ფლიკის პირველი კომენტარი "უნიონთან" მატჩის შემდეგ
მიუნხენის "ბაიერნის" მთავარმა მწვრთნელმა, ჰანს ფლიკმა "უნიონთან" ფრედ დასრულებული მატჩის შემდეგ პრესასთან ისაუბრა.

"სამწუხაროა, რომ მატჩის ბოლო წუთებში გოლი გავუშვით. უფრო სამართლიანი იქნებოდა 1:0 მოგვეგო. ახალგაზრდებმა კარგი მატჩი ჩაატარეს."

"ტიაგო ძალიან კარგად გამოიყურებოდა ბურთთან ერთად. სტანისიჩი კი საკმაოდ თავდაჯერებული იყო. საერთო ჯამში, მათი გამოსვლით კმაყოფილი ვარ."

"ლეონის შემთხვევაში საქმე კუნთის ტრავმასთან გვაქვს და გარისკვა არ შეიძლება. რაც შეეხება ლუკასს, არ გამოვრიცხავ სამშაბათს ითამაშოს."

"პსჟსთან შეხვედრამდე ჯერ კიდევ დრო არის დარჩენილი, რომელსაც მოსამზადებლად გამოვიყენებთ. დაკარგული არაფერია, ყველაფერს გავაკეთებთ წარმატების მისაღწევად." - აცხადებს ფლიკი.
ოფიციალურად: "პსჟს" ტრავმის გამო ლიდერი გამოაკლდა
მიუნხენის "ბაიერნისა" და "პსჟს" პირველი 1/4 ფინალური ეტაპის მატჩის დროს მარკინიოსმა ტრავმა მიიღო, რის გამოც მინდორი ნაადრევად დატოვა.

ფრანგულმა გამოცემა L'equipe-მ ოფიციალურად დაადასტურა, რომ ბრაზილიელი მცველის დაზიანება სერიოზულია და ის "ბაიერნთან" განმეორებით მატჩში მონაწილეობას არ მიიღებს.

წყაროს ცნობით, მარკინიოსს დაახლოებით 3 კვირის გამოტოვება მოუწევს და სწორედ ამის შემდეგ დაუბრუნდება მინდორს.

შეგახსენებთ, რომ განმეორებითი მატჩი სამშაბათს, 13 აპრილს, თბილისის დროით 23:00 საათზე გაიმართება.
"ბაიერნი" 1:1 "უნიონი" ფეხბურთელების შეფასებები
გერმანიის ბუნდესლიგის 28-ე ტურში მიუნხენის "ბაიერნმა" ბერლინის "უნიონს" უმასპინძლა და დაუზავდა - 1:1.

ანგარიში 68-ე წუთზე ჯამალ მუსიალამ გახსნა, რასაც თამაშის ბოლოს სტუმართა გამათანაბრებელი გოლი მოჰყვა.

გთავაზობთ ფეხბურთელების შეფასებებს გამოცემა Whoscored-ის ვერსიით.

"ბაიერნი" - "უნიონი" სასტარტო შემადგენლობა
გერმანიის ბუნდესლიგის 28-ე ტურში მიუნხენის "ბაიერნი" ბერლინის "უნიონს" მასპინძლობს.

მატჩის დაწყებამდე მცირე ხნით ადრე ჰანს ფლიკმა სასტარტო შემადგენლობა დაასახელა.

ნოიერი - სარი, ბოატენგი, მარტინესი, სტანისიჩი - კიმიხი, დანტასი - კომანი, მიულერი, მუსიალა - ჩუპო მოტინგი.
"რეალის" რადარზე "ბაიერნის" ლიდერი გამოჩნდა
ესპანური გამოცემა Defensa Central-ის ინფორმაციით, მადრიდის "რეალის" პრეზიდენტი, ფლორენტინო პერესი ახალი "გალაქტიკოს" შენებას იწყებს, რომლის შემადგენლობაშიც "ბაიერნის" ლიდერსაც განიხილავს.

წყაროს ცნობით, "სამეფო კლუბის" რადარზე ამჯერად იოზუა კიმიხი გამოჩნდა, რომელსაც კონტრაქტი 2023 წელს ეწურება.

როგორც ცნობილია, მადრიდელები ახალგაზრდა ნახევარმცველის შეძენას 2022 წლისთვის აპირებენ, როდესაც "სანტიაგო ბერნაბეუს" განახლებითი სამუშაოები საბოლოოდ დასრულდება.

თავის მხრივ, "ბაიერნში" კიმიხს ნოიერს შემდგომ კაპიტნად მოიხსენიებენ და ძნელი სავარაუდოა, რომ კლუბი მას იოლად შეელიოს.
ნასერ ალ-ხელაიფი: "დანაკლისის მიუხედავად "ბაიერნი" დავამარცხეთ"
"პსჟს" პრეზიდენტმა, ნასერ ალ-ხელაიფმა მიუნხენის "ბაიერნთან" გასვლაზე მოგების  შემდეგ განაცხადა, რომ "ეს იყო კლუბის ისტორიაში მნიშვნელოვანი გამარჯვება".

"ჩვენ გავიმარჯვეთ იქ, მიუნხენში, ანგარიშით 2-3, მიუხედავად რამდენიმე მნიშვნელოვანი დანაკლისისა."

"ამ მოგებით ძალიან დიდი ნაბიჯი გადავდგით ნახევარფინალისკენ, მაგრამ ეს ჯერ არ არის დასასრული, წინ განმეორებითი მატჩია, რომელსაც სახლში, პარკ დე ფრანსზე გავმართავთ შემდეგ კვირაში."

"გვინდა, რომ მოვიგოთ ის მატჩიც, ეს ძალიან მნიშვნელოვანია ჩვენთის." - აცხადებს "პსჟს" პრეზიდენტი.
მბაპე: "პოჩეტინომ "ბაიერნთან" მატჩისთვის ეს დავალება მოგვცა"
"პარისსენჟერმენის" 22 წლის ფეხბურთელმა, კილიან მბაპემ "ბაიერნთან" გამართულ შეხვედრაზე ისაუბრა.

"პოჩეტინოს უნდოდა, რომ მე და ნეიმარს ბაიერნის ნახევარი კიმიხის გავლით გადაგვეკვეთა. მან ასევე მითხრა, რომ მომეძებნა თავისუფალი სივრცეები და სწორედ ამის საშუალებით გამიადვილდებოდა დაცვის ხაზის გარღვევა."

"ეს იყო მისი სათამაშო გეგმა. მე მივიღე ეს გამოწვევა და ვფიქრობ მწვრთნელის დავალებები  კარგადაც შევასრულე."

შეგახსენეთ პირველ მატჩში პარიზელებმა გასვლაზე იმარჯვეს ანგარიშით 2-3, ხოლო განმეორებითი დაპირისპირება 13 აპრილს პარიზში გაიმართება.


"ბაიერნი" - "უნიონი" სავარაუდო თერთმეტეული
გერმანიის ბუნდესლიგის 28-ე ტურში მიუნხენის "ბაიერნი" დედაქალაქურ "უნიონს" უმასპინძლებს.

გთავაზობთ "რეკორდმაისტერის" სავარაუდო შემადგენლობას მომავალი შეხვედრისთვის.

ნოიერი - სარი, ბოატენგი, მარტინესი, ალაბა - კიმიხი, დანტასი - კომანი, მიულერი, მუსიალა - ჩუპო მოტინგი.
ჩემპიონთა ლიგის კვირის საუკეთესო თერთმეტეული ცნობილია
ჩემპიონთა ლიგის 1/4 ფინალური ეტაპის პირველ მატჩში მიუნხენის "ბაიერნმა" საკუთარ კედლებში "პსჟ" მიიღო და 2:3 დამარცხდა.

წაგების მიუხედავად "რეკორდმაისტერის" რამდენიმე მოთამაშეს მართლაც კარგი შეხვედრა გამოუვიდა და ეს სტატისტიკაშიც აისახა.

სტატისტიკურმა გამოცემა Whoscored-მა ჩემპიონთა ლიგის პირველი წრის სიმბოლური ნაკრები დაასახელა, სადაც "ბაიერნის" 3 ფეხბურთელი მოხვდა.

სრული თერთმეტეული შემდეგნაირად გამოიყურება:

"ბაიერნი" "უნიონს" დიდი დანაკლისით უმასპინძლებს
გერმანიის ბუნდესლიგის 28-ე ტურში მიუნხენის "ბაიერნი" საკუთარ კედლებში ბერლინის "უნიონს" მიიღებს.

"რეკორდმაისტერი" აღნიშნულ მატჩს შესუსტებული შემადგენლობით ხვდება. ჰანს ფლიკს სხვადასხვა მიზეზით არაერთი მნიშვნელოვანი მოთამაშე აკლია.

ტრავმების გამო ხვალინდელ თამაშში მონაწილეობას ვერ მიიღებენ ნიკლას ზულე, ლეონ გორეცკა, რობერტ ლევანდოვსკი, დუგლას კოშტა, ლუკას ერნანდესი და კორენტინ ტოლისო. Covid 19-ის გამო სერჟ გნაბრი.

ალფონსო დეივისი დისკვალიფიკაციის გამო ვერ დაეხმარება გუნდს. რაც შეეხებათ ბენჟამინ პავარსა და ლეროი სანეს, მათ პარასკევის ვარჯიში გამოტოვეს და საეჭვოა, ითამაშებენ თუ არა "უნიონის" წინააღმდეგ.
"ბარსელონა" და "ტოტენჰემი" "ბაიერნის" ფეხბურთელის დამატებაზე მუშაობენ
რამდენიმე დღის წინ მიუნხენის "ბაიერნის" წარმომადგენლებმა ოფიციალურად დაადასტურეს, რომ სეზონის დასრულების შემდეგ ჟერომ ბოატენგი კლუბს დატოვებს.

ევროპული გამოცემების ინფორმაციით, ვეტერანი მცველის დამატებით უკვე არაერთი ევროპული გრანდი დაინტერესდა.

წყაროს ცნობით, 32 წლის ფეხბურთელის გადაბირება კატალონიის "ბარსელონასა" და ლონდონის "ტოტენჰემს" სურთ.

"ბლაუგრანა" დიდი ხანია რაც ახალ ცენტრალურ მცველს ეძებს და კლუბი აქტიურად განიხილავს ბოატენგის თავისუფალი აგენის სტატუსით დამატების შესაძლებლობას.
ფლიკი: "სწორედ ეს განგვასხვავებს სხვა კლუბებისგან"
"ბაიერნის" მთავარმა მწვრთნელმა ჰანს ფლიკმა "პარისსენჟერმენთან" მარცხის შემდეგ პირველი კომენტარი გააკეთა.

"მეტოქემ იმ მცირე შანსებიდან, რომლებიც მათ ჰქონდათ სამი გოლი გაგვიტანა, ჩვენ კი უამრავი საგოლე  მომენტი გვქონდა".

"ნოიერის შეცდომა პირველ გოლზე? მან არაერთხელ იხსნა ჩვენი გუნდი. მანუ მსოფლიოში საუკეთესოა."

"დღეს შეიძლებოდა ტაბლოზე კარგი ანგარიში დაგვეფიქსირებინა, მაგრამ არ ვიყავით ისეთი ეფექტურები, როგორიც წინა მატჩებში. თუმცა მე კმაყოფილი ვარ იმ თამაშით, რომელიც ვითამაშეთ".

"ეს გუნდი 90 წუთის განმავლობაში იბრძვის მოედანზე, ეს ის ხარისხია, რაც განგვასხვავებს სხვებისგან. ჩვენ სულ უფრო და უფრო გვემატება საკადრო პრობლემები, მაგრამ ამას მაქსიმალურად  სასიკეთოდ ვიყენებთ. ახლა დროა ენერგია მოვიკრიბოთ და განმეორებით მატჩზე ვიფიქროთ." - განაცხადა ფლიკმა.


მძიმე დარტყმა - "ბაიერნს" ტრავმის გამო კიდევ 2 ფეხბურთელი გამოაკლდა
მიუნხენის "ბაიერნმა" ჩემპიონთა ლიგის პირველ 1/4 ფინალურ თამაშში "პსჟ" მიიღო და ანგარიშით 2:3 დამარცხდა.

გარდა წაგებისა, ეს მატჩი კიდევ ერთი ფაქტით იყო უსიამოვნო. მიუნხენელებს 2 მნიშვნელოვანი ფეხბურთელი გამოაკლდათ. ესენი არიან ნიკლას ზულე და ლეონ გორეცკა.

ორივე მათგანი პირველი ტაიმის მიმდინარეობის დროს ჰანს ფლიკმა შეცვალა და როგორც აღმოჩნდა, მიზეზი კუნთის ტრავმაა.

აღნიშნული ინფორმაცია მთავარმა მწვრთნელმა პრესკონფერენციის დროს დაადასტურა. უცნობია, როდის დაუბრუნდებიან ფეხბურთელები გუნდს.

შეგახსენებთ, რომ "ბაიერნს" პირველი მატჩის მსგავსად განმეორებით თამაშში რობერტ ლევანდოვსკი და სერჟ გნაბრი არ ეყოლება.
პოჩეტინო: "განმეორებით მატჩშიც ასეთივე კარგი თამაშის ჩვენება მოგვიწევს"
"პსჟს" მთავარმა მწვრთნელმა, მაურისიო პოჩეტინომ "ბაიერნთან" 2:3 მოგებული მატჩის შემდეგ პრესასთან ისაუბრა.

"ბედნიერი ვარ შედეგით და ჩემი გუნდით, რომელმაც რთულ სიტუაციაში ხასიათი გამოავლინა რთულ სიტუაციაში, ევროპის საუკეთესო კლუბის წინააღმდეგ."

"მსურს მივულოცო ჩემს ფეხბურთელებს წარმატებული გამოსვლა და იმედი მაქვს, მსგავსი თამაშის გამეორებას მოვახერხებთ."

"შედეგი ძალიან კარგია, მაგრამ მოდუნება არ შეიძლება. განმეორებითი მატჩი გველოდება წინ, რომელიც ასევე ურთულესი იქნება." - აცხადებს პოჩეტინო.
მიულერი: "დღევანდელ შეხვედრაში ეს დაგვაკლდა"
მიუნხენის "ბაიერნის" ლიდერმა, თომას მიულერმა "პსჟსთან" განცდილი მარცხის შემდეგ პირველი კომენტარი გააკეთა.

"უფრო მეტი გოლი უნდა გაგვეტანა. შეგვიძლია ვისაუბროთ გაშვებულ გოლებზე, მაგრამ თუ თამაში 5-3 ან 6-3 დასრულდებოდა, ამაზე საფიქრალი არ იქნებოდა."

"დღევანდელ მატჩში მკვლელის ინსტიქტი დაგვაკლდა, რომელსაც ხშირად ვაჩვენებთ ხოლმე სხვა თამაშებში." - აცხადებს მიულერი.
ნავასმა "ბაიერნის" წინააღმდეგ ისტორიული შეხვედრა ჩაატარა
ჩემპიონთა ლიგის მეოთხედფინალურ თამაშში "პარისსენჟერმენმა" მიუნხენურ გრანდს გასვლაზე ანგარიშით 2:3 სძლია.

შეხვედრაში პარიზელთა მეკარემ, კეილორ ნავასმა, ისტორიული შედეგი დააფიქსირა. მართალია კოსტა-რიკელმა კიპერმა 2 გოლი გაუშვა, მაგრამ 10 ჯერ მოახერხა მეტოქის დარტყმის მოგერიება.

ამ სტატისტიკის ათვლა 2003 წელს დაიწყო. ასეთი შედეგი კი 1/4 ფინალებში სწორედ მის დღევანდელ ვიზავს, მანუელ ნოიერს, ჰქონდა 2016-17 წლების ჩემპიონთა ლიგის სეზონში მადრიდის "რეალის" წინააღმდეგ.

შეგახსენებთ ამ გუნდებს შორის განმეორებითი შეხვედრა 13 აპრილს პარიზში გაიმართება.
  • ბომბარდირები
  • ასისტენტები
  • ბარათები
რობერტ ლევანდოვსკი
1
რობერტ ლევანდოვსკი
გოლი: 40 5 35 0
სერჟ გნაბრი
2
თომას მიულერი
გოლი: 11 1 10 0
თომას მიულერი
3
სერჟ გნაბრი
გოლი: 9 0 911 0
ფილიპე კოუტინიო
4
თომას მიულერი
გოლი: 4 0 4 0
ლეონ გორეცკა
5
ლეონ გორეცკა
გოლი: 7 2 5 0
თომას მიულერი
1
თომას მიულერი
ასისტი: 17 2 15 0
სერჟ გნაბრი
2
იოზუა კიმიხი
ასისტი: 13 3 10 0
იოზუა კიმიხი
3
იოზუა კიმიხი
ასისტი: 4 0 4 0
ივან პერიშიჩი
4
ლეროი სანე
ასისტი: 2 0 2 0
ფილიპე კოუტინიო
5
სერჟ გნაბრი
ასისტი: 1 0 1 0
ჟერომ ბოატენგი
1
ჟერომ ბოატენგი
0 0 0 0 0
ხავი მარტინესი
2
ხავი მარტინესი
0 0 0 0 0
ტიაგო ალკანტარა
3
ტიაგო ალკანტარა
0 0 0 0 0
იოზუა კიმიხი
4
იოზუა კიმიხი
0 0 0 0 0
ბენჟამენ პავარი
5
ბენჟამენ პავარი
0 0 0 0 0
რეკლამა