხთან კონტრაქტის გახანგრძლივებაზე მოლაპარაკებები დაასრულა – ამ პროცესში ებერლი აღარ ყოფილა ჩართული.
ნიკო უილიამსისთვის ბრძოლა დაიწყო - ბაიერნი, არსენალი და ჩელსი რბოლაში!

არსენალი ზაფხულში ნიკო უილიამსის ტრანსფერს იკვლევს. სპორტული დირექტორი ანდრეა ბერტა უკვე ესაუბრა ესპანელი თავდამსხმელის წარმომადგენლებს.


თუმცა, ბაიერნიც და ჩელსიც ამ ბრძოლაში არიან ჩართულები. მისი გამოსასყიდი თანხა დაახლოებით 58 მილიონ ევროს შეადგენს.


უილიამსი ზაფხულში კლუბის დატოვებას და ახალი გამოწვევის ძიებას გეგმავს.

რიბერი: "ბაიერნმა აუცილებლად უნდა გაიფორმოს ფლორიან ვირცი."

რიბერი: "თუ რაიმე შესაძლებლობა არსებობს, ბაიერნმა აუცილებლად უნდა გაიფორმოს ფლორიან ვირცი. მუსიალა და ვირცი ერთად შესანიშნავად ითამაშებენ. ისინი ერთმანეთს ჰგვანან იმით, რომ ორივე წარმოუდგენლად ნიჭიერია, თუმცა სათამაშო სტილი განსხვავებული აქვთ.


კარგი ფეხბურთელები ყოველთვის ადვილად უგებენ ერთმანეთს მოედანზე. შესაძლოა, ბაიერნმა ტაქტიკა ოდნავ შეცვალოს და ტრადიციული ვინგერების სტილიდან გადაუხვიოს. მე ვითამაშებდი ნამდვილი „ცხრის“ პოზიციით, ხოლო უკან ვირცი და მუსიალა განლაგდებოდნენ, ოდნავ უფრო ცენტრალურ ზონაში.


ამ შემთხვევაში, ფლანგები თავისუფალი დარჩებოდა შეტევითი უკანა მცველებისთვის, რაც ძალიან კარგად იმუშავებდა."

თომას მიულერის მომავალზე “ბაიერნის” ხელმძღვანელობა ვერ თანხმდება
თომას მიულერის მომავალთან დაკავშირებით ბაიერნის ხელმძღვანელობაში აზრთა სხვადასხვაობაა. ზედამხედველთა საბჭო (ული ჰიონესი) მიიჩნევს, რომ მიულერმა ზაფხულში უნდა დატოვოს გუნდი, ხოლო აღმასრულებელი საბჭოს ხელმძღვანელს, მაქს ებერლს სურს, რომ თავად ფეხბურთელმა მიიღოს გადაწყვეტილება.

მიულერის ხელფასი კლუბისთვის ფინანსური ტვირთია, განსაკუთრებით მას შემდეგ, რაც ბაიერნმა მუსიალას, დეივისს და კიმიხს კონტრაქტები გაუხანგრძლივა. სწორედ ამიტომ, ზედამხედველთა საბჭო მიიჩნევს, რომ მისი გუნდიდან წასვლა ხარჯების შემცირების გზა იქნება.

მიუხედავად ამისა, მოლაპარაკებები ჯერ კიდევ მიმდინარეობს და საბოლოო გადაწყვეტილება მიღებული არ არის. ყველაზე სავარაუდო სცენარია, რომ მიულერი კლუბში კიდევ რამდენიმე კვირას დარჩება, მსოფლიო საკლუბო ჩემპიონატზე ითამაშებს და შემდეგ ზაფხულს ბაიერნს დატოვებს.
"ბაიერნი" საავადმყოფოდ გადაიქცა? - ახალი პრობლემები გუნდში

ლეონ გორეცკამ (ზურგის პრობლემები) და კინგსლი კომანმა დღეს გუნდთან ერთად არ ივარჯიშეს. ასევე, დასვენების შესაძლებლობა მიეცათ ჯამალ მუსიალას და მაიკლ ოლისეს...

“ბაიერნის” მენეჯმენტში შესაძლო ცვლილებები - მარიო გომესი კანდიდატად მოიაზრება
ბაიერნის საზედამხედველო საბჭო გარკვეული დროის განმავლობაში განიხილავს მენეჯმენტის გუნდის გაფართოებას ან რესტრუქტურიზაციას...
ლეროი სანეს მომავალი “ბაიერნში” - დარჩება თუ დაბრუნდება პრემიერ ლიგაში?
ლეროი სანეს მომავალთან დაკავშირებით გადაწყვეტილება მომდევნო 1-3 კვირაში იქნება მოსალოდნელი.

კლუბის შიგნით კვლავ არიან სკეპტიკურად განწყობილები, თუმცა სანეს თამაშს და ერთგულებას უფრო და უფრო მეტად აღიარებენ.

სანე მზადაა ხელფასის შემცირებაზე დათანხმდეს, მაგრამ ახლა ბაიერნმა უნდა გადადგას ნაბიჯი – ჯერ კიდევ არ გაკეთებულა წერილობითი შეთავაზება.

არსენალი სერიოზულადაა დაინტერესებული და უკვე კონკრეტული მოლაპარაკებები გაიმართა.
მიულერი ამერიკაში გადაბარგდება? - გერმანელის მომავალი "ბაიერნში" ცნობილია

თომას მიულერი გაკვირვებულია, რომ ახალი კონტრაქტის შეთავაზება არ მიუღია. ის ელოდა, რომ კლუბი რამეს შესთავაზებდა, თუმცა არც ციფრები განხილულა და არც შეთავაზება გაკეთებულა. 


მიუხედავად ამისა, ნოემბერში ითქვა, რომ კლუბს სურდა მასთან თანამშრომლობის გაგრძელება. გარდა ამისა, იანვარში მაქს ებერლმა დაადასტურა, რომ თუ მიულერს კიდევ ერთი წლის თამაში სურდა, კონტრაქტის გახანგრძლივება წამებში მოხდებოდა.


გერმანელის დრო ბაიერნში, დიდი ალბათობით, ამ ზაფხულს დასრულდება. ორივე მხარე ახლა განიხილავს საუკეთესო დროს ოფიციალური განცხადების გასაკეთებლად და სხვა დეტალებს, მათ შორის, საკლუბო მსოფლიო ჩემპიონატში მონაწილეობის მიზნით მოკლევადიანი კონტრაქტის გაფორმების შესაძლებლობას.

თუ ის ბაიერნში არ დარჩება, ყველაზე სავარაუდო ვარიანტად ამერიკაში გადაბარგება მიიჩნევა. წარსულში მას უკვე ჰქონია შეთავაზებები. მიულერი ბუნდესლიგის სხვა კლუბში აღარ ითამაშებს.

კიმ მინ-ჯე პრობლემებს ებრძვის - კორეელი მცველიც ტრავმირებულია?
საწყისი გეგმის მიხედვით, კიმ მინ-ჯეს უნდა დაესვენა ზანკტ პაულთან მატჩში მისი ბოლოდროინდელი პრობლემების გამო, მაგრამ თამაში მოუწია, რადგან სხვა ალტერნატივა არ იყო. 

კიმმა შეხვედრაში მონაწილეობა გაციების მიუხედავად მიიღო, ახლა კი ხველების გამო ზურგის ტკივილსაც უჩივის.

კლუბში იმედოვნებენ, რომ მისი მდგომარეობა მალე გაუმჯობესდება და ის სწრაფად დაბრუნდება ოპტიმალურ ფორმაში.
თომას მიულერი "ბაიერნს" ტოვებს? - გერმანელს უკვე აქვს შეთავაზებები!

"ბაიერნი" კვლავ აწარმოებს მოლაპარაკებებს თომას მიულერთან, თუმცა ბოლო განხილვებიდან გამომდინარე, აშკარა ტენდენციაა, რომ სეზონის ბოლოს იგი კლუბს დატოვებს. 


ამ ეტაპზე არცერთი მხარე – მათ შორის ფეხბურთელის გარემოცვა – არ ადასტურებს, რომ მისი წასვლა უკვე გადაწყვეტილია. 


ამასთან, მიულერმა უკვე მიიღო რამდენიმე შეთავაზება ამერიკიდან და არაბეთიდან.

  • ბომბარდირები
  • ასისტენტები
  • ბარათები
1
ჰარი კეინი
გოლი: 32 8 23 1
2
ჯამალ მუსიალა
გოლი: 17 2 12 3
3
მაიკლ ოლისე
გოლი: 13 5 8 0
4
ლეროი სანე
გოლი: 10 1 8 1
5
თომას მიულერი
გოლი: 5 2 1 2
1
მაიკლ ოლისე
ასისტი: 13 2 10 1
2
ჰარი კეინი
ასისტი: 10 2 7 1
3
იოზუა კიმიხი
ასისტი: 9 4 5 0
4
ჯამალ მუსიალა
ასისტი: 6 4 2 0
5
სერჟ გნაბრი
ასისტი: 6 2 3 1
1
იოზუა კიმიხი
5 0 1 3 1
2
ჰარი კეინი
2 0 0 2 0
3
ჯამალ მუსიალა
1 0 0 1 0
4
საშა ბოე
1 0 0 1 0
5
დეიოტ უპამეკანო
3 0 0 3 0