კლოპი: "ის საუკეთესო ფეხბურთელია, რომელიც ოდესმე გამიწვრთნია"
მერსისაიდული "ლივერპულის" თავკაცმა, იურგენ კლოპმა რობერტ ლევანდოვსკი შეაქო.

"ის უდაოდ საუკეთესო ფეხბურთელია, ვინც ოდესმე გამიწვრთნია. უსამართლობა იქნება, სხვა ვინმე რომ დავასახელო. მან თავისი პოტენციალი სრულად გამოავლინა, რასაც ლევანდოვსკი აკეთებს, უბრალოდ ფენომენალურია."

"თუ ყველა ფეხბურთელს ისეთივე პროგრესი ექნება, როგორიც მას "ლეხში" თამაშიდან დღემდე აქვს, მაშინ ფეხბურთი რაღაც სიგიჟე იქნება. ყველა ფეხბურთელი გასაოცარი იქნება."

"ლევანდოვსკიმ თითოეული ნაბიჯი დიდი შრომით გაიარა, რათა აქამდე მოსულიყო. ის ნამდვილი მანქანაა. ყოველთვის იცის რა უნდა გააკეთოს." - აცხადებს კლოპი.
ფლიკი: "კარანტინის გავლა? ჩვენ ყველა ფეხბურთელი გვჭირდება"
გუშინ გავრცელდა ინფორმაცია, რომლის მიხედვითაც რობერტ ლევანდოვსკის, დავიდ ალაბასა და ალფონსო დეივისს ნაკრებში თამაშის შემთხვევაში, შესაძლოა, კარანტინის გავლა დასჭირდეთ.

ამ თემაზე კომენტარი "ბაიერნის" მთავარმა მწვრთნელმა, ჰანს ფლიკმა გააკეთა.

"ქეთლინ კრიუგერს ყოველდღიური კომუნიკაცია აქვს ფეხბურთელებთან და შესაბამის პირებთან იმ ქვეყნებში, ვისაც ამაზე პასუხისმგებლობა აქვთ. არ ვაპირებთ რაიმე შანსის ხელიდან გაშვებას."

"იმ შემთხვევაში, თუ ფეხბურთელს კარანტინის გავლა უწევს, კლუბებს აქვთ საშუალება ჩაერიონ ასეთ საკითხებში. ჩვენ ყველა ფეხბურთელი გვჭირდება." - აცხადებს ფლიკი.
კონკურენტები მოახლოვდნენ - როგორი სიტუაციაა ოქროს ბუცისთვის ბრძოლაში
ტოპ ლიგებში მორიგი ტურის გასვლის შემდეგ ოქროს ბუცისთვის მებრძოლთა რეიტინგები განახლდა.

კვლავ დიდი სხვაობით ლიდერობს სიას "ბაიერნის" თავდამსხმელი, რობერტ ლევანდოვსკი, თუმცა, ამჯერად მასსა და უახლოეს მდევარს შორის სხვაობა შემცირდა.

პოლონელმა გასულ ტურში მხოლოდ 1 გოლის გატანა მოახერხა, თავის მხრივ კი კრისტიანო რონალდუმ 3-ჯერ აიღო მეტოქის კარი და ახლა უკკვე სხვაობა 11 გოლის ნაცვლად 9 გახლავთ.

სიაში მესამე ადგილზე გადაინაცვლა ლეო მესიმ. არგენტინელმა დუბლის გაფორმება მოახერხა "უესკას" წინააღმდეგ და ახლა ის ლევანდოვსკის 11 გოლით ჩამორჩება.

საუკეთესოთა სია სრულად შემდეგნაირად გამოიყურება:


"ბაიერნი" - "ლაციო" სავარაუდო შემადგენლობები
ჩემპიონთა ლიგის 1/8 ფინალური ეტაპის განმეორებით მატჩში მიუნხენის "ბაიერნი" საკუთარ კედლებში რომის "ლაციოს" მიიღებს.

გთავაზობთ გუნდების სავარაუდო შემადგენლობებს მომავალი დაპირისპირებისთვის.

"ბაიერნი": ნოიერი - ზულე, ბოატენგი, ერნანდესი, დეივისი - კიმიხი, გორეცკა - გნაბრი, მიულერი, სანე - ლევანდოვსკი.

"ლაციო": რეინა - მუსაკიო, აჩერბი, რადუ - მარუშიჩი, მილინკოვიჩ სავიჩი, ესკალანტე, ლუის ალბერტო, ფარესი - კაისედო, იმობილე.
კანი: "ალაბას შესანარჩუნებლად ყველაფერი გავაკეთეთ"
მიუნხენის "ბაიერნის" აღმასრულებელი საბჭოს წევრმა, ოლივერ კანმა სხვადასხვა მნიშვნელოვან თემებზე ისაუბრა.

"ჰოლანდის ტრანსფერი? არ მსურს სხვა გუნდის ფეხბურთელებზე საუბარი. ჩვენ ამ პოზიციაზე პრობლემა არ გაგვაჩნია. გვყავს რობერტ ლევანდოვსკი, რომელიც მსოფლიოში საუკეთესოა და ის კიდევ დიდი ხნის მანძილზე ითამაშებს უმაღლეს დონეზე."

"ალაბა ძალიან მოგვწონს. ის ექსტრაორდინალური ადამიანია, ყოველთვის მეგობრული და ღია. ყველაფერი გავაკეთეთ მის შესანარჩუნებლად, მაგრამ, არ გამოგვივიდა. მას ახალი გამოწვევები სურდა. მსგავსი რამები ხდება ფეხბურთში."

"ვიცით, რომ რამდენიმე ფეხბურთელს 2023 წელს გასდის კონტრაქტი, თუმცა, მანამდე ძალიან დიდი დროა და ახლა ამაზე ფიქრო ნაადრევია."

"უპამეკანოს ტრანსფერი ძალიან მნიშვნელოვანი იყო დავიდ ალაბას წასვლის შემდეგ დაცვის სიძლიერის შესანარჩუნებლად. ყველაფერთან ერთად ის მომავალი გუნდის შენებაში გამოგვადგება."

"ფლიკის სიტუაციაზე საერთოდ არ ვნერვიულობ, რადგან მას 2023 წლამდე აკავშირებს კონტრაქტი." - აცხადებს კანი.
ლევანდოვსკის შესაძლოა ჩემპიონთა ლიგის 1/4 ფინალის გამოტოვება მოუწიოს
გერმანული გამოცემა BILD საგანგაშო ინფორმაციას ავრცელებს. რობერტ ლევანდოვსკის, დავიდ ალაბასა და ალფონსო დეივისს, შესაძლოა, ჩემპიონთა ლიგის 1/4 ფინალური ეტაპის მატჩების გამოტოვება მოუწიოთ.

სამივე მათგანი ეროვნულ ნაკრებშია გამოძახებული. პოლონეთი 31 მარტს ინგლისში უნდა ჩავიდეს. საკარანტინო წესებიდან გამომდინარე, დიდი ბრიტანეთიდან გერმანიაში დაბრუნებულ ყველა პიროვნებას 14 დღიანი კარანტინის გავლა უწევს. შესაბამისად, თუ ლევანდოვსკი ინგლისელებთან დაპირისპირებაში მიიღებს მონაწილეობას, მას ამ კარანტინის გავლა მოუწევს.

იგივე სიტუაციაა დავიდ ალაბას შემთხვევაში, ოღონდ იმ განსხვავებით, რომ შეხვედრა 25 მარტს იმართება. რაც შეეხება ფონზის კანადის ნაკრებს, ეს გუნდი 28 მარტს თამაშობს.

შესაბამისად, არ არის გამორიცხული, ხსენებულმა ფეხბურთელებმა ჩემპიონთა ლიგის 1/4 ფინალში ვერ ითამაშონ. ამ ეტაპის შეხვედრები 6/7 და 13/14 აპრილს გაიმართება და სავარაუდოდ, ამ დროის გატარება მათ კარანტინში მოუწევთ.
რუმენიგე: "ასეთ შემთხვევაში ყველა გიჟად ჩაგვთვლის"
მიუნხენის "ბაიერნის" აღმასრულებელი საბჭოს წევრმა, კარლ-ჰაინც რუმენიგემ ჰანს ფლიკის სიტუაციაზე ისაუბრა.

"იმ შემთხვევაში, თუ ჰანს ფლიკს ვადაზე ადრე გავუშვებთ, ჩვენ ყველა გიჟებად ჩაგვთვლის."

"ვფიქრობ, გერმანიის ფეხბურთის ფედერაცია სწორად იქცევა როდესაც იმ მწვრთნელებს არ უკავშირდება, რომლებსაც კონტრაქტი აკავშირებთ. ფრიც კელერს ვესაუბრე და მათი დამოკიდებულება ამ თემაზე გავიგე."

"ბაიერნის ისტორიაში ერთ-ერთი საუკეთესო და უძლიერესი გუნდი გვყავს. ფლიკთან კონტრაქტი 2023 წლამდე გვაკავშირებს და ამ კონტრაქტს ორივე მხარე პატივს სცემს." - აცხადებს რუმენიგე.
როდის დაიწყო და განვითარდა ფლიკსა და სალიჰამიჯიჩს შორის დაძაბული ურთიერთობა
ჰასან სალიჰამიჯიჩსა და ჰანს ფლიკს შორის არსებული ურთიერთობა რომ იდეალური არ არის, ამაზე გემანული პრესა უკვე დიდი ხანია საუბრობს. ამჯერად დეტალებზე სტატია გამოცემა Sky-მ გამოაქვეყნა.

წყაროს ცნობით, მხარეებს შორის ბზარი ჯერ კიდევ 2020 წლის იანვარში გაჩნდა. მაშინ ფლიკმა საჯაროდ მოითხოვა ტრანსფერების გაკეთება, რაც სალიჰამიჯიჩს არ მოეწონა და გაკვირვებულიც კი დარჩა ჰანსის ამ განცხადებით.

ეს დაძაბულობა კვლავ გაგრძელდა ზაფხულში, როცა გუნდის დამრიგებელმა ჰადსონ ოდოისა და სერჟინიო დესტის ტრანსფერები მოითხოვა, თუმცა, ამის ნაცვლად ბოუნა სარი და დუგლას კოშტა მიიღო.

საბოლოოდ საქმე იქამდე მივიდა, რომ ფლიკმა "ბაიერნის" ბოსებს ხსენებულ ტრანსფერებზე ვეტოს დადება მოსთხოვა, თუმცა, კლუბისგან უარი მიიღო. ისინი მიიჩნევენ, რომ კლუბი ყველაფერზე მაღლა დგას, მათ შორის მწვრთნელის შეხედულებებზეც.

ახლა კი ამ ყველაფერს ემატება გერმანიის ნაკრების მთავარი მწვრთნელის პოსტზე ფლიკის შესაძლო დანიშვნაზე საუბრები. როგორც ცნობილია, თავად ჰანსი ამ ვარიანტს განიხილავს არ გამორიცხავს, რაც კლუბის მაღალჩინოსნებს არ მოსწონთ.

უცნობია, როგორ გაგრძელდება საბოლოოდ ეს სიტუაცია, თუმცა, ერთი რამ ნათელია. მისი ვერ მოგვარების შემთხვევაში ეს ყველაფერი მხოლოდ "ბაიერნის" საწინააღმდეგოდ იმოქმდებს.
ფრენკ რიბერი გერმანიის ბუნდესლიგაში ბრუნდება
იტალიურმა გამოცემა La Gazzetta Dello Sport-მა მიუნხენის "ბაიერნის" ფანებისთვის სასიხარულო ინფორმაცია გაავრცელა.

შესაძლოა, მომავალი სეზონიდან გუნდის ლეგენდარული გარემარბი, ფრენკ რიბერი კვლავ გერმანიის ბუნდესლიგაში ვიხილოთ.

წყაროს ცნობით, ვეტერანი ფრანგი სეზონის ბოლოს "ფიორენტინას" რიგებს დატოვებს. მას რამდენიმე ბუნდესლიგის კლუბი ეპატიჟება.

ჯერ-ჯერობით კონკრეტული კლუბები არ სახელდება. თუმცა, დიდია ალბათობა იმისა, რომ რიბერი კვლავ გერმანიაში ვიხილოთ.
ნუბელის წასვლა გადაწყვეტილია - შემცვლელი უკვე ნაპოვნია
ბოლო პერიოდში აქტიურად ვრცელდება იმის შესახებ, რომ ალექს ნუბელი სეზონის დასრულების შემდეგ "ბაიერნს" დატოვებს. როგორც ჩანს, ახალგაზრდა კიპერის მომავალი კლუბიც უკვე გარკვეულია.

გერმანული გამოცემების ინფორმაციით, ნუბელი კარიერას ფრანგულ "მონაკოში" გააგრძელებს. დიდი ალბათობით, ფეხბურთელი კლუბს ორწლიანი იჯარის წესით შეუერთდება.

წყაროს ცნობით, ნუბელს სჯერა, რომ სათამაშო დროისა და გამოცდილების მიღების შემდეგ ის გუნდში დაბრუნდება და პირველი კიპერი გახდება.

ბავარიელებმა უკვე შეარჩიეს ის მეკარეც, რომელიც მანუელ ნოიერის შემცვლელი იქნება მომდევნო სეზონში. ეს გახლავთ "არმინიას" კარის დარაჯი, სტეფან ორტეგა.
ფერდინანდმა ჩემპიონთა ლიგის ფავორიტები დაასახელა
მანჩესტერ "იუნაიტედის" ლეგენდამ, რიო ფერდინანდმა ჩემპიონთა ლიგის ფავორიტებზე ისაუბრა.

"ლივერპულს ამ დაცვით უბრალოდ შანსი არ გააჩნია. თუ ვან დაიკი და ჯო გომესი არ დაბრუნდნენ, ისინი ფინალში ვერ გავლენ."

"ასეთ "ლივერპულთან" შეხვედრაში როგორც "ბაიერნი", ასევე "პსჟ" და მანჩესტერ "სიტიც" ფავორიტები იქნებიან."

"ვფიქრობ, სწორედ ამ სამ კლუბს შორის ერთ-ერთი დაეუფლება ლიგის ტიტულს." - აცხადებს რიო.
ბეკენბაუერი: "არც კლოპი, არც ფლიკი. ნაკრები მან უნდა ჩაიბაროს"
მას შემდეგ, რაც გერმანიის ნაკრებიდან იოახიმ ლიოვის წასვლა დაანონსდა, არ წყდება საუბრები მის პოტენციურ შემცვლელთან დაკავშირებით.

ამ თემაზე კომენტარი მიუნხენის "ბაიერნისა" და ბუნდესნაკრების ლეგენდამ, ფრანც ბეკენბაუერმა გააკეთა.

"ნამდვილად არ ვიცი "ბაიერნი" რამდენად გაუშვებს ფლიკს ნაკრებში. თუმცა, ჩემი აზრით გერმანიის მთავარ მწვრთნელად ლოთარ მათეუსი უნდა დაინიშნოს."

"მას მსოფლიო გამოცდილება აქვს და ვფიქრობ, რომ შეუძლია ამ სამუშაოს თავი გაართვას." - აცხადებს დერ კაიზერი.

მათეუსი 2001-11 წლებში რამდენიმე კლუბსა თუ ნაკრებში მუშაობდა. ის უკანასკნელად ბულგარეთის ეროვნულ გუნდს ედგა სათავეში, საიდანაც 2011 წელს წამოვიდა.
"ბაიერნის" რადარზე "რეალის" ვარსკვლავი გამოჩნდა
ესპანური გამოცემა Marca-ს ინფორმაციით, მიუნხენის "ბაიერნი" მადრიდის "რეალის" ვარსკვლავის, ფედე ვალვერდეს შეძენით არის დაინტერესებული.

ახალგაზრდა ნახევარმცველი "სამეფო კლუბის" ღირსებას 2018 წლიდან იცავს და მან საკმაოდ დიდი პროგრესი განიცადა ზინედინ ზიდანის დაბრუნების შემდეგ.

წყაროს ცნობით, "რეკორდმაისტერი" უკვე დიდი ხანია რაც ურუგვაელის ტრანსფერს გეგმავს. კლუბს ის მომავალში კიმიხთან ერთად ნახევარდაცვის ლიდერად ესახება.

ვალვერდეს ღირებულება ამჟამად Transfermarkt-ზე 70 მილიონ ევროდ არის შეფასებული.
ფლიკი: "ბუცების გამოცვლა ლევანდოვსკის სურვილი იყო"
მიუნხენის "ბაიერნის" მთავარმა მწვრთნელმა, ჰანს ფლიკმა "ვერდერის" დამარცხების შემდეგ პრესკონფერენცია ჩაატარა.

"დღეს მშვიდი და დამაჯერებელი გამარჯვება მოვიპოვეთ. მეტოქე თავიდანვე წნეხში გვყავდა მოქცეული და ამან შედეგი გამოიღო."

"კმაყოფილი ვარ იმით, რომ კუთხურებიდან შევძელით გოლების გატანა. მირო კლოზე და ტონი ტაპალოვიჩი ამ კომპონენტზე ბევრს მუშაობდნენ."

"რა თქმა უნდა არ არის სასიამოვნო თამაშის ბოლოს გოლის გაშვება, მაგრამ დაცვის ოთხეულმა და მთლიანად უკანა ხაზმა დღეს ძალიან კარგად ითამაშა."

"გერმანიის ნაკრები? მე "ბაიერნთან" კონტრაქტი 2023 წლამდე მაკავშირებს და სხვა არაფრის თქმას არ ვაპირებ."

"ლევანდოვსკი ვარჯიშებზე ხანდახან პუმას იცვამს, ხანდახან კი - ნაიკს. შეიძლება, მან შესვენების დროს იფიქრა, რომ გამოცვლა კარგი აზრი იქნებოდა. ეს მისი გადაწყვეტილება იყო და მხოლოდ მეორე ტაიმში შევამჩნიე."
კუისენსიმ შემოსვლიდან 6 წუთში ულამაზეს გოლი გაიტანა (ვიდეო)
საფრანგეთის ლიგა 1-ის 29-ე ტურში მარსელის "ოლიმპიკმა" საკუთარ კედლებში "ბრესტი" მიიღო და ანგარიშით 3:1 დაამარცხა.

მასპინძელთა მხრიდან გამარჯვებაში თავისი წვლილი შეიტანა "ბაიერნიდან" განათხოვრებულმა მაიკლ კუისენსიმ.

ახალგაზრდა ნახევარმცველი მინდორზე 85-ე წუთზე შემოვიდა, მსაჯის მიერ კომპენსირებულ დროში კი ულამაზესი დარტყმით საბოლოო ანგარიში დააფიქსირა.

კუისენსისთვის ეს ბოლო 2 შეხვედრაში უკვე ზედიზედ მეორე გოლია.

იხილეთ ვიდეო.

ლევანდოვსკის მოულოდნელი ქმედება - რა გააკეთა პოლონელმა შესვენებაზე (ფოტო)
მიუნხენის "ბაიერნმა" ბუნდესლიგის გასულ ტურში ბრემენის "ვერდერი" სტუმრად 1:3 დაამარცხა და მნიშვნელოვანი 3 ქულა ჩაიწერა.

მატჩის მიმდინარეობის დროს ერთი უჩვეულო მოვლენა დაფიქსირდა. კერძოდ, პირველი ტაიმის დასრულების შემდეგ რობერტ ლევანდოვსკიმ ბუცები გამოიცვალა და სრულიად სხვა ფირმის ბუცებით გამოვიდა მინდორზე.

თავდაპირველად პოლონელს ყვითელი ფერის "პუმას" ფირმის ბუცები ეცვა, მეორე ტაიმში კი მან უკვე წითელი "ნაიკი" აირჩია. უცნობია, რა გახდა ამ ცვლილების მიზეზი.

იხილეთ ფოტოები:

  • ბომბარდირები
  • ასისტენტები
  • ბარათები
რობერტ ლევანდოვსკი
1
რობერტ ლევანდოვსკი
გოლი: 40 5 35 0
სერჟ გნაბრი
2
თომას მიულერი
გოლი: 11 1 10 0
თომას მიულერი
3
სერჟ გნაბრი
გოლი: 9 0 911 0
ფილიპე კოუტინიო
4
თომას მიულერი
გოლი: 4 0 4 0
ლეონ გორეცკა
5
ლეონ გორეცკა
გოლი: 7 2 5 0
თომას მიულერი
1
თომას მიულერი
ასისტი: 17 2 15 0
სერჟ გნაბრი
2
იოზუა კიმიხი
ასისტი: 13 3 10 0
იოზუა კიმიხი
3
იოზუა კიმიხი
ასისტი: 4 0 4 0
ივან პერიშიჩი
4
ლეროი სანე
ასისტი: 2 0 2 0
ფილიპე კოუტინიო
5
სერჟ გნაბრი
ასისტი: 1 0 1 0
ჟერომ ბოატენგი
1
ჟერომ ბოატენგი
0 0 0 0 0
ხავი მარტინესი
2
ხავი მარტინესი
0 0 0 0 0
ტიაგო ალკანტარა
3
ტიაგო ალკანტარა
0 0 0 0 0
იოზუა კიმიხი
4
იოზუა კიმიხი
0 0 0 0 0
ბენჟამენ პავარი
5
ბენჟამენ პავარი
0 0 0 0 0
რეკლამა