"ლევერკუზენი" - "ბაიერნი" სავარაუდო შემადგენლობა
გერმანიის ბუნდესლიგის მე-13 ტურის ცენტრალურ შეხვედრაში მიუნხენის "ბაიერნი" ლევერკუზენის "ბაიერს" ესტუმრება.

გთავაზობთ "რეკორდმაისტერის" სავარაუდო თერთმეტეულს მნიშვნელოვან დაპირისპირებაში.

ნოიერი - პავარი, ბოატენგი, ალაბა, დეივისი - ტოლისო, მუსიალა - გნაბრი, მიულერი, კომანი - ლევანდოვსკი.
რატომ ვერ მოიგო ფლიკმა წლის საუკეთესო მწვრთნელის ჯილდო
FIFA-მ დაჯილდოების ცერემონიაზე სხვა გამარჯვებულებთან ერთად 2020 წლის საუკეთესო მწვრთნელიც გამოავლინა.

ბევრისთვის მოულოდნელად ხსენებული პრიზი არა ჰანს ფლიკს, არამედ "ლივერპულის" დამრიგებელ იურგენ კლოპს ერგო.

საინტერესოა, რომ ორივე კანდიდატმა ზუსტად თანაბარი რაოდენობის ქულა დააგროვა (24), თუმცა, უპირატესობა მაინც მერსისაიდელთა მწვრთნელს ერგო.

მიზეზი ერთია, თანაბარი ქულების დაგროვების შემთხვევაში უპირატესობა ენიჭებათ ეროვნული ნაკრებების მწვრთნელების ხმებს. ამ კომპონენტში კი უფრო მაღალი მაჩვენებელი სწორედ იურგენ კლოპს ჰქონდა.

ნახეთ, როგორ გადანაწილდა ქულები FIFA-ს გამოკითხვაში:
Coaches - ნაკრებების მწვრთნელები
Captains - ნაკრებების კაპიტნები
Media - ჟურნალისტები
Fans - ონლაინ გამოკითხვა
ვის მისცეს ხმა მსოფლიოს საუკეთესო ფეხბურთელებმა
FIFA-მ მსოფლიოს 2020 წლის საუკეთესო ფეხბურთელად რობერტ ლევანდოვსკი დაასახელა. გამოკითხვაში სხვებთან ერთად ეროვნული ნაკრების კაპიტნებიც იღებდნენ მონაწილეობას.

ალბათ საინტერესოა, ვის მისცეს ხმა მსოფლიოს წამყვანმა მოთამაშეებმა. გთავაზობთ რამდენიმე მათგანის არჩევანს:

მანუელ ნოიერი: 1. რობერტ ლევანდოვსკი 2. კევინ დე ბრუინი 3. ტიაგო ალკანტარა

ლეო მესი: 1. ნეიმარი 2. კილიან მბაპე 3. რობერტ ლევანდოვსკი

კრისტიანო რონალდუ: 1. რობერტ ლევანდოვსკი 2. ლეო მესი 3. კილიან მბაპე

რობერტ ლევანდოვსკი: 1. ტიაგო ალკანტარა 2. ნეიმარი 3. კევინ დე ბრუინი

ედენ აზარი: 1. რობერტ ლევანდოვსკი 2. სერხიო რამოსი 3. კევინ დე ბრუინი

ვირჯილ ვან დაიკი: 1. სადიო მანე 2. მუჰამედ სალაჰი 3. ტიაგო ალკანტარა
ვის მისცეს ხმა ქართველებმა FIFA-ს გამოკითხვაში
მოგეხსენებათ, დღეს FIFA-მ მსოფლიოს 2020 წლის საუკეთესოები დაასახელა. გამოკითხვაში მონაწილეობა მწვრთნელებმა, ნაკრებების კაპიტნებმა და ჟურნალისტებმა მიიღეს.

ალბათ საინტერესოა, თუ ვის მისცეს ხმები საქართველოს წარმომადგენლებმა. გთავაზობთ მათ არჩევანს.

ეროვნული გუნდის კაპიტანმა, ჯაბა კანკავამ საუკეთესო ფეხბურთელად რობერტ ლევანდოვსკი, საუკეთესო მწვრთნელად კი ჰანს ფლიკი დაასახელა. მის მსგავსად მოიქცა ზურაბ ხიზანიშვილიც, რომელიც საქართველოდან მწვრთნელის სახით იყო წარმოდგენილი.

კაპიტნის მეორე და მესამე არჩევანი ფეხბურთელებს შორის შესაბამისად მესი და რონალდუ გახლდათ. მწვრთნელებში იურგენ კლოპი და იულიენ ლოპეტეგი. რაც შეეხება ხიზანიშვილის, მან რონალდუ და რამოსი გაიყვანა სამეულში, მწვრთნელებში კი იურგენ კლოპი და ზინედინ ზიდანი.

რაც შეეხება მედიის წარმომადგენელს, ზურაბ ფოცხვერიას, მან პირველ ადგილზე მწვრთნელებს შორის ჰანს ფლიკი გაიყვანა, მეორე და მესამეზე იურგენ კლოპი და მარსელო ბიელსა. ფეხბურთელებს შორის კი პირველი კრისტიანო რონალდო. რობერტ ლევანდოვსკი მის არჩევანში მესამე ადგილზე გავიდა, დე ბრუინის შემდეგ.
ლევანდოვსკი: "რონალდუსა და მესის ეპოქაში ამ პრიზის მიღება რაღაც განსაკუთრებულია"
FIFA-ს მიერ მსოფლიოს საუკეთესო ფეხბურთელად დასახელების შემდეგ რობერტ ლევანდოვსკიმ პირველი კომენტარი გააკეთა.

"ძალიან ბედნიერი და ამაყი ვარ. დიდებული დღეა როგორც ჩემთვის, ასევე ჩემი თანაგუნდელებისთვისაც. ეს დიდებული შეგრძნებაა."

"მსოფლიოს საუკეთესო ფეხბურთელად დასახელება რონალდუსა და მესის ეპოქაში, ეს რაღაც განსაკუთრებულია."

"წელს ყველა შესაძლო ტიტული მოვიგეთ, მთავარი მიღწევა კი რა თქმა უნდა, ჩემპიონთა ლიგის მოგება იყო. ამ ყველაფერმა მასწავლა, რომ ყოველთვის გავყვე ოცნებებს და ერთხელაც აუცილებლად ამისრულდება."
FIFA-ს 2020 წლის საუკეთესო ფეხბურთელად ლევანდოვსკი დასახელდა
რამდენიმე წუთის წინ დასრულდა FIFA-ს 2020 წლის დაჯილდოების ცერემონია.

მსოფლიო ფეხბურთის მმართველმა ორგანომ გასული წლის საუკეთესო ფეხბურთელად მიუნხენის "ბაიერნის" ლიდერი, რობერტ ლევანდოვსკი დაასახელა.

პოლონელმა თავდამსხმელმა ლეო მესისა და კრისტიანო რონალდუს აჯობა და ისტორიაში პირველად მიიღო ხსენებული ჯილდო.
FIFA-ს წლის საუკეთესო თერთმეტეული ცნობილია
FIFA-მ 2020 წლის საუკეთესო თერთმეტეული დაასახელა.

შემადგენლობაში მიუნხენის "ბაიერნის" მხრიდან 4 ფეხბურთელი მოხვდა. ესენი არიან ალფონსო დეივისი, ტიაგო ალკანტარა, იოზუა კიმიხი და რობერტ ლევანდოვსკი.

სრული შემადგენლობა შემდეგნაირად გამოიყურება:

ალისონი - არნოლდი, ვან დაიკი, სერხიო რამოსი, ალფონსო დეივისი - კიმიხი, დე ბრუინი, ტიაგო ალკანტარა - მესი, ლევანდოვსკი, რონალდუ.
2020 წლის საუკეთესო მწვრთნელად იურგენ კლოპი დასახელდა
FIFA-ს 2020 წლის დაჯილდოების ცერემონიაზე საუკეთესო მთავარი მწვრთნელი გამოავლინეს.

ბევრისთვის მოულოდნელად ეს ჯილდო "ლივერპულის" დამრიგებელ იურგენ კლოპს ერგო.

კლოპმა ფინალურ ეტაპზე ჰანს ფლიკსა და მარსელო ბიელსას აჯობა.

ნოიერი: "ეს ჩემს კარიერაში საუკეთესო წელი იყო"
მანუელ ნოიერმა წლის საუკეთესო მეკარედ დასახელების შემდეგ პირველი კომენტარი გააკეთა.

"დიდი მადლობა ყველას, ეს ჩემს კარიერაში ერთ-ერთი საუკეთესო წელი იყო. საოცრებაა, რასაც მივაღწიეთ."

"განსაკუთრებით რთული იყო ზაფხული, როდესაც ჩვენ პორტუგალიაში ჩემპიონთა ლიგაზე ვთამაშობდით. თუმცა, წარმატებას მივაღწიეთ."

"ფანების გარეშე თამაში ძალიან რთული იყო, განსაკუთრებით მეკარეებისთვის, რომლებსაც ისინი გვეხმარებიან. თუმცა, ვფიქრობ თავი გავართვით ამ საქმეს."

"როდესაც გულშემატკივრები არ არიან მინდორზე უფრო მარტივია ფეხბურთელებთან კომუნიკაცია. მაგალითად, შემიძლია წინ ლევანდოვსკისაც კი დავუძახო და მივცე მითითებები. თუმცა, საბოლოო ჯამში ფანების გარეშე თამაში გაცილებით რთულია და იმედია, მალე დაბრუნდებიან ისინი სტადიონზე." - აცხადებს მანუ.
FIFA-ს წლის საუკეთესო მეკარედ ნოიერი დასახელდა
ამ წუთებში FIFA-ს 2020 წლის დაჯილდოების ცერემონია მიმდინარეობს.

მსოფლიო ფეხბურთის მმართველმა ორგანომ უკვე გამოავლინა წლის საუკეთესო მეკარე და ეს პრიზი მანუელ ნოიერს ერგო.

"ბაიერნის" კაპიტანმა ფინალურ ეტაპზე ალისონ ბეკერსა და იან ობლაკს აჯობა.
FIFA-ს 2020 წლის დაჯილდოება ცერემონია - პირდაპირი ტრანსლიაცია
თბილისის დროით 22:00 საათზე FIFA-ს დაჯილდოების ცერემონია გაიმართება, სადაც 2020 წლის საუკეთესოებს გამოავლენენ.

ცერემონიის ხილვა ამ ლინკის საშუალებით შეგიძლიათ:

ლინკი 1​​​
ნოიერმა მიულერის რეკორდი გააუმჯობესა და ახალი ისტორია დაწერა
გერმანიის ბუნდესლიგის მე-12 ტურში მიუნხენის "ბაიერნმა" "ვოლფსბურგს" უმასპინძლა და ანგარიშით 2:1 დაამარცხა.

მატჩში სრული, 90 წუთი გაატარა მინდორზე გუნდის კაპიტანმა, მანუელ ნოიერმა, რომელმაც არაერთი ბრწყინვალე სეივიც განახორციელა.

აღსანიშნავია, რომ მანუმ ამ გამარჯვების წყალობით ახალი რეკორდი დაამყარა და "ბაიერნის" ისტორიაში კიდევ ერთხელ ჩაეწერა.

კერძოდ, ნოიერისთვის ეს რიგით მე-200 მოგება გახლავთ ბუნდესლიგაში, "რეკორდმაისტერის" მაისურით. მას ამ შედეგისთვის მხოლოდ 261 მატჩი დასჭირდა რაც საუკეთესოა კლუბის ისტორიაში.

აქამდე რეკორდი თომას მიულერს ეკუთვნოდა, რომელმაც 200 გამარჯვების მოსაპოვებლად 275 თამაშის ჩატარება მოუწია.
რუმენიგე: "მბაპეს ტრანსფერი? ნასერ ალ ხელაიფი ჩემი კარგი მეგობარია და არ ვაპირებ ამ თემით შევაწუხო"
მიუნხენის "ბაიერნის" დირექტორთა საბჭოს წევრმა, კარლ ჰაინც რუმენიგემ განაცხადა, რომ კილიან მბაპე გერმანულ კლუბში არასდროს გადმოვა.

"სამწუხაროდ ამაზე ფიქრიც კი შეუძლებელია. მე ძალიან მომწონს კილიანი და თამაშის სტილი, თუმცა, მისი ხილვა მიუნხენში წარმოუდგენელია."

"თანაც, ის თავს კარგად გრძნობს იქ, სადაც არის. ნასერ ალ ხელაიფი ჩემი კარგი მეგობარია და არ ვაპირებ ამ თემით შევაწუხო." - აცხადებს რუმენიგე.
წარმოუდგენელი სეივი ნოიერისგან - მანუმ გუნდს 3 ქულა მოუტანა (ვიდეო)
მიუნხენის "ბაიერნისა" და "ვოლფსბურგის" შეხვედრის ბოლო წუთებში სტუმრებს ბრწყინვალე შანსი შეექმნათ, თუმცა, მანუელ ნოიერმა გუნდს ქულები გადაურჩინა.

იხილეთ ვიდეო.


"ბაიერნი" 2:1 "ვოლფსბურგი" ფეხბურთელების შეფასებები
გერმანიის ბუნდესლიგის მე-12 ტურის შეხვედრაში მიუნხენის "ბაიერნმა" "ვოლფსბურგს" უმასპინძლა და 2:1 დაამარცხა.

"რეკორდმაისტერის" მხრიდან დუბლის გაფორმება რობერტ ლევანდოვსკიმ მოახერხა.

იხილეთ ფეხბურთელების შეფასებები გამოცემა Whoscored-ის ვერსიით.


გოოოლ! კომანის გადაცემა ლევანდოვსკიმ დააგვირგვინა (ვიდეო)
"ბაიერნისა" და "ვოლფსბურგის" შეხვედრის პირველი ტაიმის ბოლოს რობერტ ლევანდოვსკიმ ანგარიში გაათანაბრა.

იხილეთ ვიდეო.
  • ბომბარდირები
  • ასისტენტები
  • ბარათები
რობერტ ლევანდოვსკი
1
რობერტ ლევანდოვსკი
გოლი: 15 3 15 0
სერჟ გნაბრი
2
სერჟ გნაბრი
გოლი: 4 0 4 0
თომას მიულერი
3
თომას მიულერი
გოლი: 4 0 4 0
ფილიპე კოუტინიო
4
თომას მიულერი
გოლი: 4 0 4 0
ლეონ გორეცკა
5
ლეონ გორეცკა
გოლი: 3 2 1 0
თომას მიულერი
1
თომას მიულერი
ასისტი: 4 0 4 0
სერჟ გნაბრი
2
რობერტ ლევანდოვსკი
ასისტი: 3 0 3 0
იოზუა კიმიხი
3
იოზუა კიმიხი
ასისტი: 4 0 4 0
ივან პერიშიჩი
4
ლეროი სანე
ასისტი: 2 0 2 0
ფილიპე კოუტინიო
5
სერჟ გნაბრი
ასისტი: 1 0 1 0
ჟერომ ბოატენგი
1
ჟერომ ბოატენგი
0 0 0 0 0
ხავი მარტინესი
2
ხავი მარტინესი
0 0 0 0 0
ტიაგო ალკანტარა
3
ტიაგო ალკანტარა
0 0 0 0 0
იოზუა კიმიხი
4
იოზუა კიმიხი
0 0 0 0 0
ბენჟამენ პავარი
5
ბენჟამენ პავარი
0 0 0 0 0
რეკლამა