"ბაიერნს" ხვალინდელ მატჩში რამდენიმე საკვანძო მოთამაშე დააკლდება
ხვალინდელი მატჩისთვის მიუნხენის "ბაიერნს" რამდენიმე მოთამაშე დააკლდება.

გუნდს ვერ დაეხმარებიან:
  • ალფონსო დეივისი – (ტრავმის გამო)
  • ჰიროკი იტო – (ტრავმის გამო)
  • დანიელ პერეცი – (ტრავმის გამო)
კითხვის ნიშნის ქვეშ არიან:
  • ლეროი სანე – (მცირე დაზიანება, თამაშის წინ გაირკვევა მისი მდგომარეობა)
  • სერჟ გნაბრი – (ფიზიკური მდგომარეობა ჯერ კიდევ ბოლომდე არ არის ნათელი)
"ბაიერნისთვის" ეს გარკვეული პრობლემაა, განსაკუთრებით დეივისის არყოფნა, რადგან კანადელი მცველი გუნდის შეტევით თამაშშიც დიდ როლს ასრულებს. 

ასევე, თუ სანე და გნაბრიც ვერ შეძლებენ თამაშს, შეტევითი პოტენციალი მნიშვნელოვნად შემცირდება. თუმცა, გუნდს კვლავ ჰყავს მაღალი დონის ფეხბურთელები, რომლებიც ამ დანაკლისის შევსებას შეეცდებიან.
პატრიკ ვიმერი: "ბაიერნი იდეალური სცენარი იქნებოდა. ეს მსოფლიო დონის კლუბია"
ვოლფსბურგის და ავსტრიის შემტევი, პატრიკ ვიმერი ამბობს, რომ მისი ოცნება "ბაიერნში" თამაშია:

"მზად ვარ შემდეგი ნაბიჯისთვის. დიდ ევროპულ კლუბში გადასვლა ოცნება იქნებოდა, მაგრამ ეს ჯერ შორსაა.

პირველ რიგში, ვოლფსბურგში უნდა გამოვავლინო ჩემი საუკეთესო თამაში და მერე ვნახოთ.

მიუნხენის ბაიერნი იდეალური სცენარი იქნებოდა. ეს მსოფლიო დონის კლუბია, რომელიც ზალცბურგთან ძალიან ახლოსაა. მაგრამ ზოგადად, ყველა ვარიანტისთვის ღია ვარ."
"ჩვენ ადამიანები ვართ, სრულყოფილები ვერ ვიქნებით" - კომპანი დაცვით პრობლემებზე
კომპანის ჰკითხეს ბოლო დროს დაცვით პრობლემებზე:

"კილთან 4:0-ს ვიგებთ, სხვა თამაშებში კი ყველაფერი ძალიან დაძაბულია ხოლმე. მე გამიმართლა, რომ ინგლისში 100-ქულიანი სეზონის ნაწილი ვიყავი, როგორც ფეხბურთელი. ყოველთვის უნდა გვახსოვდეს, რომ მთელი სეზონი მნიშვნელოვანია – ყველა ეტაპი, ყველა მომენტი.

მხოლოდ ასე შეიძლება მაქსიმალური წარმატების მიღწევა. მაგრამ ჩვენ ადამიანები ვართ, სრულყოფილები ვერ ვიქნებით. ყოველთვის უნდა ვეცადოთ, გავაუმჯობესოთ ის, რაც კარგად არ გამოგვდის.

ყველა გერმანულმა გუნდმა ჩვენზე მეტი გოლი გაუშვა. მაგრამ ეს არ არის გამართლება. ბოლო დროს ბევრი გოლი გავუშვით. სრულყოფილების მიღწევა რთულია, მაგრამ ეს ჩვენი მიზანია. გვქონდა პერიოდიც, როდესაც შვიდი მატჩი კარი მშრალად შევინახეთ. საჭიროა სიმშვიდე გუნდში და რწმენა, რომ ამის გაკეთება შეგვიძლია."
"ბუნდესლიგაში მარტივი თამაშები არ არსებობს" - კომპანი პრესკონფერენციაზე
ვენსან კომპანი, როდესაც ჰკითხეს, ხედავს თუ არა "ვერდერთან" მატჩს "სელტიკთან" მოსამზადებელ შეხვედრად:

„სტრუქტურის თვალსაზრისით, ისინი განსხვავდებიან. ახლა მხოლოდ ‘ბრემენზე’ ვართ კონცენტრირებულნი.

ხვალ მხოლოდ ერთი მატჩის მოგება შეგვიძლია – ‘ბრემენთან’ და არა ‘სელტიკთან’.

ეს არის ჩვენი აბსოლუტური პრიორიტეტი. ‘ბრემენი’ გასვლით მატჩებში ძალიან კარგად თამაშობს. ბუნდესლიგაში მარტივი თამაშები არ არსებობს.“
"ბაიერნი" და მუსიალას გარემოცვა ახალი კონტრაქტის შეთანხმებასთან ახლოს არიან
„ბაიერნის“ და ჯამალ მუსიალას წარმომადგენლები ახალი კონტრაქტის სრულ შეთანხმებასთან ძალიან ახლოს არიან. ალფონსო დეივისის შემდეგ, სწორედ მუსიალა იქნება შემდეგი, ვინც მიუნხენურ კლუბთან კონტრაქტს გაახანგრძლივებს.

მიუხედავად იმისა, რომ მხარეები შეთანხმებასთან ძალიან ახლოს არიან, გარკვეული იურიდიული დეტალების დაზუსტებაა საჭირო, რის გამოც ხელმოწერა ამ კვირაში არ შედგება.

21 წლის ფეხბურთელისთვის ერთ-ერთი მნიშვნელოვანი ფაქტორია იმ მეგობრებთან ერთად თამაში, როგორიცაა ალფონსო დეივისი და ლეროი სანე.
რა ნიშნავს "Mia San Mia"? - პავლოვიჩისა და მიულერის ახსნა
რა ნიშნავს „Mia San Mia“ შენთვის?

პავლოვიჩი: „ჩემთვის ‘Mia san mia’ ნიშნავს ერთობას, ოჯახს, ერთად დგომას როგორც კარგ, ისე რთულ პერიოდებში. ეს არის ის, რასაც ბავშვობიდანვე გვასწავლიან აქ – რომ ყოველთვის ერთად უნდა ვიყოთ.“

მიულერი: „ჩემთვის ‘Mia san mia’ ბავარიული ტერმინია. ასე ავხსნიდი მას: ის გამოხატავს ძლიერ რწმენას საკუთარ ძალებში, ჩამოყალიბებულ ერთიანობასა და იმ ღრმა, შინაგან დარწმუნებულობას, რომ ერთად ყველაფრის მიღწევა შესაძლებელია. ‘ბაიერნისთვის’ ეს ფილოსოფია წარმატების ერთ-ერთი ქვაკუთხედია, რომელიც ფრანც ბეკენბაუერის, ული ჰიონესის, გერდ მიულერისა და ზეპ მაიერის თაობამ დაამკვიდრა.
რა ხდის კლუბს ასე განსაკუთრებულს? - მიულერის პასუხი
რა ხდის კლუბს ასე განსაკუთრებულს?

მიულერი: „საიდან იწყებ? სად ამთავრებ? ვფიქრობ, რომ კლუბში განსაკუთრებული იდენტობაა. ის, რა თქმა უნდა, არ იყო ასე მტკიცედ ჩამოყალიბებული დაახლოებით 1900 წელს, მაგრამ ათწლეულების განმავლობაში ისეთი რამ განვითარდა, რასაც ამ ფორმით სხვაგან ვერ ნახავთ.

წარმატების ისტორია, რა თქმა უნდა, დაიწყო იმით, რომ ბაიერნმა ძალიან სწრაფად დაიმკვიდრა თავი 1965 წელს დაწინაურების შემდეგ, როგორც შიდა, ასევე საერთაშორისო დონეზე. იმ დროს შესაძლებელი იყო ახალგაზრდა მოთამაშეების ბირთვის შენარჩუნება, მათ შორის ბევრი მიუნხენი და ბავარიელი, ჯგუფი ფრანც ბეკენბაუერის, მაიერის და გერდ მიულერის გარშემო.

შემდეგ მოვიდა ული ჰიოენესი. ჩვენ არ უნდა დავივიწყოთ ლეგენდები - ისინი ყველა ხატებად იქცნენ, მაშინ რაღაც გაიზარდა, რაც დღესაც ბაიერნის საფუძველია.”
კეინის კონტრაქტში ჩაწერილი გამოსასყიდი პუნქტის ვადა ამოიწურა - ცნობილია დეტალები
მოლაპარაკებების დროს "ბაიერნში" გადასვლის შესახებ 2023 წლის ზაფხულში, ჰარი კეინის კონტრაქტში ჩაწერილი იყო გამოსასყიდი თანხის პირობა. თავდამსხმელს სურდა ეს პუნქტი იმ შემთხვევაში, თუ მას ინგლისში დაბრუნება მოუნდებოდა, სადაც პრემიერ ლიგის ყველა დროის საუკეთესო ბომბარდირის რეკორდის მოხსნა მისთვის მომხიბვლელი ამოცანაა.

თუმცა, 2025 წლის ზაფხულში შესაძლო ტრანსფერის თვალსაზრისით, ეს გამოსასყიდი პუნქტი უკვე გაუქმდა. მისი ამოქმედების ბოლო ვადა იანვარში ამოიწურა – მისი ღირებულება დაახლოებით 80 მილიონი ევრო იყო.

რაც შეეხება 2026 წლის ზაფხულს, ეს პუნქტი ისევ ძალაში შევა 2026 წლის იანვარში და მისი ღირებულება დაახლოებით 65 მილიონი ევრო იქნება (კეინის კონტრაქტი 2027 წლის ზაფხულამდე გრძელდება).

„ბაიერნს“ არ სურდა კომენტარის გაკეთება, როდესაც ამ საკითხზე Bild-მა ჰკითხა.
კეინს მიმდინარე სეზონში ერთხელაც არ უფიქრია გამოსასყიდი პუნქტის გამოყენებაზე. მას მიუნხენში როგორც საფეხბურთო, ასევე პირადი ცხოვრების მხრივ, ოჯახთან ერთად, ბედნიერი ცხოვრება აქვს.

ამ პუნქტის შეთანხმებაში მაქს ებერლი და კრისტოფ ფროინდი ჩართულები არ იყვნენ. მოლაპარაკებები იან-კრისტიან დრეზენმა აწარმოა და იგი იმ დროისთვის კომიტეტმა დაამტკიცა, რომელშიც ჰაინერი, ჰიონესი და რუმენიგე შედიოდნენ. მაშინ კეინის ეს სურვილი ყველა მხარის მიერ „სამართლიანად“ ჩაითვალა.
გერმანიაში ზამთრის სატრანსფერო ფანჯარა დაიხურა - "ბაიერნის" გარიგებები
მოგეხსენებათ, გერმანიაში ზამთრის სატრანსფერო ფანჯარა უკვე დაიხურა.

"ბაიერნის" გარიგებები:

იონას ურბიგი – €7 მილიონი
ტომ ბიშოფი – (უფასო გადასვლა)
გაბრიელ ვიდოვიჩი – დაბრუნება იჯარიდან
ფრანს კრაციგი – დროებითი გასვლით (იჯარით)
ადამ აზნუ – დროებითი გასვლით (იჯარით)
არიონ იბრაჰიმოვიჩი – დროებითი გასვლით (იჯარით)
მატის ტელი – დროებითი გასვლით (იჯარით)
ტაიჩი ფუკუი – გადასახადად €1 მილიონი
ოფიციალურად: დეივისმა "ბაიერნთან" კონტრაქტი 2030 წლამდე გაახანგრძლივა
ოფიციალურად: ალფონსო დეივისმა ბაიერნთან კონტრაქტი 2030 წლამდე გაახანგრძლივა.

დეივისის კომენტარი: „ძალიან ბედნიერი ვარ, რომ გავახანგრძლივე კონტრაქტი ამ შესანიშნავ კლუბთან. 

ბაიერნში 18 წლის ასაკში მოვედი და უბრალოდ ვცდილობ ყოველდღე რაც შეიძლება ბევრი ვისწავლო.

ახლა კი მზად ვარ კიდევ ხუთი წელი ერთად ვიმუშაოთ. მე უკვე ბევრის მიღწევა მოვასწარი აქ, მაგრამ კიდევ ბევრი არის წინ.“
"ეს შესანიშნავი ნაბიჯია ორივე მხარისთვის" - კეინი ტელის „ტოტენჰემში“ გადასვლაზე
კეინი მატის ტელის „ტოტენჰემში“ გადასვლაზე:

„ეს შესანიშნავი ნაბიჯია ორივე მხარისთვის. ტელი დიდებული ბიჭია და ძალიან შრომისმოყვარე.

მისთვის მნიშვნელოვანია რეგულარული სათამაშო დრო და განვითარება, რათა სრულად გამოიყენოს თავისი პოტენციალი.

„ტოტენჰემისთვის“ კი შესანიშნავია, რომ ჰყავს ახალგაზრდა, მოტივირებული და ნიჭით სავსე ფეხბურთელი.“
“არასდროს შემპარვია მასში ეჭვი” - ჰიონესი მაქს ებერლზე
ჰიონესი მაქს ებერლის შესახებ:

"არასდროს შემპარვია მასში ეჭვი და მე მას ძალიან ვაფასებ. ახლა ამოცანაა გუნდში ცვლილებების მოხდენა და ახალი კონტრაქტების დასრულება."

• ხშირად გეკითხება რჩევას?

“ის არის ძალიან თავდაჯერებული, მაგრამ ასევეარის  ის, ვინც მე რჩევას მეკითხება.”
ოფიციალურად: ადამ აზნუ 6-თვიანი იჯარით „რეალ ვალიადოლიდში“ ითამაშებს
ოფიციალურად: ადამ აზნუ სეზონის ბოლომდე, 6-თვიანი იჯარით, „რეალ ვალიადოლიდში“ ითამაშებს!

"ბაიერნის" ახალგაზრდა მარცხენა მცველი დროებით დატოვებს კატალონიურ გუნდს, რათა მეტი სათამაშო პრაქტიკა მიიღოს და გამოცდილება შეიძინოს.

ახალგაზრდა ტალანტს „ვალიადოლიდში“ რეგულარული თამაშის შესაძლებლობა ექნება, რაც მის განვითარებას მნიშვნელოვნად შეუწყობს ხელს.
"ის ჩვენი კაპიტანია, დიდი პიროვნება ბაიერნში" - ფროინდი ნოიერის კონტრაქტზე
კრისტოფ ფროინდი მანუელ ნოიერის კონტრაქტზე: 

"მანუელ ნოიერი უკვე ათწლეულზე მეტია, რაც მეკარეობის ახალ სტანდარტებს ამყარებს. 

ის ჩვენი კაპიტანია, დიდი პიროვნება "ბაიერნში" და გუნდს ყოველთვის შეუძლია მასზე დაყრდნობა. 

მოხარულები ვართ, რომ მომდევნო სეზონშიც კვლავ ერთად ვიბრძოლებთ ჩვენს მიზნებისთვის."
ნოიერმა “ბაიერნთან” კონტრაქტი 2026 წლამდე გაახანგრძლივა
ოფიციალურად: მანუელ ნოიერმა ბაიერნთან კონტრაქტი 2026 წლამდე გაახანგრძლივა.

მისი კომენტარი: "მე ნამდვილად მსიამოვნებს ფეხბურთის თამაში და მინდა ეს ყველაფერი გავაგრძელო ბაიერნში.

ჯერ კიდევ მოშიებული ვარ და მოუთმენლად ველი კიდევ ერთ წელს ამ განსაკუთრებულ კლუბში.

ჩვენ ყოველთვის გვქონდა კარგი მოლაპარაკებები, რაც სასიამოვნო შეგრძნებაა. ჩვენ ჯერ კიდევ ბევრი საერთო მიზანი გვაქვს."
  • ბომბარდირები
  • ასისტენტები
  • ბარათები
1
ჰარი კეინი
გოლი: 26 6 19 1
2
ჯამალ მუსიალა
გოლი: 15 2 10 3
3
მაიკლ ოლისე
გოლი: 10 4 6 0
4
ლეროი სანე
გოლი: 7 1 5 1
5
თომას მიულერი
გოლი: 5 2 1 2
1
ჰარი კეინი
ასისტი: 8 1 6 1
2
იოზუა კიმიხი
ასისტი: 9 3 6 0
3
მაიკლ ოლისე
ასისტი: 9 1 7 1
4
ჯამალ მუსიალა
ასისტი: 6 4 2 0
5
სერჟ გნაბრი
ასისტი: 5 2 2 1
1
იოზუა კიმიხი
5 0 1 3 1
2
ჰარი კეინი
2 0 0 2 0
3
ჯამალ მუსიალა
1 0 0 1 0
4
საშა ბოე
1 0 0 1 0
5
დეიოტ უპამეკანო
3 0 0 3 0