იჯარა თუ სრული ტრანსფერი - ცნობილია როგორ ცდილობს ბენფიკა პალინიას ყიდვას

ბენფიკას ინტერესი ჟოაუ პალინიას მიმართ რეალურია და პორტუგალიური კლუბი ბაიერნისთვის ოფიციალური წინადადების წარდგენას მალე გეგმავს. „არწივები“ უკვე დაუკავშირდნენ ნახევარმცველის აგენტებს. თავად ფეხბურთელი პორტუგალიაში დაბრუნების იდეას დადებითად უყურებს.

ბენფიკა ამჟამად გარიგების ფინანსურ სტრუქტურას სწავლობს და 25 მილიონი ევროს ღირებულების წინადადებას ამზადებს. განიხილება ალტერნატიული ფორმულაც: 10-მილიონიანი იჯარა, რომელსაც 15-მილიონიანი სავალდებულო გამოსყიდვა მოჰყვება.

ყველაფერი იმაზეა დამოკიდებული, თუ რამდენად წამოვა ბაიერნი მოლაპარაკებებზე ამ პირობებით.
სიტუაციას ისიც ართულებს, რომ პალინიათი მილანიც არის დაინტერესებული, რომელსაც სათავეში ფეხბურთელისთვის კარგად ნაცნობი რუბენ ამორიმი ჩაუდგა.